EZRA
Ḻakarama yukurra dhäwu Yitjurawalaŋuwuy, ŋunhi ŋayi yukurrana gäŋala roŋiyinmaraŋala Godku yolŋu'‐yulŋunha Djurutjalamlili
1
Djuwnydja bäpurru' wäŋa‐roŋiyinana Djurutjalamlili
1:1–11 (The Jews returned to Jerusalem)
1 Yo, Gunhu'wu *JewDjuw mala yolŋu walala yukurrana nhinana weyinnha dhikana, ŋula nhämunha'na dhuŋgarra, ŋunhili wäŋaŋura yäkuŋura †BabylonBapilundja, bala ŋayi Godthu nherrara yuṯanhana buŋgawanha yolŋunha ŋurruŋukuŋala ŋurikiyinydja wäŋawu, märr yurru ŋuliwitjandhina buŋgawawala yolŋuwala, ŋayi yurru djämanydja yukurra ŋunhiyi bili dhukarr ŋunhi ŋayi dhä‐ŋäthili ḻakaraŋala djawarrkmirriwala yolŋuwala yäkuwala ‡JeremiahDjiramayawala. Yo, ŋayi Garrayyu wekaŋala guyaŋinyarawuy ŋurikalayi ŋurruŋuwala buŋgawawala, bala ŋayi nherrarana yuṯana rom. Yo, wukirrinydja ŋayi djorra'lilina ŋunhiyi dhäruktja, bala djuy'yurruna birrka'mirrililina wäŋalili ŋuriki yolŋu'‐yulŋuwuna ŋunhi walala yukurra nhina ŋunhili nhanukala wäŋaŋura. 2 Ga dhuwalana ŋunhi dhäruktja ŋayi djuy'yurruna gam'. “Dhuwalanydja gay dhäruk ŋarrakuŋu §CyrusDjärutjkuŋu yäkuwuŋu, ŋunhi ŋarra buŋgawa ŋurruŋu dhiyaku Bapilunbuyŋuwu wäŋawu. Ŋayipi Gunhu' Waŋarryu Godthu djiwarr'wuyyu ŋuriŋi wal'ŋu, ŋayi nherrara ŋarranha dhipalayinydjayi ŋurruŋukuŋala. Ŋayi ḻakaraŋalanydja ŋarrakala bitjarra ŋunhi ŋarra yurru dhuḻ'yun biyapul wäŋanha buṉbunha ŋunhi nhanŋu ŋunhala *JerusalemDjurutjalam. 3 Ŋuli nhuma yurru Djuw bäpurru' ḏukṯukthirri roŋiyinyarawunydja, yana nhuma yurru roŋiyirrina balayi, ga yanana walala dhuḻ'yurrana biyapul yuṯakuŋa ŋunhiyi buṉbunha Garraywunydja, †IsraelYitjuralwalaŋuwu ŋuriki waŋarrwu, ŋurikina Godku ŋunhi nhuma ŋuli buku‐ŋal'yun yukurra ŋunhalayi Djurutjalam wäŋaŋura. 4 Ga walala yurru wiripu‐guḻku'yunydja guŋga'yunna ŋunhimalayi nhumalanha, rrupiyana dhika nhä malanha walala yurru wekama, guŋga'yundja ŋurikiyi buku‐ŋal'yunaramirriwunydja buṉbuwu dhuḻ'yunarawu.” Ga dhuwalayina ŋunhi dhäruk ŋayi buŋgawayunydja ŋurruŋuyunydja wal'ŋu djuy'yurruna.
