1 ማታሜ ሾጪዳይቲ ሃካሊያ ና ዴሬ ኣይሲዛ ናሂሚያ፥ ሴዴቂያሳ፥ 2 ቄሴታ ባጋፌ ሳራያ፥ ኣዛሪያሳ፥ ኤርማሳ 3 ፓሽኩሬ፥ ኣማሪያ፥ ማልኪያ፥ 4 ሃጹሼ፥ ሼባኒያ፥ ማሉኬ፥ 5 ሃሪሜ፥ ሜርሞቴ፥ ኣብዲዩ፥ 6 ዳኔላ፥ ጊንቶኔ፥ ባሮኬ፥ 7 ማሹላሜ፥ ኣቢያ፥ ሚያሚኔ፥ 8 ማኣዚያ፥ ቢልጋዬኔ ሻማኤ።

9 ሌዌ ባጋታፔ ኣዛኒያ ና ኢያሶ፥ ሄናዳዴ ዛሬፔ ቢኑዌ፥ ቃዲምኤሌ፥ 10 ኢስታ ኢሻታፔ ሼባኒያ፥ ሆዲያ፥ ቃሊጻ፥ ፓላዬ፥ ሃናኔ፥ 11 ሚካ፥ ኤራሆቤ፥ ሃሻቢያ፥ 12 ዛኩሬ፥ ሼሬቢያ፥ ሼባኒያ፥ 13 ሆዲያ፥ ባኔኔ ቤኒኔ።

14 ዴሬ ኣይሲዛይታ ባጋፌ ፓሮሴ፥ ፓሃቴ-ሞኣቤ፥ ኤላሜ፥ ዛቶ፥ ባኔ፥ 15 ቡኔ፥ ኣዝጋዴ፥ ቤባዬ፥ 16 ኣዶኒያሳ፥ ቢጉዋዬ፥ ኣዲኔ፥ 17 ኣጻሬ፥ ሂዝቂያሳ፥ ኣዙሬ፥ 18 ሆዲያ፥ ሃሹሜ፥ ቤሳዬ፥ 19 ሃርፔ፥ ኣናቶቴ፥ ኔባዬ፥ 20 ማጊፒኣሼ፥ ማሹላሜ፥ ሄዚሬ፥ 21 ሜሼዛቤሌ፥ ሳዶቄ፥ ያዱኤ፥ 22 ፓላጺያ፥ ሃናኔ፥ ኣናያ፥ 23 ሆሴኤ፥ ሃናኒያ፥ ሃሹቤ፥ 24 ሃሉሄሼ፥ ፒሊሄ፥ ሾቤቄ፥ 25 ኤሬሁሜ፥ ሃሻቢኔ፥ ማኢሳያ፥ 26 ኣካያ፥ ሃናኔ፥ ኣናኔ፥ 27 ማሉኬ፥ ሃሪሜኔ ባኣና።

28 «ኣቲዳ ኣሳይ፥ ቄሴቲ፥ ሌዌ ባጋቲ፥ ጾሳ ኬꬃ ጊቤ ናጊዛ ዛቤቲ፥ ዬꬃ ዬጺዛይቲኔ ጾሳ ኬꬃ ኦሳንቻቲ ቃሴካ ጾሳ ዎጋስ ኣዛዜታና» ጊዲ ኣይዛቤታፔ ባና ሻኪዳ ኣሳቲ ባ ማቼታራ፥ ባ ኣቱማ ናይታራኔ ማጫ ናይታራ ኢሲፌ ጊዲዲ ኤሪዛይቲኔ ኣኬኪዛይቲ ኡባይ ጫቂዳ፤ 29 ባና ካሌꬂዛይታራ ኢሲፌ ጊዲዲ ጾሳ ኣይሌ ሙሴ ባጋራ ኢሜቲዳ ኣዛዞታ፥ ፒርዳኔ ዎጋ ናጋና ጊዲ ቃላ ጌሊዳ፤ «ሄሳꬆ ኦꬆንታ ኣጊኮ ኑና ጎሞ፤ 30 ኑ ዴሬ ሄራን ዲዛ ኣይዛቤታፔ ማቾ ኑ ናይታስ ኤኮንታ ማላኔ ኑ ማጫ ናይታ ጌዴ ኢሞንታ ማላ ጫቆስ። ኬሳ 34፡16፤ ዛሬ 7፡3

31 «ኣይዛቤቲ ባ ዴሬፔ ሳምባታ ጋላስ ዎይኮ ሃራ ባኣሌታን ካꬅ ዎይኮ ኣይ ሚሺካ ዛልኤስ ኤኪ ዪኮ ኢስታፌ ሻሞኮ። ላፑንꬆ ላይꬃን ላይꬃን ኑ ጋዴ ሼምፒሳናስ ጎዮኮ፤ ኑ ታልኤ ኢሚዳ ኣጮዛካ ዛሪ ኤኮኮ። ኬሳ 23፡10-11፤ ሌዌ 25፡1-7፤ ዛሬ 15፡1-2

