1-7 Ga ŋayi Nataptja giŋdhinana märrma' yana dhuŋgarra, bala yana ŋuliŋurunydja dhurrwaraŋuru *16:1-7 BaashaBätjana ŋulaŋuruna bala †16:1-7 IssacharYitjakana bäpurru' marrtjina, ga bumara rakunyguŋalana ŋanya Natapnha, ga ŋayipina nherraṉmina ŋanyapinyay ŋayi giŋgunhamina Bätjana. Ga ŋayinydja ŋunhinydja ga yätj yana giŋ, balanyara yana liŋgu bitjan giŋ Djirapawum; ŋayi ŋapa‐wilyurruna Garraywala, ga yätjnha djäma yukurrana ŋayaŋu‐yätjkuŋala Garraynhana, bala ŋayi gäŋala Yitjuralpuyŋunhana yätjlilina ŋunhimalana dhukarrlili. Yo, Bätjanydja giŋdhina yukurrana 24 dhuŋgarranydja ŋupara, bala ŋayi rakunydhinana, bala yana nhanŋu gäthu'mirriŋuna ‡16:1-7 ElahYelana dharapullili wapthurruna nhanukalanydja.

8-28 Ga Yelanydja giŋdhina märrma' dhuŋgarra, yurru ŋayi ŋunhi yaka ŋamakurruny'tja ḏarramu, bitjana liŋgu ŋayi ŋuli yukurranha leŋu yana, ga wiripuna ḏarramu yäku §16:8-28 ZimriDjimirina, ŋayina marrtjina lili ga bumara ŋanya rakunyguŋalana, ga ŋayinydja Djimirinydja ŋanyapinyay ŋayi buŋgawakunhaminana. Ga ŋayinydja Djimirinydja buŋgawayina gurriri yana 7 walunydja, ga ŋuliŋurunydja dhäŋuru ŋayi *16:8-28 OmriWumirina yolŋu yäku marrtjina lili, ga bumara rakunyguŋala yana Djimirinhanydja, ga ŋayinydja Wumirinydja giŋgunhamina ŋanyapinyay ŋayi. Yurru Wumirinydja yaka ŋamakurru' ŋunhi giŋ, yätjnha mirithirrina ŋayinydja ŋunhinydja, biyapulnha wal'ŋu yätj, yakana bitjan ŋunhi wiripuwurru giŋ walala. Garraynydja wirrkina ŋaramurrthina nhanŋu, liŋgu ŋayi mirithinana wal'ŋu yätjthina, ga djäma yätjnha wal'ŋu mirithinana, ga marŋgikuŋala yätjkuna malaŋuwu ŋunhi Yitjuralpuyŋunhanydja yolŋunha walalanha, marŋgikuŋalanydja ŋayi walalanha buku‐ŋal'yunarawu wiripuŋuwuna nhäŋiniŋ'kuna wal'ŋu waŋarrwu walalaŋgu.

29-34 Ga ŋayi Wumirinydja giŋdhina ga 12 dhuŋgarra ŋupara, bala ŋayi rakunydhinana, ga nhanŋu gäthu'mirriŋuna buŋgawayina nhanukala dharapulŋura †16:29-34 AhabWayapnha yäku. Yurru Wayaptja ŋunhi yätjnha, yätjnha mirithirrina wal'ŋu giŋ, biyapulnha wal'ŋu yätj, yakana balanyara bitjan ŋunhi wiripu malanha giŋ walala. Ŋayi märraŋala miyalknhanydja ‡16:29-34 JezebelDjitjapilnha, yätjnha dhika dhäykanha, mirithirrina yätjnha ŋunhiyi dhäykanydja ŋunhi. Ŋayinydja ŋunhinydja miyalk §16:29-34 SidonDjäytanbuy, ga buku‐ŋal'yunanydja ŋayi ŋuli yukurranha *16:29-34 BaalBälwu waŋarrwu. Ga ŋayi Wayapthunydja dhuḻ'yurruna buṉbuna ŋuriki Bälwu ŋunha †16:29-34 SamariaDjamariyalilina wäŋalili, ga ŋayi yukurrana marŋgikuŋala yolŋu'‐yulŋunhanydja buku‐ŋal'yunarawu ŋurikiyi djawukinyarawu waŋarrwu ŋunhiliyina. Godtja ŋaramurryina wirrkina nhanŋu Wayapku, liŋgu ŋayi yaka yukurrana goŋ‐nherraṉmina ŋamathaŋala djäka ŋuriki Yitjuralpuyŋuwu, Godkalaŋuwu yolŋu'‐yulŋuwu, yana ŋayi yukurrana bilmaraŋalana gatjpaḻ'maraŋalana yolŋu'‐yulŋunhana Godkalana.