2
1 ካዎቴꬃቲ ኣይስ ዴንዲዞ?
ቃሴ ካዎቴꬃይ
ኣይስ ኢታ ኦꬃናስ ማቄቲዜ?
2 ሳኣ ካዎቲኔ ዳናቲ ዴንዲዳ፤
ኢስቲ ጎዳ ቦላኔ
ጎዳይ ቲይዳይሳ ቦላ
ዴንዳናስ ኢሲፌ ዱላቲዳ። ሃዋ 4፡25-26
3 ኢስቲ፥ «ኣኔ ኑኒ
ኢስታ ሳንሳላታ ዱꬆስ፤
ኢስቲ ኑና ቃቺዛይሳካ
ኬሲ ዎራ ኦሎስ» ጌቴስ።
4 ሳሎን ባ ኣራታ ቦላ ኡቲዳይሲ
ኢስታ ቦላ ሚጬስ፤
ጎዳይ ኢስታ ቂꬌስ።
5 ጎዳይ ባ ሃንቆን ኢስታ ሴሬስ፤
ባ ዎልቃማ ሃንቆን
ኢስታ ዳጋንꬄስ።
6 ጎዳይ፥ «ታኒ ታ ጌሻ ዙማ
ጺዮኔ ቦላ ታ ካዎዛ
ካዎꬃዲስ» ጌስ።
7 ሄ ካዎይ፥ «ታኒ ጎዳ
ዎጋ ኣዋጃና፤
ጎዳይ ታና፥ ‹ኔኒ ታ ና፤
ታኒ ኔና ሃች ዬላዲስ። ሃዋ 13፡33፤ ኢብ 1፡5፤ 5፡5
8 ኔኒ ታና ኦይቻ፤
ታኒ ካዎቴꬃ ኡባ
ኔስ ኢማና፤
ሳኣ ኡባይ ኔስ ጊዳና።
9 ኔኒ ቢራታ ጉፌን
ኢስታ ቆጼሬꬃና፤
ኢስታ ኔኒ ማና ሚሺ
ሜቂዛ ማላ
ሜንꬄሬꬃና› ጌስ» ጊዴስ። ኣጁ 2፡26-27፤ 12፡5፤ 19፡15
10 ሄሳ ጊሻስ ኢንቴኖ
ካዎቶ ኣኬኪቴ፤
ሃ ሳኣ ሃሪዛይቶ
ኢንቴ ናጌቲቴ!
11 ጎዳስ ያሻቴꬃን ኦꬂቴ፤
ኢዛስ ኮኮርሳን ሃሬቲቴ።
12 ጎዳይ ሃንቄቲን
ኦጌን ኢንቴ ꬋዮንታ ማላ
ኢዛስ ሱሬ ዎዚናን ጎይኒቴ፤
ኣይስ ጊኮ ኢዛ ሃንቆይ
ኤሶን ኤጺ ኬዛና።
ኢዛ ባንታስ ዜምፖ
ኦꬂዛይቲ ኣንጄቲዳይታ።