Yurru ŋayi ŋunhiyi buŋgawanydja yaka ŋanydjaḻa'yurruna wal'ŋu ŋuliŋuru nhanukiyingala yätjŋurunydja romŋuru; mukthurruna yana ŋayi ga nhanŋu yolŋu'‐yulŋu miṯtji yukurranha ŋuli buku‐ŋal'yuna yana wiripuŋuwu waŋarrwu. Ŋunhiyinydja wirrkina wal'ŋu mirithirrina yätjnha, ga Godtja waŋana bitjarrana, “Yakana yurru biyapulnydja nhokalanydja yarraṯaŋura buŋgawayirri Yitjuralwu.”

Djirapawumdja nhinana yukurrana ŋurruŋu *13:33—14:20 IsraelYitjuralpuyŋuwunydja 22 dhuŋgarranydja ŋupara, bala ŋayi rakunydhinana, bala nhanŋu gäthu'mirriŋuna †13:33—14:20 NadabNatapnha buŋgawayina nhanukalanydja dharapulŋura.

21-31 Ga ŋunhala ‡14:21-31 JudahDjudanydja, §14:21-31 RehoboamRiyapalamnha *14:21-31 SolomonDjalamangu gäthu'mirriŋu nhinana yukurrana buŋgawanydja wal'ŋu, ŋayi nhinanhanydja yukurranha ŋuli ŋunhala †14:21-31 JerusalemDjurutjalam, ŋunhiliyi wäŋaŋura ŋunhi nhanŋuway wal'ŋu Garraywu wäŋa ŋunhi ŋayipi djarr'yurruna, märr yolŋu'‐yulŋunydja yukurra yurru ŋunhiliyi buku‐ŋal'yun nhanŋuwaynha. Yurru yolŋu'‐yulŋunydja ŋunhi Djudapuyŋunydja yakana yukurrana buku‐ŋal'yurruna Garraywu; walalanydja yukurrana djäma mirithirrina yätjnha wal'ŋu romdja malanha. Dhuḻ'yurruna walala wäŋana wiripuŋuwuna waŋarrwu, djawukinyarayŋuwuna waŋarrwu, bala yukurrana be nhaltjarrana buku‐ŋal'yurrunana ŋurikiyina waŋarrwu, mirithinana yätjthinana wal'ŋu walala. Walala ŋunhi miyalktja walala ga ḏarramuwurrunydja wekanhaminana walalanhay walala yukurrana rumbalnydja, ga bukmakthu yolŋuyunydja walalay yukurrana goramirrina rom‐djäma ŋunhiliyinydja.

Bitjanana liŋgu Riyapalamdja ŋuli yukurranha mari‐wunanhana nhanŋu ‡14:21-31 JeroboamDjirapawumgunydja, ŋurikinydja ŋunhi ŋayi giŋ ŋuruku §14:21-31 IsraelYitjuralpuyŋuwu, yana liŋgu ga ḏalpamdhina ŋayi Riyapalam, bala nhanŋu gäthu'mirriŋuna wapthurruna nhanukala dharapullilinydja, *14:21-31 AbijahBayitjana yäku.