1 Ŋuliŋurunydja dhurrwaraŋuru *DavidDaypittja marrtjina bunana †JonathanDjonathanguna, ga waŋananydja ŋayi bitjarra gam' dhä‐wirrka'yurrunanydja. “Wäy! Nhäku ŋunhi nhuŋu mäḻu'mirriŋunydja yukurra ḏukṯukthirri ŋarraku bunharawu? . . . Nhäŋura warray? Nhä ŋarra dhika djäma yätjtja?” 2-4 Ga ŋayi Djonathandja waŋana bitjarra buku‐ruŋiyinmaraŋala, “Nhaltjanna dhika ŋarra yurru guŋga'yundja nhuna?”

5-6 Ga Daypittja waŋana, “Ŋarranydja yurru dhuwala waṉḏirrina ga djuḻuḻ'yunna,” bitjarra. “Märr‐goḏarrny'tja nhokala bäpa'mirriŋuyunydja boŋguŋu nhäŋuna ŋunhi ŋarranydja boŋguŋu yaka ŋunhili ŋathaŋura. Ga ŋunhi ŋayi boŋguŋu ḻarruŋunydja ŋarraku, ‘Wanhaka dhika Daypittja?’ biyakunydja, ga nhenydja boŋguŋu ḻakaraŋu nhanŋu biyakuna, ‘Ŋunha ŋayi yawungu marrtji ‡20:5–6 BethlehemBithiliyimlilina.’ 7 Ga ŋunhi ŋayi boŋguŋu waŋi, ‘Yo, manymak ŋunhi,’ biyakunydja, ga ŋunhinydja ŋali boŋguŋu marŋgithina ŋunhi ŋarranydja boŋguŋu walŋathina. Ga ŋunhi ŋayi boŋguŋu maḏakarritjthi ŋula, nhenydja boŋguŋu ŋunhi marŋgithina, ŋunhi ŋayinydja yukurra rom‐nherraṉ ŋarraku bunharawu rakunygunharawu, yurruna boŋguŋu nhe marŋgikuŋunydja ŋarranha.”

17 Ga ŋuliŋurunydja dhurrwaraŋuru maṉḏa Daypit ga Djonathan biyapul dhawu'‐nherraṉmina maṉḏakuway maṉḏa märr‐ŋamathinyarawuna ga djäkawuna bitjanarawuna liŋguna gupaḏalkunharawuna. 18-19 Bala ŋayi Djonathandhu ḻakaraŋala Daypitku bitjarra gam', “Goḏarrny'tja nhe boŋguŋu djuḻuḻ'yurru ŋunhamala ya' guṉḏalili. 20-21 Ga ŋarranydja boŋguŋu gäŋu ŋarrakuway djämamirrinha ga ŋurrka'‐ŋurrkaŋu boŋguŋu ŋilinyu bonarra'. Ŋunhi ŋarra boŋguŋu waŋi ḻakaraŋu ŋuriki djämamirriwu ŋarrakalayŋuwu, biyaku, ‘Bonarrany'tja dhuwali galki nhokala,’ biyaku ŋarra boŋguŋu waŋi, nhenydja boŋguŋu marŋgithina yana, bala yana nhenydja boŋguŋu nhinina dhiyalina bäymana walŋana marimiriwŋurana mäwaya'na. 22 Ga ŋunhi ŋarra boŋguŋu waŋi djämamirriwala biyakunydja, ‘Bonarrany'tja ŋunha bala ya' barrku wal'ŋu,’ biyaku, bala nhenydja boŋguŋu waṉḏina‐wala yana, märr ŋarrakala bäpayunydja boŋguŋu yakaŋga baymatthurrunydja nhuna. 23 Yurru nhe ga ŋarra ŋalinydja boŋguŋu baṯ biyaku ŋayathaŋu yukirri ŋunhiyinydjayi dhawu'‐nherraṉminyaranydja ŋitjalaŋguway ŋali, dhuwalanydjayi dhärrana yukurra yurru gupaḏalŋuna yanana.”

24-27 Wiripuŋuyunydja munhayu §20:24–27 SaulDjol waŋana Djonathangala, dhä‐wirrka'yurruna bitjarrana, “Wanhakaŋga dhika Daypittja? Nhäku ŋayi yakanydja lili marrtjina ŋathawunydja ḻukanharawu?” 28-29 Ga ŋayi Djonathandhunydja ḻakaraŋala nhanŋu bitjarrana, “Ŋunhana ŋayi yawungu marrtji Bithiliyimlilina, ŋayi yawungu ḏukṯukthirri gurruṯu'mirriwu walalaŋgu nhänharawu,” bitjarra.

