Bala ŋuliŋurunydja dhurrwaraŋuru ŋayi giŋdhu *24:1–4 NebuchadnezzarNipukanitjayuna ŋurukuynha †24:1–4 BabylonBapilunbuynha wäŋawuy giŋ, djuy'yurruna ŋayi nhanŋuway miriŋunha Djudalili, bala walala djaw'yurrunana ŋunhiyi wäŋanydja. Giŋ Djuwakimdja yukurrana ŋunhili warray nhinana, yurru ŋayi yukurrana dhäruktja märraŋala yana Nipukanitjanhana, nhaltjanna ŋayi ŋuli waŋanha nhanŋu.

Yo, bitjarrana liŋguna marina yanana yukurrana marrtjina ŋunhala Djudanydja, liŋgu Garrayyunydja yaka meṉguŋala ‡24:1–4 ManassehManatjawalaŋuwuynydja, ŋunhi nhaltjarra Manatjayu yukurrana yätj mirithina rom djäma.

5-7 Ga ŋunhi ŋayi Djuwakim rakunydhinanydja, ga nhanŋu gäthu'mirriŋuna §24:5–7 JehoiachinDjiwuyakinnha buŋgawayina, nhanukalanydja dharapullili wapthurruna.

8-12 Ga ŋayinydja Djiwuyakindja buŋgawa nhinana ḻurrkun' muka ŋupara ŋaḻindi, yurru ŋayi djämanydja mirithirrina wal'ŋu yätjnha, ŋayaŋu‐yätjkuŋala Garraynhana yukurrana, bala walalanydja marrtjina Nipukanitjawunydja miriŋu bunanana, nyäṉ'thurrunana walalaŋgu *24:8–12 JerusalemDjurutjalambuyŋuwuna; walala marrtjinanydja ŋunhi, bala nhinana wäŋaraŋalana ḻiw'maraŋalana, ḻiw‐ḏap ŋunhi Djurutjalamdja wäŋa. Ga nhinananydja walala ŋunhili, galkurruna walalanha yukurrana, gonha walala yurru ga marrya'thirri, ga yalŋgi'‐yalŋgithirrina bitjanna ganydjarrmiriwyirrina. Yo, nhäŋala walalanha yukurrana galkurruna, yurru Djiwuyakindja ŋunhiyi giŋdja ga nhanŋu ŋäṉḏi'mirriŋu ga yumurrku' wäŋgaŋala dhawa‐yawaṯthurruna marrtjina, bala wekanhaminanydja walalawuynha walala ŋunhi ŋurikalayi Bapilunbuyŋuwalanydja miriŋuwala.

13-20 Bala walala ŋunhi Bapilunbuyŋunydja marrtjina gärrinana Djurutjalamlilinydja, ga djaw'‐djawyurrunana warrpam'nha ŋunhi girriny'tja malanha, ḻatju'mirrinydja girri' malanha dhika ŋulaŋuru Godkala Buṉbuŋurunydja, ga ŋulaŋuru bala giŋgala wäŋaŋuru. Bala walala djaw'yurruna ŋanyapinyaynydja ŋunhi giŋnhanydja ga yolŋunha walalanha ŋunhi ḏilaknha, ŋurru'‐ŋurruŋunha, ga bukmaknha yana ŋunhi gandarr‐ḏilkurrunhanydja yolŋu'‐yulŋunha; ḏapṯapmaraŋalanydja bukmakkuŋala yana walalanha, bala gäŋala djaw'yurrunana walalanha balayina walalaŋgalaynha wäŋalili. Yurru walala ŋunhalanydja dharapullili nherrara Djiwuyakinguna ŋapipi'mirriŋunha †24:13–20 ZedekiahDjitakayanhana yäkunha, ga ŋayina yukurrana djäka ŋurikinydja yolŋu'‐yulŋuwu ŋunhi walala yukurrana ŋunhala bäyma nhinana. Yurru Djitakayanydja yaka ŋamakurru' yana giŋ; bitjarrayi liŋgu ŋayinydja yukurrana djäma yätj, bitjarra ŋunhi ŋäthili walala wiripu‐guḻku'yu giŋdhu walalay yukurrana djäma yätj. Bala ŋayi Garraynydja mirithinana wal'ŋu ŋaramurryina yolŋu'‐yulŋuwu Djurutjalambuyŋuwunydja ga Djudapuyŋuwunydja, waŋana bitjarrana, “Ŋarranydja yurru djuy'yunna yana walalanha bena‐wala barrkumalana wäŋalili, yakana yana biyapulnydja walala yurru nhina yukurra dhiyala ŋarrakalanydja wäŋaŋura.”