1-3 Waŋganymirriyu waluyu, ŋayinydja *13:1-3 King JeroboamGiŋ Djirapawumdja yukurrana ŋunhili djäma wäŋaŋura †13:1-3 BethelBithul, bathara mundhurr malanha yukurrana barŋlili ŋunhimala, buku‐ŋal'yurruna yukurrana ŋuriki be nhäku wäyingu waŋarrwu, bala ŋayinydja marrtjina dhäwu'‐gänharamirri ŋulaŋuru ‡13:1-3 JudahDjuda bäpurru', bunana ŋunhiliyi; ŋayi waŋananydja bitjarra gam' ŋunhala galki yolŋu'‐yulŋuwalanydja, be dhika djawarrkthurruna ŋayi waŋananydja bitjarrana, “Dhuwalanydja gay' barŋdja yurru nhumalaŋgu ḏaw'‐ḏawyunna muṉguythirrina, yurruna nhumanydja yurru marŋgithirri ŋunhi ŋarrakalaŋukurru Garray waŋana nhumalaŋgu.”

4 Ga dhunupa ŋayinydja buŋgawayunydja ŋunhi Djirapawumdhunydja ŋäkula, bala ŋayi waŋana dhunupamirriŋalana waṉa'yurruna bitjarra, “Ŋunhanydja ḏarramunha mulkiyana ya',” bitjarra. Ga ŋunhi ŋayi yukurrana waŋanana dhunupamirriyaŋalana goŋdhu, bala ŋayi ŋunhi baṉdjanydja ḏälthinana, yakana ŋayi goŋ‐yorŋ'thurrunanydja. 5 Ga bitjarrayi liŋgu ŋayi ŋunhi barŋdja barr'yurruna, buḻwaŋ'thurrunana muṉguythinana. 6 Ga ŋayinydja waŋanana ŋunhi Giŋdja Djirapawumdja bitjarra, “Buku‐djulŋi ŋäŋ'thurra bukumirriyaŋa Garraywala, märr ŋayi yurru ḏäwalakuma ŋarranha waṉa.” Bala ŋayi ŋunhiyi djawarrkmirrinydja bukumirriyaŋalana waŋana Godnhana, ga dhunupa ŋayi ŋunhi waṉanydja ŋamathina baḏarraŋ'thinana giŋdja.