45
ቂሮሴ ዶሬቴꬅ
1 «ታ ቲይዳይሳስ፥
ኡሻቻ ታ ኦይኪዳይሳስ፥
ካዎታ ጊꬅ ቢርሻና ማላኔ
ካዎቴꬃቲ ኢዛ ሲንꬃን
ሃሬታና ማላ፥
ፔንጌቲ ጎርዴቶንታ ማላ
ኢዛ ሲንꬃን ፔንጌታ
ዶያናስ ቂሮሴስ ጎዳይ፥
2 ታኒ ኔ ሲንꬃራ ባና፤
ዙማታ ባሳ ጊናሳና፤
ጻርቂማላ ፔንጌታ ሜንꬃና፤
ቢራታ ኮላታታካ ቃንጻና።
3 ኔና ኔ ሱንꬃን ጼይጊዳ ጎዳይ፥
ኢስራኤሌ ጾሳይ ታና ጊዲዳይሳ
ኔ ኤራና ማላ፥
ጌማሶን ዳጋቲዳ ኣቆታ፥
ꬉማሶን ዲዛ ሃሮ
ታ ኔስ ኢማና።
4 ታ ኣሽካራ ያቆቤ ጊሻሲኔ
ታኒ ዶሪዳ ኢስራኤሌ ጊሻስ፥
ኔ ታና ኤሮንታ ኣጊኮካ
ታኒ ኔና ኔ ሱንꬃን ጼይጋዲስ፤
ቦንቾ ሱንꬂካ
ኔስ ኢማዲስ።
5 ታኒ ጎዳ፤
ታፔ ሃራይ ኦኒካ ዴና፤
ታፔ ሃራ ጾሲ ዴና፤
ኔ ታና ኤሮንታ ኣጊኮካ
ታ ኔና ሚንꬃና።
6 ሄሲካ ኣሳይ
ኣርሼይ ሞኪዛሶፔ ቢዲ
ኣርሼይ ዉሊዛሶ ጋካናስ
ታፔ ሃራይ ባይንዳይሳ
ኤራና ማላሳ።
ታኒ ጎዳ፤
ታፔ ሃራይ ኦኒካ ዴና።
7 ታኒ ፖኦ ኦꬃዲስ፤
ꬉማካ ሜꬋዲስ፤
ታ ዱሬሳይሲኔ ማንቂሳይስ፤
ሃይሳ ኡባ ኦꬂዛ
ጎዳይ ታና።
8 ኢንቴኖ ሳሎቶ፥
ቦላፌ ጺሎቴꬅ ቡኪሲቴ፤
ሻራቲካ ዱጌ ጾኪሲቴ፤
ቢታይ ዶዬቶ፤
ኣቶቴꬂ ሞኮ።
ጺሎቴꬂካ ኢዛራ ኢሲፌ ዲጮ።
ታኒ ጎዳይ ሄሳ ሜꬋዲስ።
ጾሳይ ሜꬌቴꬃሲኔ ታሪኬስ ጎዳ
9 «ማና ሚሻታ ጊዶፌ
ባና ሜꬊዳይሳራ ማ
ርሼቲዛይሳስ
ኣዬ ኣና!
ኡርቃይ ባና ሜꬊዳይሳ፥
‹ኔ ኣይ ኦꬃይ?› ጊ ኤሪዜ?
ኔ ኦꬂዛ ኦሶይ፥
‹ኔስ ኩሼይ ባ› ጊ ኤሪዜ?ኦሮ 9፡20
10 ባ ኣዋ፥
‹ኣይስ ታና ሃይሳꬆ ዬላዲ?›
ባ ኣዮ፥
‹ኣይስ ኔ ሃይሳꬆ ሚጻታዲ?›
ጊዛዴስ ኣዬ ኣና!
11 «ኢስራኤሌ ጌሻይ፥
ኢዛ ሜꬊዳ ጎዳይ
ሲንꬃፌ ሃናና
ሃኖታ ጊሻስ፥
‹ታ ናይታ ጊሻስ
ታና ኦይቼቲ?
ታ ኩሼ ኦሶታ ጊሻስ ኣዛዜቲ?
