1 ጎዳ ማታፔ ኤርማሳኮ፥ 2 «ዴንዳዳ ማናሶ ባ፤ ሄን ታ ኔስ ታ ኪታ ዮታና» ጊዛ ቃላይ ዪዴስ። 3 ታኒካ ዱጌ ማናዛሶ ባዲስ፤ ኢዚ ባ ሜꬊዛ ኢርዞ ቦላ ኦቶ ሜꬊሺን ቤኣዲስ። 4 ኢዚ ሜꬊሺን ኦቶዚ ኢዛ ኩሼን ሞሬቲዴስ፤ ሂስቲን ኢዚ ሄ ኡርቃ ዛሪዲ ባ ኮዪዳ ማላ ሜꬊዴስ። 5 ሄ ዎዴ ጎዳ ቃላይ፥ 6 «ኢስራኤሌ ኣሳዉ! ማናዚ ኦꬂዛይሳꬆ ታ ኢንቴና ኦꬃናስ ዳንዳይኪና? ኢስራኤሌ ኣሳዉ! ኡርቃይ ማና ኩሼን ዲዛይሳꬆ ኢንቴካ ታ ኩሼን ዴታ። 7 ታኒ ኢሲ ዴሬይ ዎይኮ ኢሲ ካዎቴꬂ ሾዴታና ማላ፥ ላሌታና ማላኔ ꬋያና ማላ ዮቲኮ፥ 8 ሄ ታኒ ዮቲዳ ካዎቴꬃይ ባ ኢታቴꬃፌ ኣጊዲ ሲሚኮ፥ ታኒ ኢስታ ቦላ ኤሃና ጊዳ ኢታ ሚሽ ኤሆንታ ኣጋጋና። 9 ቃሴ ሃራ ዎዴካ ታኒ ኢሲ ዴሬ ዎይኮ ኢሲ ካዎቴꬅ ሚንꬃ ኤሳናስ ዮቲኮ፥ 10 ታ ሲንꬃን ኢታ ሚሽ ኦꬂኮኔ ታስ ኣዛዜቶንታ ኢጺኮ፥ ‹ታ ኢዛስ ኦꬃና› ጊዳ ሎኦ ሚሻ ኡባ ኦꬆንታ ኣጋጋና» ጌስ።

11 ጎዳይ፥ «ሄሳ ጊሻስ፥ ኤርማሳ ሃኢ ዩሁዳ ኣሳታሲኔ ዬሩሳላሜን ዲዛይታስ ባዳ፥ ‹ሄኮ ታኒ ኢንቴ ቦላ ባሽ ጊጊሶ ቦላ ዳይስ፤ ኢንቴ ቦላ ኢታ ሚሽ ሜꬋሼ ዳይስ፤ ሄሳ ጊሻስ ኢንቴ ኡባይካ ኢንቴ ቢዛ ኢታ ኦጌፔ ሲሚቴ፤ ኢንቴ ኦጌኔ ኢንቴ ኦሶ ሱሪሲቴ› ጋ ዮታ። 12 ጊዶ ኣቲን ኢስታስ፥ ‹ዳቡሮፓ፤ ኑ ሃልቺዳ ኦጌራ ባና፤ ኑኒ ኢሶይ ኢሶይ ኑ ኢታ ዎዚና ቆፋ ካላና› ጌቴስ» ጊዴስ።

18 ኢስቲካ፥ «ኣኔ ሃ ዪቴ፤ ኤርማሳ ቦላ ማቄቶስ፤ ዎጋይ ቄሴታ ኣቻን፥ ዞሬይ ኣꬎ ኤራንቻታ ኣቻን፥ ቃላይካ ናቤታ ኣቻን ꬋዬና፤ ኣኔ ሃ ዪቴ፤ ኑ ኢንጻርሳን ኢዛ ቶቾስ፤ ኢዚ ጊዛይሳካ ኡባ ሲዮኮ» ጊዳ።