1 Yo, Garrayyu dhäruk wekaŋala *IsraelYitjuralpuyŋuwu bitjarra, “Bukmak nhä malanha girri' marrtji ŋorra ŋunha †JerichoDjariku wäŋaŋura nhuma yurru baḏuwaḏuyundja dhuŋgur'yundja gurthayuna, liŋgu bukmak yana ŋunhi ŋarrakuway yulŋunydja.” Bitjarrayi ŋayi Garray waŋananydja, yurru waŋganydja ḏarramu yäku ‡AchanWaykan, gäthu'mirriŋunydja ŋayi ŋunhi §CarmiGämiwu, *JudahDjudawala yarraṯaŋura, ŋayi ŋuriŋiyinydja djaw'‐djawyurruna warray girriny'tja malanha gayulnha, bala yana djuḻuḻ'maraŋalana nhanukalay ŋunhi buṉbulilina wäŋalilina, munatha'lilina dholkuŋala. Bala ŋayinydja ŋunhi Garraynydja ŋaramurryinana ŋuriki Yitjuralpuyŋuwunydja malawu, liŋgu ŋuriŋi waŋganygala yolŋuwala yätjthu.

2 Ga ŋuliŋurunydja ŋayi †JoshuaDjatjuwayu djuy'yurruna nhanbalay ŋunhi mel'ŋumirrinhana walalanha wiripuŋulili ŋunha wäŋalili milthunarawu, nhayikayu ‡AiYäyilili galki §BethelBithulwuyŋu. Yuwalkthi walala nhäŋa'‐nhaŋala marrtjina‐a‐a, ga ḏutj‐gay roŋiyina liliyi, ga ḻakaraŋala Djatjuwawala bitjarra, 3 “Ŋunhayi wäŋanydja bay', yurru märr‐yutjuwaḻa' yana, ga ḻurrkun' wal'ŋu yana yolŋunydja walala ŋunha nhina yukurra. Yaka nhe djuy'yurra guḻku'nhanydja miriŋunha ŋi', märr‐ḻurrkun'nha yana djuy'yurranydja, liŋgu ḻurrkun'thuna yana ŋuli baymatthurru ŋunhayinydja wäŋa ḏaw'‐ḏawyurru marrtji.”

4 Bala yana yuwalknha walala marrtjinanydja märr‐ḻurrkun' ŋunhi miriŋunydja, yana bini walala ŋuli djuḻkmaranha bunha waḏutja, yurru bäyŋu warray, liŋgu walalanydja ŋurukuynydja Yäyipuyŋuyunydja yolŋu'‐yulŋuyu lilimirriyaŋala warray ŋupara ŋunhiyinydja Yitjuralpuyŋunhanydja walalanha. 5 Bala yana walala bukmak ŋunhi Yitjuralpuyŋunydja gundupuŋala beyaṉiyina wirrkina dhika walalambala, ga wiripu‐guḻku'nhanydja walala ŋaya'‐ŋayathaŋalana, bala bumara rakunyguŋalana Yäyipuyŋuyuna miriŋuyu ŋuriŋina. Walala ŋuparanydja walalanha, ŋayaŋgany ŋupara yana, yana liŋgu ga wäŋa marrtjina galkithina ŋunhi Yitjuralpuyŋuwa.

Ga walalanydja nhäŋala warray ŋuriŋi Yitjuralpuyŋuyunydja yolŋu'‐yulŋuyu, walala nhinana lili gundupuŋala, bena dhika gundupuŋala nhinana ŋupanaranydja ŋurikiŋina miriŋuwuŋuna. Bukmakthuna walala nhäŋalanydja dharr bitjarrana walalanha, ga wirrkina walala beyaṉiyinanydja. 6 Ga ŋayipi Djatjuwayu nhäŋalayi, ga wirrkina ŋayi bitjarra borrk‐gorananydja. Bala ŋayipi Djatjuwanydja ga wiripu‐guḻku' ŋunhi ŋurru'‐ŋurruŋu Yitjuralpuyŋu djalkthunmina marrtjina ŋunhana munatha'lilina, gumurrlili ŋunhimala Garraywala Dhawu'‐nherraṉminyarawuylilina Bathilili. Ŋorra'‐ŋurrananydja marrtjina walala ŋunhili bili yana‐a‐a, warwuyunminana walala wirrkina, goramirrina, yana liŋgu ga milmitjpayina.