12 ሳኣ ኦꬂዳይ ታና፤
ኣሲካ ኢዚ ቦላ ሜꬋዲስ።
ሳሎታ ታኒ ታ ኩሼን ቶላዲስ፤
ኢስታ ቦላ
ሳሎ ሜꬌታታ ዎꬃዲስ።
13 ታኒ ቂሮሴ ጺሎቴꬃን ዴንꬃና፤
ኢዛ ኦጌ ኡባ ጊጊሳና፤
ታ ካታማዮ ኢዚ
ዛሪ ኤሳና፤
ዲኤቲዳ ታ ኣሳ ሚሽ
ቃንጺሶንታ ጮ
ኢዚ ሜላ ዬዳና› » ጌስ
ጎዳይ ኡባፌ
ዎልቃማ ጾሳይ።
14 ጎዳይ፥ «ጊብጼ ዱሬቴꬂኔ
ቶጵያ ዛልኤይ፥
ቃሴ ጌሳን ኣዱስ ጊዲዳ
ሳባ ኣሳቲካ ኔኮ ያና፤
ኔይታ ጊዳና።
ኢስቲ ኔና ካላና፤
ሳንሳላታን ቃሼቲ ኔኮ ዪዲ
ኔስ ጎይናና፤
ኢስታስ፥ ‹ቱማፔ ጎዳይ
ኔናራ ዴስ፤
ኢዛፔ ኣቲን ሃራ ጾሲ ዴና›
ጊዲ ዎሳና» ጌስ።
15 ኣሺዛ ኢስራኤሌ ጾሳዉ፥
ቱማፔ ኔኒ ኔና
ጌንꬂዛ ጾሳ።
16 ኤቃ ጾሳታ ሜꬊዛይቲ
ኡባይ ዬላታና፥ ጉጻና
ኢሲ ቦላ ካዉያና።
17 ኢስራኤሌይ ጊዲኮ
ጎዳን ሜርና ኣቶቴꬅ ኣታና፤
ኢንቴካ ሜርናስ
ዬላቴኬታኔ
ካዉዬኬታ።
18 ሳሎታ ሜꬊዳይ ኢዚ ጎዳ፤
ቢታ ጊግሲዲ ሜꬊዳይ፥
ሳኣስ ዮች ዬጊዳይ፥
ኢዛ ኣሳ ዱሳሶ
ጊዳና ማላ ኣቲን
ጮ ሜላ ዎꬃናስ
ሜꬎንታ ጎዳይ፥
ታኒ ጎዳ፤
ታፔ ሃራይ ዴና።
19 ታ ꬉማ ቢታን
ጌማን ዮታቤኬ፤
ያቆቤ ዜሬꬃታስ፥
«ታና ጮ ሃዳ ኮዪቴ» ጋቤኬ።
ታኒ ጎዳይ ቱማ ሃሳያይስ፤
ሱሬ ዮኦ ኣዋጃይስ።
ሳሎኔ ሳኣ ሜꬊዳ ጾሳኔ ባቢሎኔ ኤቃታ
20 «ኢንቴኖ ካዎቴꬃታፔ
ቤቲዳይቶ!
ኢሲፌ ሺቂዲ ሃዪቴ፤
ማታ ሺቂቴ።
ሚꬃፌ ኦሴቲዳ ኤቃ ጾሳ
ቶኪዛይታሲኔ፥
ኣሻናዉ ዳንዳዮንታ
ጾሳ ዎሲዛይታስ
ኤራቴꬂ ዴና።
21 ኣኔ ኢንቴ ሞቶ ዮቲቴ፤ ሺሺቴ፤
ኢስቲ ኣኔ ኢሲፌ
ሺቂዲ ዞሬቴቶ።
ሃይሳ ኮይሮቲዲ
ኣዋጂዳይ ኦኔ?
ቤኒ ዮቲዳይ ኦኔ?
ታና ጎዳ ጊዲኪና?
ጺሎይኔ ኣሺዛ ጾሲ
ታፔ ኣቲን ሃራይ ዴና።
22 «ኢንቴኖ ቢታ ጋጻን
ዴኢዛ ኡባቶ!
ታኮ ሲሚዲ ኣቲቴ።
ታኒ ጾሳ፤ ታፔ ኣቲን
ሃራይ ዴና።
23 ጉልባቴይ ኡባይ
ታ ሲንꬃን ጉልባታና፤
ኢንጻርስ ኡባይካ ታናን ጫቃና፤
ታኒ ታርካ ታ ሁኤን ጫቃዲስ፤
ጉዬ ሲሞንታ ቃላይ
ታ ዶናፔ
ጺሎቴꬃን ኬዚዴስ። ኦሮ 14፡11፤ ፒሊ 2፡10-11
24 «ኢስቲ ታ ጊሻስ ሃሳይሼ፥
‹ጺሎቴꬂኔ ዎልቃይ
ጎዳን ጻላ ዴስ› ጋና» ጌስ።
ኢዛ ቦላ ሃንቆን ዴንዲዳይቲ
ኡባይ ኢዛኮ ዪዲ ዬላታና።
25 ጊዶ ኣቲን ኢስራኤሌ ዜሬꬅ ኡባይ
ጎዳን ጺላና፤
ቦንቾካ ዴማና።