3
ኢምባቆ ዎሳ
1 ናቤ ኢምባቆይ ዬꬃን ሺሺዳ ዎሳ።
2 ኣቤት ጎዳዉ!
ታ ኔ ጎባቴꬃ
ጊሻስ ሲያዲስ።
ጎዳዉ ኔ ኦሶይካ
ታና ያሺሲዴስ፤
ኔኒ ኔ ኦሶ
ኑ ዎዴን ኦራꬃ፤
ኔ ኦሶቲ ኑ ዎዴንካ
ኤሬታና ማላ ኦꬃርኪ!
ሃንቆ ዎዴካ
ማሮቴꬅ ቆፓርኪ!
3 ጾሲ ቴማኔፔ ጌሻይካ
ፓራኔ ዙማ ቦላፌ ዪዴስ፤
ኢዛ ቦንቾይ
ሳሎ ካሚ ኦይኪዴስ፤
ኢዛ ጋላታይካ
ቢታ ቦላ ኩሚዴስ።
4 ኢዛ ፖኦይ ኣዋ ኣርሼ ፖኦ ማላ፤
ኣዋ ጻልቄይ
ኢዛ ኩሼፔ ኬዚዴስ፤
ኢዛ ዎልቃይካ ሄን ቆቴቲዴስ።
5 ኢታ ሃርጌይ
ኢዛፔ ሲንꬃራ ቢዴስ፤
ሃዳ ሃይቆይካ
ኢዛ ጌዶ ካሊዴስ።
6 ኢዚ ኤቂን ቢታይ ቃጺዴስ፤
ኢዚ ጼሊዲ ኣሳ ኮኮሪሲዴስ፤
ሜርናስ ዲዛ ዙማቲ
ላሌቴꬅ ፒስኪ ጊዳ፤
ቤኒሶፌ ዲዛ
ዙማቲካ ዎዲዳ፤
ኢዛ ኦጌይ ሜርናሳ።
7 ቶጵያ ዱንካኔቲ
ሜቶቴቲሺን፥
ሚዲያሜታ ዱሳሶይ
8 ጎዳዉ! ኔ ሃꬃታ ቦላ
ሃንቄታዲ?
ኔ ሃንቆይ ሃꬃ
ፑልቶታ ቦላ ዲዜ?
ኔኒ ኔ ፓራታኔ
ጾኒዛ ፓራ-ጋሬታ ቶጋዳ
ካሌꬂዳ ዎዴ ኣባ ቦላ
ሃንቄታዲ?
9 ኔኒ ኔ ዎንዳፌ ጊጊሳዳሳ፤
ዪሻይ ኔስ ያና ማላ
ኣዛዛዳሳ፤
ቢታ ጳልቃዳ ሃꬅ ኬሳዳሳ።
10 ዙማቲ ኔና ቤኢዲ ማኒዳ፤
ሃꬃ ዳምባላይ
ኣꬊ ቢዴስ፤
ኣባይ ጬቄቲዴስ፤
ኣባ ዳምባላካ
ፑዴ ዴንꬂዴስ።
11 ኔ ፒሪሳ ዬዲዳ
ኔ ዪሻታፔኔ
ጾልቄቲዛ ኔ ቶራ ፖኦፔ
ዴንዲዳይሳን ኣርሼይኔ
ኣጊናይ ባ ዲዛሶን ኤቂ ኣቲዳ።
12 ኔኒ ቢታ ቦላ
ሃንቆን ሲሜሬታዳሳ፤
ዴሬታካ ሃንቆን ዬꬋዳሳ።
13 ኔኒ ኔ ዴሬ ኣሻናሲኔ
ኔ ቲይዳዴ ኣሻናስ ኬዛዳሳ፥
ኢታ ዴሬ ካሌꬂዛዴ
ሊቂሳዳሳ፥
ሁኤፔ ቶሆ ጹጉንꬅ ጋካናስ
ካሎ ኣሻዳሳ።
14 ጎቴ ጫርኮ ማላ
ኑና ላላናስ ዪዳይሳ፥
ኣይኮይ ባይንዳ ማንቆዛ
ጌማራ ሚታናስ ኣሞቲዛይሳ፥
ኦላንቻታ ሃላቃ ጊዲዳይሳ
ኢዛ ዛራ ጫዳዳሳ።
15 ኔኒ ኣባ ኔ ፓራታን
ዬꬊሲዛ ዎዴን
ጪማ ኣባይ ቃጼስ።
16 ታኒ ሲያዲስ፤
ታ ዎዚናይካ ዳጋሚዴስ፤
ኢዛ ጊርሳፌ ዴንዲዳይሳን
ታ ሜቴርሻይ ኮኮሪዴስ።
ባቦን ታስ ማራጬይ ቃጺዴስ።
ታስ ጉልባቴይ ኮኮሪዴስ፤
ጊዲኮካ ኑ ቦላ
ዎራጂዛ ዴሬዛ ቦላ
ሜቶይ ያና ጋላስ
ታ ጌንጫ ናጋይስ።
17 ባላሴ ጌቴቲዛ ሚꬃይ
ኣይፎንታ ኣጊኮካ
ዎይኔ ሚꬃፌ
ኣይፌይ ቤቶንታ ኣጊኮ
ዎጋራ ሚꬂካ ኣይፎንታ ኣጊኮ
ጎሻ ጋዴይ
ካꬅ ኢሞንታ ኣጊኮ
ዶርሲ ዪሬን ዶንታ ኣጊኮካ
ሚዚ ዜꬌን ዶንታ ኣጊኮካ
18 ታኒ ታ ጎዳን ኡፋዬታና፤
ታ ኢዛን ኣቲዳ
ጾሳን ኡፋዬታና።
19 ጎዳ ታ ጾሳይ ታስ ዎልቃ፤
ታ ቶሆታ ኢዚ
ጌኔሳ ቶሆ ማላ ሚንꬆ፤
ኢዚ ታና ꬎቃሶሆራ ሄሜꬃና።
ዬጺዛይታ ካሌꬂዛዴስ
ዬꬃ ሚሻን ዬጼቲዳ ማዛሙሬ። 2ሳሜ 22፡34፤ ማዛ 18፡33