7 Ga ŋayinydja Djatjuwanydja bukukurru waŋana yukurrana Godnha bitjarra, “Garray Waŋarr, nhaltjarra dhuwalayinydja bitjarra? Nhäku nhe gämanydja yawungu lili dhuwala ŋanapurrunha? . . . bunharawu? Nhe yurru ŋanapurrunha warrpam'thun baymatthun dhawar'marama? Ŋanapurru bini ŋunhi ŋunhalaŋga bili nhinanha ŋunhalayiŋga gali'ŋura. 8 Ŋuruŋu miriŋuyunydja ŋanapurrunha ŋuparana, ga yana liŋgu ga djuḻkmaraŋala. 9 Ga wiripu‐guḻku'yu ŋuruŋu yolŋu'‐yulŋuyu dhuwala walala nhina yukurra dhiyalami wäŋaŋura, ŋämana yurru walala ŋanapurruŋgalaŋuwuy, ŋunhi ŋanapurrunydja dhuwala yalŋgi'mirrina, ganydjarrmiriwnha walala, ga walalanydja yurru ḻaw'yun lilina, bala bumana ŋanapurrunha warrpam'thunna yana dhawar'maramana. Walala yurru waŋanhamirrina ḻakaranharamirrina yanapi nhenydja dhuwala ganydjarrmiriw waŋarr, yana bini nhenydja dhuwala yaka yukurra ganydjarr ŋayathaŋu ŋanapurruŋgu walŋakunharawu.” Bitjarra ŋayinydja yukurrana Djatjuwayunydja bukumirriyaŋala ŋäŋ'thurruna.

10 Yurru ŋayinydja Garraynydja waŋana nhanukala Djatjuwawala bitjarra, “Ma' gaŋgathiyana. Nhäku nhe yukurra bitjandja waŋa? 11 Yitjuralnydja dhuwala yätjthinana. Ŋalinydja maṉḏa dhuwala Yitjuralnydja miṯtji waŋgany muka yana, liŋgu ŋuriŋi ŋunhi ŋali dhawu'‐nherraṉmina ŋitjalaŋguway ŋali, yurru nhumanydja bakmaraŋala warray ŋunhiyi dhawu'; yaka warray nhuma märraŋala dhäruk ŋarranha warrpam'tja. Ŋarranydja ŋunhi waŋana ŋäthili yana ḻakaraŋala nhumalaŋgala, nhuma yurru yukurra baḏuwaḏuyun warrpam'thun ŋunhiyinydja wäŋa, liŋgu bukmak ŋunhilimiyi ŋarrakuway yulŋunydja warrpam', yurru waŋganydhu dhika yolŋuyunydja yawungu märranha girriny'tja malanha djaw'‐djawyuna, bala girriny'tja ŋunhiyi ŋayi djuḻuḻ'maranhana nhanŋuwayliliyanhana. 12 Liŋgu dhikayi nhuma yukurra djuḻuḻ'maranharanydja ŋayathama yana mukthun, yakana yurru nhuma yukurra gukuma waṉḏinyamaramanydja ŋunhiyi nhumalaŋguway miriŋunhanydja walalanha, yanana ŋayi ŋuriŋiyi miriŋuyunydja yukurra djuḻkmaramana nhumalanha yurru; yakana nhuma yukurra yurru djingaryun ḻuku wuṉḏaŋarryirrinydja. Ŋarranydja yurru yakana nhumalaŋgala dhiyaliyi, bäy nhuma yurru ga djuḻuḻ'maranharawuy ŋunhi ḏupthun warraŋullili, bala warrpam'thunna baḏuwaḏuyun buwayakkumana.