32 «ላይꬃን ላይꬃን ጾሳ ኬꬃ ኦሶስ ማዲዛ ቢራ ሄꬓፌ ኢሲ ኩሼ ኑ ኤሂ ኢማና። ኬሳ 30፡11-16 33 ሄሳꬆካ ጾሳ ኬꬃ ኦሶስ ቤሲዛ ሚሻታ ኩንꬂዲ ሺሻና፤ ሄይቲካ ዱማቲዳ ኡኬꬅ፥ ጋላስ ጋላስ ሺቂዛ ያርሾ ካꬅ፥ ጹጌቲዛ ያርሾስ ጊዲዛ ሜሄታ፥ ሳምባታ ጋላሳታን፥ ኣጊናይ ጋኪሺኒኔ ሃራ ባኣሌ ጋላሳታን ሺቂዛ ሃራ ጌሻ ያርሾ ኡባ፥ ኢስራኤሌ ኣሳ ናጋራ ዉርሳናስ ሺቃና ቤሲዛ ሚሺኔ ጾሳ ኬꬃ ኦሶስ ኮሺዛ ሚሻታ ኡባ ኢማና።

34 «ያርሾ ጊሻስ ሙሴ ዎጋን ጻፌቲዳ ማላ ጎዳ ኑ ጾሳስ ሺቂዛ ያርሾ ጹጋናስ ቤሲዛ ኤሶ ሚꬅ ሺሻና ቤሲዛ ቆሞቲ ኦናንታኮ ኤራናስ ኑኒ ዴሬይ ቄሴቲኔ ሌዌ ባጋቲ ላይꬃን ላይꬃን ሳማ ዬጊዲ ዮኦዛ ቃቾስ።

35 «ላይꬃን ላይꬃን ኑ ካꬃታኔ ሚꬃ ኣይፌታ ማጺ ሺሺዛ ዎዴ ኮይሮ ጋኪዛ ሻቻስ ጼራ ጾሳ ኬꬅ ኤፊ ኢማና። ኬሳ 23፡19፤ 34፡26፤ ዛሬ 26፡2

36 «ኑፔ ኢሶይ ኢሶይ ኮይሮ ዬሌቲዳ ኣቱማ ናይታ ጾሳ ዎጋይ ኣዛዚዛ ማላ ኢስታ ጾሳስ ዱማሳና፤ ጾሳ ኬꬃን ኦꬂዛ ቄሴታስ ኢማና፤ ቃሴ ኑ ሚዛታፔ፥ ኑ ዶርሳታፔ፥ ኑ ዴይሻታፔ ኮይሮ ዬሌቲዛ ማራታኔ ላቃታ ኡባ ጾሳስ ዱማ ሻካና። ኬሳ 13፡2

37 «ኑኒ ካꬅ ሺሺዛ ዎዴ ኮይሮ ጋኪዛ ካꬃ ꬊሌፌ፥ ዱማ ዱማ ሜቴቲዛ ሚꬃ ኣይፌፔ፥ ኦራꬃ ዎይኔ ኡሻፌኔ ዎጋራ ዛይቴ ኡባፌ ጼራ ጾሳ ኬꬃን ኦꬂዛ ቄሴታስ ኤሂ ኢማና፤ ኑ ጎሻ ጋዴይ ዲዛሶን ዲዛሶን ካጺዛ ካꬃፌ ጊራ ቃንጺሲዛ ሌዌ ባጋታስ ታማፌ ኢሲ ኩሼ ኢማና። ታይ 18፡21 38 ኣስራታይ ሺቂዛ ዎዴ ኣሮኔ ዜሬꬃፌ ጊዲዳ ቄሴይ ሌዌ ባጋታራ ኢሲፌ ኤኬቴስ፤ ሌዌ ባጋቲ ጾሳ ኬꬃ ኦሶስ ሺሺዳ ኣስራታፔ ታማፌ ኢሲ ኩሼ ጾሳ ኬꬃ ሚሺ ኡቲዛ ሚንጃ ኬꬃን ዎꬄቴስ።ታይ 18፡26 39 ኢስራኤሌ ኣሳይኔ ሌዌ ባጋቲ ካꬅ፥ ዎይኔ ኡሹኔ ዎጋራ ዛይቴ ኢሞታ ጾሳ ኬꬃ ሚሻቲ ኡቲዛሶኒኔ ቄሴቲ፥ ጾሳ ኬꬃ ጊቤ ናጊዛ ዛቤቲኔ ዬꬃ ዬጺዛይቲ ሼምፒዛ ሚንጃ ኬꬃን ኤሂ ዎꬄቶ።

«ሄሳ ጊሻስ፥ ‹ኑ ጾሳ ኬꬃ ኦሶ ኑና ኣይ ሜቲዴ!› ጊ ኣጎኮ» ጊዲ ጫቂዳ።