22
1 ሎኦ ሱንꬂ
ዳሮ ዱሬቴꬃፌ ኣꬌስ፤
ኣሳ ማታን ቦንቼቴꬂካ
ቢራፔኔ ዎርቃፌ ኣꬌስ።
2 ዱሬኔ ማንቆ ኡባ
ጎዳይ ሜꬊዴስ፤
ሄሳን ኢስታ ናይካ ኢሲ ጊና።
3 ኣኬካንቻ ኣሲ ኢታ ቤኢዲ
ኣታናስ ባቃቴስ፤
ጊዶ ኣቲን ኣኬካይ ፓጪዳ ኣሲ
ሜቶን ጌሊዲ ቆሄቴስ።
4 ኣሽኬቴꬂኔ ጎዳስ ያሺ፥
ዱሬቴꬅ፥ ቦንቾኔ
ዴኦ ኢሜስ።
5 ኢታ ኣሳ ኦጌን ኣጉንꬂኔ
ያርዴይ ዴስ፤
ጊዶ ኣቲን ባና ናጊዛ ኣሲ
ሄሳፌ ሃኬስ።
6 ናይ ዋኒዲ ዴኣና ቤሲዛኮ
ታማርሳ፤
ሂስቲኮ ኢዚ ጪሚዲካ
ሄሳፌ ሃኬና።
7 ዱሬይ ማንቆ ሃሬስ፤
ታልኤ ኤኪዳዴይ ታልኤ
ኢሚዳዴስ ኣይሌ ጊዴስ።
8 ኢታቴꬅ ዜሪዛ ኣሲ ዋዬ ጫኬስ፤
ኢዛ ሃንቆ ጉፌይ ꬋያና።
9 ኪያ ኣሲ ኣንጄቴስ፤
ባ ቁማፔካ ሂዬሳስ ኢሜስ።
10 ቂልጪዛ ኣስ ዲጋ፤
ሂስቲኮ ፓላማይ ኣታና፤
ኦሺኔ ጫሺካ ꬋያና።
11 ዎዚና ጌሻቴꬅ ዶሲዛ ኣሲኔ
ዶናፔ ሎኦ ሃሳይዛ ኣሳራ
ካዎይ ላጌቴስ።
12 ጎዳ ኣይፌቲ ኤራቴꬅ ናጌቴስ፤
ጊዶ ኣቲን ዎርዳንቻታ ቃላ
ሃዳ ኬሴስ።
13 ኣዛላ ኣሲ፥
«ጋሞይ ካሬን ዴስ፤
ታና ኦጌን ዎꬋና» ጌስ።
14 ላይማ ማጫሳ ዶናይ
ጪማ ኦላ ማላ፤
ጎዳይ ሃንቄቲዳ ኣሲ
ኢዚን ዉሌስ።
15 ና ዎዚና ኤያቴꬂ
ባቂ ኦይኬስ፤
ጊዶ ኣቲን ሴራ ሾች
ኢዛፔ ሃሴስ።
16 ባስ ኣቆታ ጉጃና ጊዲ
ሂዬሳ ናቂዛይኔ
ዱሬሲ ኢሞታ ኢሚዛይ
ናይካ ማንቃና።
ኣꬎ ኤራንቻ ዞሬ ሄꬑ ታማታ
17 ኣꬎ ኤራንቻ ዞሬ
ዎዚናፔ ሲያ፤
ኔ ዎዚናይካ
ታ ቲሚርቴኮ ሲሞ!
18 ኣይስ ጊኮ
ኢስታ ኔ ዎዚናን ዎꬂኮ፥
ኔ ዶናንካ
ኢስታ ኡባ ሃሳይኮ
ኔ ኡፋዬታና።
19 ኔ ኣማኖይ
ጎዳን ጊዳና ማላ
ታኒ ኔና ሃች ታማርሳይስ።
20 ታኒ ኔሲ ዞሬኔ
ኤራቴꬅ ኢሚዛ
ሎኦ ቲሚርቴታ ጻፋቤኪና?
21 ኔና ኪቲዳይሳስ ቤሲዛ
ዛሮ ዛራና ማላ፥
ታኒ ኔና ቱማኔ
ኣማኔቲዳ ቃላታ
ታማርሳና ማላ ጊዴኔ?
22 ሂዬሳታሲ ኣይኮይካ ባይንዳ
ጊሻስ ኢስታ ቦንቆፋ፤
ሺሎታንካ ሜቶታንቻታ
ዋዪሶፓ።
23 ኣይስ ጊኮ ጎዳይ
ኢስታ ጊሻስ ሞቴታና፤
ኢስታ ቦንቂዳይታካ
ኢዚ ቦንቃና።
24 ሃንቄቲዛ ኣሳራ ላጌቶፓ፤
ሃንቄታናስ ኤሶቲዛ
ኣሳራካ ዙፔቶፓ።
25 ኔኒ ኢዛ ሃኖዛ ሜዜቲኮ፥
ጉዬፔ ኣጋናዉ ዳንዳያካ።
26 ዋሴ ጌላናስ ጫቆፋ፤
ኣሳ ኣጮ ቃንጻናስ
ዋሴ ጌሎፓ።
27 ኔሲ ቃንጺዛዚ ꬋይኮ፥
ኔ ኢቺዛ ኣልጋይካ
ኣቶንታ ኤኬታና።
28 ኔ ኣዋቲ ኤሲዳ
ቤኒሶፌ ዲዛ ዛዋ ሾዶፋ።
29 ባ ኦሶን ሎሂዳ ኣስ ቤያዲ?
ኢዚ ካዎታስ ኦꬄሲፔ ኣቲን
ቤሶንታ ኣሳታስ ኦꬄና።