5 Ga dhunupana yana walala ŋunhi yolŋu'‐yulŋunydja girri'‐ŋamathirrina marrtjinyarawuna‐wala‐yana, ŋurru'‐ŋurruŋu ŋunhi ŋaḻapaḻmirri wal'ŋu ‡JudahDjuda miṯtji ga §BenjaminBindjaman ga ḏalkarra'mirri walala. Yo, bukmaknha ŋunhi walala ḏukṯuk marrtjinyarawu, girri'‐ŋamathinanydja walala, bala marrtjinana yana‐wala, märr yurru walala biyapul ŋal'marama dhuḻ'yun yuṯakuma ŋunhiyi Buṉbunha Godku. 6 Ga walalanydja ŋuruŋu wiripu‐guḻku'yunydja guŋga'yurruna walalanha bitjarra ŋunhimalayi, wekaŋala ŋatha ga wäyin ga ŋula nhä malanha mel‐wiḏi'mirri girri'. 7-11 Ga bitjarrayi liŋgu ŋunhi mel‐wiḏi'mirri banikin malanha ŋayi wekaŋala buŋgawayu walalaŋgala goŋlili, ŋunhiyi banikin' mala mel‐wiḏi' ŋunhi ŋayi buŋgawayu ŋurruthaŋala wal'ŋu djaw'yurruna ŋuliŋuruyi Buṉbuŋuru Djurutjalamŋuru. Bala walala gonha'yurrunana ŋunhiyi Bapilundja wäŋa, gäŋalana ŋunhiyi malanha girriny'tja mel‐wiḏi'mirrinydja. Marrtjinana walala yukurrana ga‐ga‐ga‐ga‐ga‐a‐a yana liŋgu‐u‐u, ga mulkana ŋunhiyi wäŋa Djurutjalam.
Biyapul walala dhuḻ'yurrunayi Godkunydja Buṉbunha
3:7—6:18 (They rebuilt the Temple)
3:7–13
Yo, ŋunhi walala mulkana *3:7–13 JerusalemDjurutjalamdja wäŋa, bala dhunupana walala ŋurru‐yirr'yurruna dhuḻ'yurrunana djäma ŋunhiyi Buṉbu buku‐ŋal'yunaramirrina; biyapul walala ŋunhi djäma ḏaw'‐ḏawyunara miriŋuwuŋu. Yo, djämanydja walala yukurrana bukmakthuna, märr‐ŋamathina yana dhika wal'ŋu; yana walala yukurrana wirrkina dhikana wokthurruna Garraywunydja dhiyaŋuna manikayyu gam'. “Garraynydja ŋunhi ŋamakurru' wal'ŋu dhika. Wirrki ŋayi yukurra märr‐ŋamathirri †3:7–13 IsraelYitjuralwunydja, ga bitjan liŋgu ŋayi yurru.” Yo, bukmakthinana walala ŋunhi yiŋgathinanydja yukurrana bena dhika rirrakay, wokthurrunana manapara Godkuna, liŋgu ŋunhiyi djalkirinydja ŋurikiy Buṉbuwuynydja liŋguna gurrunhanarana. Ga waŋgayŋuny'tja ŋunhi ŋäthiliŋunydja malanha ḏalkarra'mirri walala ŋäthinana yukurrana, ŋunhi walala nhäŋalanydja ŋunhiyi djalkiri biyapulŋuwuy nherraṉara, liŋgu walalanha guyaŋinyamirriyaŋala ŋuriŋiyi Buṉbuyu, ŋunhi nhaltjarra yukurrana dhärrana ŋäthili wal'ŋu dhapirrk dhika ŋanya. Ga waŋgayŋu'‐guḻku' yolŋu walala yukurrana nyä'yunminayi yana, ŋuruŋu ŋayaŋuyu djulŋithinyarayu, milkarriyu walala yukurrana ŋäthinanydja ŋunhi. Ga wiripu‐guḻku' bitjarrana liŋgu yatjunmina yukurrana yiŋgathina, galŋa‐djulŋithina goŋmirriyina, liŋgu ŋunhiyi wäŋa gungaŋala warrpam' rirrakayyu ŋuriŋi ganuruyu ga dhika nhäyu manikayyu miyamanarayu.
