Ga waŋananydja ŋayi *19:1–5 JonathanDjonathangalana bitjarrana, “Ŋarranydja yurru dhuwala buma rakunyguna Daypitnhanydja.” Ga ŋayi Djonathandja waŋana bitjarra, “Nhäku warray? . . . nhäŋura nhe yurru ŋanya bumanydja rakunygunydja? Nhä ŋayi yätjtja djäma nhokala? Ŋayinydja ŋuli yukurra dhuwala nhuna guŋga'yun yana. Nhäku warray nhe yurru ŋanya buma ŋurrumiriwŋuranydja?”

6-10 Bala ŋayinydja Djolnydja muḻkurrnha djambi ŋanyapinyay ŋayi, bala waŋana bitjarrana, “Yakana ŋarra ŋanya buma yurru,” bitjarrana waŋana. Ga Djonathandja yanayi wäthurruna Daypitku roŋiyinmaraŋala liliyi, ga biyapul ŋayi Daypitthu yukurrana djäma ŋunhalayi ŋuriki buŋgawawu giŋgu, yana liŋgu ga walu wiripu mulkana ga biyapul ŋäṉukthu birrimbirryu ŋayathaŋala ŋanya Djolnha. Nhinananydja ŋayi yukurrana goŋ‐garamirri, ga ŋayi Daypittja ŋunhiliyi miyamara yukurrana, ga biyapul ŋayi Djolyu gara ḏupthurruna, dharpuŋala ŋanya Daypitnha. Ga bitjarra yana liŋgu ŋayi Daypittja nyilkthurruna, ga garanydja djuḻkthurrunana waṉḏina ga burakina bala'na. Yurru ŋayi Daypittja ṉaŋ'thurrunana winya'yurrunana.

11-18 Djolyunydja djuy'yurruna nhanŋuway djämamirrinhana walalanha bala nhanukala Daypitkala wäŋalili; ŋayi bini bunha ŋanya ŋunhilina, yurru nhanukala miyalkthu Daypitkala Mikuḻyunydja walŋakuŋala warray. Ŋayi djuy'yurruna ŋanya gayulnha dhaḻakarrkurruna, bala ŋayi waṉḏina bena‐wala. Bitjarrana ŋayi waṉḏinanydja‐a‐a †19:11–18 RamahRämalilina ‡19:11–18 SamuelDjamiyulwana bunana, ga ŋunhalana ŋayi yukurrana ḻakaraŋalanydja Djamiyulwa ŋurikiy ŋunhi nhaltjarra yukurrana ŋunhala bäyma nhanŋu Djolwu.