82
Aasaafe Mazamure
Xoossi salon diza duulata kaaleththees;
xoossati ubbay shiiqiin
istta bolla pirdishe,*Xoossata hayssi ha qaalazi kawota, daannata, asa bolla dumma dumma ogera pirdizayta, kiitanchchatanne eeqa xoossata bessees.
 
«Intte awude gakkanawu
geella pirda pirdanee?
Iitatakka awude gakkanaas
maaddanee?
Wolqqay bayndaytassinne yi7otas
tuma pirda pirdite;
manqonne naaqettida asata
maata naagissite.
Daaburanchchatanne
metotanchchata ashshite;
iitata kusheppeka
istta woththi ekkite.
 
«Inttes aykko erateththinne
akeekay deenna;
intte dhuman simeretteeta;
biitta yochchati
ubbay qaaxxeettes.
 
«Tani inttena, ‹Intte xoossata;
intte ubbayka
Ubbaafe Dhoqqa Xoossa
nayta› gadis.Yoha 10:34
‹Gido attiin intte
asi hayqqiza mala hayqqana;
Qasse hara halaqati kundiza mala
intteka kundana› gays» gees.
 
Abeet Xoossawu! Denda!
Sa7a bolla pirda;
kawoteththi ubbay neessa.

*82:1 Xoossata hayssi ha qaalazi kawota, daannata, asa bolla dumma dumma ogera pirdizayta, kiitanchchatanne eeqa xoossata bessees.

82:6 Yoha 10:34