81
Aasaafey zammareta kaabbos susul7en yexxida mazamure
1 Nuus wolqqa gidida
Xoossas ufayssan yexxite;
Yaaqoobe Xoossas ililite!
2 Yeth doommite;
karabe baqqite;
diiththaninne maasinqon
lo7o mazamure yexxite.
3 Aginay xeeriza wodenne
dhuman geliza wode
ba7aales zaye punnite.Tay 10:10
4 Hayssi Isra7eeles woga;
Yaaqoobe Xoossay immida azazo.
5 Gibxe biitta izi yeddi kezida wode
Yooseefe zaretas
woga histti woththides;
tani erontta qaalara izi taas,
6 «Intte hasheppe tooho woththadis;
intte kushe deexo
gooshoppe shempisadis.
7 Intte meto wode
tana xeygideta;
histtiin tani inttena ashshadis;
tani shaara giddora dadan
inttena alladis;
Mariiba geetettiza
pultto haaththa matan
tani inttena paaccadis.Kessa 17:7; Tay 20:13
8 «Ta derezoo!
Tani nena seerizayssa siya!
Isra7eele asawu!
Ne tana ezga siyidaakko
aazee dizay!
9 Intte giddon allaga xoossi dooppo;
hara xoossas goynnofte.
10 Tani GODAA intte Xoossaa;
inttena Gibxe biittafe kessada
ehiday tana intte GODAA;
ne doona keeha hanga;
tani nena tuththana.Kessa 20:2-3; Zaare 5:6-7
11 «Gido attiin ta asati
ta qaala siyibeettenna;
Isra7eeleti taas
kushe immibeettenna.
12 Hessa gishshas tani
istti ba wozina
muumeteththaaththo
ba dosoyssa hanana mala
aggaagadis.
13 «Ta derey tana siyidaakkoo!
Isra7eele asay
ta oge kaallidaakko!
14 Tani istta morkketa
isttas gulbatissana;
istta baaligaaratakka
ta shocanakkoshin.
15 GODAA ixxizayti
iza sinththan kundana;
istti mernaas qaxxayettana.
16 Gido attiin tani inttena
muuruta gistte mizana;
qasse zaallaafe inttena
ees kalssana» gishin siyadis.