30 Yurru ŋayinydja Djolnydja wirrkina dhika maḏakarritjthina, ŋayi waŋana Djonathangalanydja, bitjarrana, “Nhenydja dhuwalanydja muḻkurr‐dhumuknha ŋiniya? . . . liŋgu nhe nhanukala gali'ŋura. 31 Ŋunhi ŋayinydja ŋuli walŋa, ga nhenydja boŋguŋu yakana buŋgawa dhiyaku wäŋawu. Gatjuy marrtjiyana, garr'yurrana ŋanya lili, ŋarra ŋanya bumana.”

32 Ga Djonathandja buku‐ruŋiyinmaraŋala bitjarra, “Nhäku ŋayi yurru rakunydhirrinydja? Nhä ŋayi yätjtja djäma?” 33 Djolyunydja yakana buku‐ruŋiyinmaraŋala ŋula waŋana, yana ŋayi garana ḏupthurruna nhanŋu Djonathangu, ŋayi bini dharpunhana ŋanya rakunyguna. 34 Bala yana ŋayi Djonathandja gaŋgathinana, bala marrtjina warraŋullilina, wirrkina ŋayi galŋa‐yätjthinanydja, warwuyurrunana yukurrana Daypitkuna. 35-37 Ga wiripuŋuyuna waluyu Djonathandhu märraŋala bonarra', bala marrtjina dhawaṯthurruna warraŋullilina. Ŋayi ḏupthurruna bonarrany'tja, bala djuy'yurruna nhanŋuway djämamirrinhana märranharawunydja, ga wäthurrunanydja ŋayi bitjarrana, “Bonarrany'tja ŋunha bala barrku ya',” bitjarra. 38 Ga ŋayi ŋuriŋi ḏarramuyu gurrmulyunydja märraŋalana ŋunhiyi bonarrany'tja, bala gäŋalana lili nhanukala Djonathangalana. 39 Ŋunhiyi djämamirrinydja ŋayaŋu‐wambuŋala ŋayi, yaka ŋayi mayali'wunydja marŋgi, maṉḏapi yana marŋgi Djonathan ga Daypit. 40 Yo, ŋayi Djonathandhunydja ŋanya djuy'yurrunana ŋunhi gurrmulnhanydja wäŋalilina roŋiyinmaraŋala, 41 ga ŋuliŋurunydja dhurrwaraŋuru ŋunhi ŋayi ŋunhiyi gurrmul marrtjina wäŋalilina, bala ŋayi Daypittja dhawaṯthurrunana ŋuliŋurunydja guṉḏaŋurunydja, dhawaṯthurrunanydja bala ṉaŋ'‐ṉaŋdhurrunana bur‐way bunana Djonathanguna. Bala maṉḏa dhangi'yunminana dhika bala‐lili'yunminana, wälkunhaminana maṉḏa mulkanhaminana, ga nyä'yunminana maṉḏa wiṯthunminana dhika. Daypittja wirrkina galŋa‐yätjthina warwuyurruna, liŋgu ŋayi yurru gonha'yunna Djonathannha, barrkuwatjthirrina maṉḏa yurru.

42 Yurru Djonathandhunydja ganydjarr‐wekaŋala ŋoy‐ḏälkuŋalana waŋana ŋanya Daypitnha bitjarrana, “Mukthurra yana marrtjiya, ŋayaŋu‐yal'yurra. Ŋalinydja yurru ḻundukunharamirrina maṉḏa gupaḏalkunharamirrina yanana. Yakana yurru ŋula meṉguma ŋunhi dhawu'‐nherraṉminyaranydja; ŋayi ŋunhiyinydjayi dhawu' yurru dhärrana yukurra yanana nhokalaŋuwu mala‐wunharawuywu ga ŋarrakalaŋuwu mala‐wunharawuywu walalaŋgu gupaḏalnha‐wala yanana.” Bala yana ŋayi Daypitthunydja gonha'yurrunana marrtjinana‐wala, ga ŋayi Djonathandja roŋiyinana marrtjina wäŋalilina.