25
Miriŋuyu baḏuwaḏuyurrunana bumarana Djurutjalambuynydja wäŋanha, bala yana djaw'‐djawyurrunana yolŋu'‐yulŋunhanydja Bapilunlilina
25:1–21 (Enemies destroyed Jerusalem and took the people to Babylon)
25:1–7
Dhurrwaraŋuru waŋgany‐rulu ga ḏämbumiriw djuḻkthurruna dhuŋgarra, ga biyapul ŋayi *25:1–7 King NebuchadnezzarGiŋ‐Nipukanitjayunydja djuy'yurruna miriŋunhanydja, ga biyapul walala marrtjina, ga nyäṉ'thurruna ga nhinana ŋunhimala ḻiw'maraŋala †25:1–7 JerusalemDjurutjalambuynydja. Marrtjinanydja walala lili, ga dhut‐gay nhinananydja yukurrana ŋunhilina bili, yana liŋgu‐u‐u ga ŋatha marrtjina dhawar'yurruna ŋunhili wäŋaŋura, djinawa' ŋunhili Djurutjalam. Bala yana walala ŋuriŋi ‡25:1–7 BabylonBapilunbuyŋuyunydja miriŋuyu ḏaw'yurrunana marrtjina ŋunhi Djurutjalambuynydja wäŋa; ḏaw'yurrunana marrtjina ŋunhi ḻoḻunydja wäŋa, ḏaw'‐ḏawyurrunana marrtjina‐a‐a, ga biyapul marrtjina gärrinanydja ŋunhimala wal'ŋu djinawa'lilinydja bala'‐mäypamirrililinydja, ga baṯ‐gay mulkana §25:1–7 King ZedekiahGiŋ‐Djitakayanhana ga nhanŋu gäthu'mirriŋunha walalanha. Walala bumarana nhanŋu gäthu'mirriŋunhanydja walalanha, bala yana maŋutjina bambaykuŋala ŋanyanydja Giŋ‐Djitakayanhanydja. Bala walala ḏapṯapmaraŋalana ŋanya raki'yuna, bala gäŋala djaw'yurruna bala Bapilunlilina.
8-12 Yo, wäŋanydja ŋunhi ḏaw'yurrunana warrpam'nha Djurutjalamdja liŋguna, bala ḏul'yurrunana walala ŋunhi Godkunydja Buṉbu ga giŋgu wäŋa, warrpam' ŋunhi bala' malanha nhämuny ŋunhiyi, ga ḏaw'yurrunanydja walala ḻoḻunydja ŋunhiyi Djurutjalambuy, bala marrtjina ŋorranana muṉguynha ŋunhiyi ḏaw'‐ḏawyunarana dhika. Ga bitjarrayi walala ḏapṯapthunmaraŋala bukmaknha yolŋunha walalanha, bala djaw'‐djawyurrunana bena‐wala barrkulilina wäŋalili. Yurru ḻurrkun'nha yolŋu'‐yulŋunydja ḏäpthurruna marrtjina ŋunhili bäymanydja *25:8–12 JudahDjudanydja, ŋunhina wal'ŋu yolŋu'‐yulŋu ŋurruwuykmirrina.
13-21 Walala Bapilunbuyŋuyunydja bukmaknha nhänydja malanha djaw'‐djawyurruna ŋulaŋuru Godkalanydja Buṉbuŋuru, dhawar'maraŋalana yana wiraŋguŋalana, yakana ŋula gonha'yurruna. Ga bitjarra liŋgu walala yolŋunhanydja ŋunhi ḏalkarra'mirrinhanydja walalanha djaw'‐djawyurrunayi, ga girri' malanha walalaŋgu bukmaknha bena‐wala djaw'‐djawyurrunana Bapilunlilina wäŋalili. Yakana yukurrana biyapul nhinana †25:13–21 JudeaDjudiyapuyŋunydja yolŋu'‐yulŋu ŋunhili walalaŋgiyingalanydja wäŋaŋura; nhinananydja walala yukurrana ŋunhilina bäymana mulkuruŋurana wäŋaŋura, weyinŋumirrina; guḻku'na mirithirrina dhuŋgarranydja nhinana yukurrana walala ŋunhili wiripuŋurana barrkuna wäŋaŋura.