8
ዳዊቲ ዛማሬታ ካቦስ ሱሱልኤን ዬጺዳ ማዛሙሬ
1 ኣቤት ጎዳዉ!
ኑ ጎዳዉ ኔ ሱንꬂ
ቢታ ኡባን ኬሂ
ቦንቼቲዴስ፤
ኔኒ ኔ ቦንቾ
ሳሎታፔ ቦላን
ꬎቁ ꬎቁ ሂስታ
ዎꬃዳሳ።
2 ኔኒ ኔ ሞርኬታ ጊሻስ
ኔ ባልጋራኔ
ኔ ቦላ ማንዲዛይሳ
ሲርጲ ኦꬃናዉ
ጉꬃ ናይታ ዶናኒኔ
ꬋሚዛ ናይታ ዶናን
ጋላታ ኩንꬃዳሳ።ማቶ 21፡16
3 ኔኒ ኔ ኩሼን ሜꬊዳ ሳሎታ፥
ሶሆን ሶሆን ኔኒ
ዎꬂዳ ኣጊናኔ
ጾሊንቴታ ታኒ ቤኢዛ ዎዴ፥
4 ኔኒ ኣሳስ ቆፓናዉ ኣሲ ኣዜ?
ዎይኮ ኔኒ ኣሳ ናስ
ዉዴታናዉ ኢዚ ኣዜ?ኢዮ 7፡17-18፤ ማዛ 144፡3፤ ኢብ 2፡6-8
5 ኢዛ ኔኒ ኪታንቻታፔ *ኪታንቻታፔ ጊዛይሳ ኢሲ ኢሲ ጌሻ ማጻፋቲ ጾሳፌ ጌቴስ።
ጉꬃራ ዚቂሳዳሳ፤
ቦንቾኔ ጊታቴꬃ
ካላቻ
ኢዛ ሁኤን ጎጺሳዳሳ።
6 ኢዛ ኔኒ ኔ ሜꬊዳ
ሜꬌቴꬃ ኡባ ቦላን
ሃሪዛዴ ኦꬃዳ
ሱንꬃዳሳ፤
ኡባካ ኢዛስ ሃሪሳዳሳ። 1ቆሮ 15፡27፤ ኤፌ 1፡22፤ ኢብ 2፡8
7 ዶርሳታኔ ሚዛታ፥
ዶኣ ኡባ፥
8 ሳሎ ካፎታ፥ ኣባ ሞሌታኔ
ኣባ ጊዶን ዲዛ ሜꬌታ ኡባካ
ኢዛስ ሃሪሳዳሳ።
9 ኣቤት ኑ ጎዳ ጾሳዉ!
ኔ ሱንꬂ ቢታ ኡባ ቦላ
ኬሂ ቦንቼቲዴስ።