4:1–5
Yurru wiripu‐guḻkuny'tja yolŋu walala yaka galŋa‐ŋamathina ŋuriŋiyi, walala ‡4:1–5 SamariaDjamariyawuynydja bäpurru' ga wiripu bäpurru' mala ŋunhi walala yukurrana nhinana ŋunhili galki Djurutjalam wäŋaŋura, walala ŋaramurrthina wirrkina; yaka walala ḏukṯuk ŋuriki §4:1–5 JewsDjuwwu yolŋu'‐yulŋuwu, walala yurru ḏälkuma djäma ŋunhiyi Godkunydja wäŋa. Bala walala yana marina djäma walalaŋgu Djuwwunydja, bitjarrana liŋguna yukurrana djäma marina, yana liŋgu‐u‐u, bala walala ŋunhi Djuwnydja ḏaḏawyurrunana ŋuliŋuru ŋunhi djämaŋuru, yakana walala dhawar'maraŋala Buṉbunydja ŋunhiyi.
24—5:2
Yo, nhinananydja walala yukurrana weyinnha yana, ŋula nhämunha'na dhuŋgarra buṉbumiriwyaŋalanydja, yana liŋgu‐u‐u ga märrma'yu yolŋuyu dhäwu'‐gänharamirriyu maṉḏathu waŋana marrtjina yolŋu'‐yulŋunhanydja bitjarrana, “Yakana dhuwalanydja ŋamakurru'. Ŋilimurrunydja yolŋunydja mala yukurra nhina ŋamakurru'ŋura muka yana wäŋaŋura malaŋuŋura, yurru ŋunha Godkunydja Buṉbu yukurra dhärra ḏaw'yunara. Gul' ŋilimurru go, djämana yana, bala dhawar'maramana.”
6:14–18
Bala walala yana ŋuriŋi yolŋu'‐yulŋuyunydja mäkiri'‐witjurrunana, djämana dhikana yana wiṯthurrunana, yana liŋgu‐u‐u, ga dhäkay dhawar'yunmaraŋala ŋunhiyi Godku Buṉbunydja. Ga bukmak ŋunhi yolŋunydja walala yukurrana waŋgany‐manapanminana, bala wokthurrunana wirrkina dhika, buku‐ŋal'yurruna yukurrana ŋunhiliyi Gunhu'walana Buṉbuŋuranydja.
Yitjurayu roŋiyinyamaraŋalana yolŋu'‐yulŋunhanydja balayi Djurutjalamlili
7:1–10; 8:15–35 (Ezra led the people back to Jerusalem)
7:1–10
Yo, ga ŋunhalayi barrku wäŋaŋura *7:1–10 BabylonBapilun, yuṯa buŋgawa yukurrana nhinana, yäku †7:1–10 King ArtaxerxesGiŋ Wätatjuki, ga guŋga'yunamirrinydja nhanŋu ‡7:1–10 JewDjuwna yolŋu yäku §7:1–10 EzraYitjura. Yo, ŋunhiyi Yitjuranydja yäku yolŋu, ŋayi ŋuli yukurranha märr‐ŋamathinya Godku mirithinya wal'ŋu yana; bitjana liŋgu ŋayi ŋuli yukurranha maŋutji‐ḻaw'maranha yana Godku djorrany'tja marŋgithinya, ga bitjanayi ŋayi ŋuli marŋgikunha yolŋunhanydja walalanha yana, ŋunhinha malaŋunha Djuwnhanydja, ŋunhi walala yukurrana nhinana ŋunhiliyi Bapilun wäŋaŋura bitjanna liŋgu.
Bala ŋayi ŋunhi buŋgawanydja wal'ŋu waŋana Yitjurawala bitjarrana, “Ŋuli ŋayi ŋula yol Djuw yolŋu ḏukṯuktja, ŋayi yurru marrtjina yana nhanukalaynha wäŋalili, bala ŋarra yurru gumurr‐wekamana nhumalaŋgala rrupiyanydja ga ŋula nhä malanha ŋamakurru' ŋurikiyi Buṉbuwunydja ḻatju'kunharawu, nhumalaŋgalaŋuwu Waŋarrwunydja. Ga nhe Yitjura yurru gämanydja walalanha marrtji, ga marŋgikuŋanydja marrtjiya ḻakaraŋanydja bala biyaka liŋgu Godkalaŋuwu romgunydja.”