ካꬅ ማናስ ኡቲዳ ዎዴ፥

ኔ ሲንꬃን ዴኢዛይሳ

ሎኤꬃዳ ኣኬካ።

ኬሂፔ ናጌታ።

ዳንዳይዛ ጊሻስ፥

ሺቂዳ ማልኦ ቁማስ ዪቄቶፓ።

ሃይሳ ማላ ቆፋ ኣጋናስ

ኣኬካንቻ ጊዳ።

ኔኒ ኔ ኣይፌ ዎꬂኮ

ሄራ ꬋያና፤

ቄፌ ኬሲዳ ጎሌ ካፎ ማላ

ሳሎራ ፓላና።

ማልኢዛ ኢዛ ካꬅ

ማናስ ኣሞቶፋ።

«ማ፤ ኡያ» ጌሲፔ ኣቲን

ኢዛ ዎዚናይ ኔናራ ዴኤና።

ኔና ጮሻና፤

ኔ ጋላታይካ ሃዳ ጊዳና።

ኣይስ ጊኮ

ኔ ኣꬎ ኤራ ሃሳያ

ኢዚ ካꬋና።

ቃሴ ዪኦ ናይታ ጋዴ ሱጎፓ፤

11 ኣይስ ጊኮ ኢስታ

ኣሺዛ ጎዳይ ሚኖ፤

ኢዚ ኢስታ ጊሻስ ኔናራ ሞቴታና።

ኔ ሃይꬃካ ኤራቴꬃ

ቃላኮ ዛራ።

ኔኒ ቂርጩንቻን ሾጪኮ

ኢዚ ሃይቄና።

ኢዛ ሼምፖ ሃይቆፔ ኣሻ።

ኔ ዎዚናይ ኣꬎ

ኤራንቻ ጊዲኮ

ታ ዎዚናይካ ኡፋዬቴስ።

ታ ዎዚናይ ኡፋዬቴስ።

ጊዶ ኣቲን ኡባቶ ጎዳስ

ያሻቴꬅ ኣጎፋ።

ኔ ሂዶታይ ሃዳ ጊዴና።

ኔ ዎዚናይ ሱሬ ኦጌፔ

ካሬ ኬዞፖ።

ኣሾ ሙሳስ

ያሬቲዛይታራ ዙፔቶፓ።

ዮራቲ ማንቃና፤

ꬊስኮ ዳሮይ ጫርቃ ማይዜስ።

ኔ ኣዪያካ

ጬጊዳ ዎዴ ካꬎፓ።

ሙሌካ ባይዞፓ፤

ኣꬎ ኤራቴꬅ፥ ሴራኔ

ኣኬካ ኔስ ሚሼ ኦꬃ።

ኬሂፔ ኡፋዬቴስ፤

ዎዚናማ ና ዬሊዳ ኣሲካ

ኢዛን ኡፋዬቴስ።

ኔና ዬሊዳራካ ኡፋዬቱ።

ኔ ዎዚና ሃ ታኮ ዛራ፤

ኔ ኣይፌቲ ታ ኦጌፔ

ካሬ ኬዞፔቶ።

ጪማ ኦላ ማላ፤

ላጌꬆ ማቻ

ጹንꬃ ኦላ ማላ።

ኣማኔቶንታ ኣዴታ

ዴሬ ጊዶን ዳርሳዉስ።

ጬጬይ ኦሴ? ኦሺ ኦሴ?

ዙዙንꬂ ኦሴ?

ጋሶይካ ባይንዳ

ማዱንꬂ ኦሴ?

ኣይፌይ ዞኢዛይ ኦሴ?

ጋምኢዛይታስ ጊዴኔ?

ዋላኬቲዳ ዎይኔ ኡሹ

ዩዪ ዩዪ

ጋንጺዛይታስ ጊዴኔ?

ኢዛ ሜꬋይ ቢሪሌ ጊዶን

ጶሊዛ ዎዴ፥

ዱቂሺን ጮሮሩ ጊ ጌሊዛ ዎዴ

ኢዛ ቲሺ ሂስታ ጼሎፋ።

ሾሻ ማላ ዱኬስ፤

ጎፔ ሾሻ ማላካ

ባ ዪሻ ፑኬስ።

ኔ ዎዚናይካ ኤሉሜታና።

ማርካቤ ጼራን

ኢቺዳ ኣሳ ማላ ጊዳና።

ጊዶ ኣቲን ታኒ ቆሄታቤኬ፤

ኢስቲ ታና ዋꬊዳ፤

ጊዶ ኣቲን ታስ ኤሬቲቤና።

ሃራ ኡሻ ኡያናስ

ታኒ ኣዉዴ

ዴንዳንዲናሻ?» ጋና።