13 “Gatjuy ḻaw'yurrana walala dhipuŋuruyinydja, ga ŋuripa yolŋu'‐yulŋuwanydja ḻakaraŋa biyakana. ‘Godtja waŋa yukurra bitjan, “Nhumanydja dhuwalinydja Yitjuralpuyŋunydja ŋarrakuwaynha yana walala. Nhumanydja bini ŋunhi warrpam'thuna muka baḏuwaḏuyunanydja, gurthalili dhuŋgur'yuna, yurru dhikayi waŋganydhu dhiyalimiyi miṯtjiŋura ŋayathama yukurra ŋula nhä, ŋunhi ŋarra waŋana ŋäthili baḏuwaḏuyunarawuna dhuŋgur'yunarawuna. Yaka nhuma yurru yana dhuwala djuḻkthundja nhumalaŋgalaŋuwu miriŋuwunydja, bäy yurru nhuma bukmaknha baḏuwaḏuyun warrpam'nha. 14-15 Biyakana ḏarrtjalkkunhamiyana nhumalanhay nhuma, liŋgu goḏarrny'tja boŋgama nhuma ḻaw'yurru lilina ŋarrakalana, bukmak nhuma yana bäpurruny'tja, bala ŋarra boŋguŋu dhunupamirriyaŋuna yolŋunhanydja ŋunhiyi ŋunhi ŋayi dhikaŋuyunayi yolŋuyu gora wekaŋalanydja yukurrana ŋarrakunydja miṯtjinha. Mel‐ŋamathirrinydja ŋayi ŋuli yukurra nhä malanha ŋunhi ŋarra waŋana yaka'yurruna, bala yana nhuma yurru baḏuwaḏuyunna yulŋunydja dhuwaliyinydja yolŋunha ga gurruṯu'mirrinha walalanha nhanŋu. Ŋilinyunydja dhuwala waŋganygunharana dhambay‐manapanarana liŋgu ŋuriŋiyina dhawu'‐nherraṉminyarawuyyuna, ga ŋuriŋi nhanukala yätjthunydja nhumalanha Yitjuralpuyŋunhanydja gulkmaraŋalana, barrkuwatjkuŋalana ŋarrakalanydja.” ’ Bitjarrayina ŋayi God waŋananydja.”

16 Wiripuŋuyu waluyu Djatjuwayu yurrum'maraŋalana Yitjuralpuyŋunhanydja, bala yana nherraranydja walalanha marrtjina bäpurru ga bäpurru ga bäpurru bitjarra, ga ŋayinydja Godthunydja dhunupamirriyaŋala ḻakaraŋalana ŋanya ŋunhimalana ŋunhi Djudawalana yarraṯalili. 17 Bala walala yana dhärranana yukurrana ŋunhiyi Djudanydja miṯtji, bukmak yana ŋunhiyi mala, bala Godthunydja milkuŋalana dhunupamirriyaŋalana Gämiwunydja gurruṯu'mirrinha walalanha, ŋunhi ŋuriŋina walalay yätjkuŋala Godnhanydja. 18 Ga Gämiwunydja warrpam'nha mala djingaryurruna yukurrana gumurrŋurana nhanukala Djatjuwawalana, ga yurruna Godthu dhunupamirriyaŋalanydja ḻakaraŋala dhuwalayinhana ḏarramunhanydja yäkunha Waykannhana, “Ŋayi yawungu dhuwala bitjandja yätjkumanydja,” bitjarra.

19 Bala Djatjuwanydja waŋana bitjarrana nhanukala Waykangalanydja, “Go, ḻakaraŋa ŋarrakala lili. Nhaltjan muka nhe yawungu dhuwala yulŋunydja? Yuwalkkuŋa ḻakaraŋanydja yana, ga yaka bothiyanydja ḻakaraŋa.”

20 Ga ŋayi Waykandja waŋana buku‐roŋiyinmaraŋala bitjarra. “Märr‐yuwalk dhuwala ŋarra yätjkuŋala Garraynhanydja. 21 Ŋunhala Djariku ŋunhi ya' yawungu ŋarra nhäma ḻatju'mirri ŋanya dhika girri', ga wiripunydja rrupiya malanha. Ŋunhi ŋarra yawungu nhämanydja, ŋarra yawungu wirrkina ḏukṯukthirrinydja, bala ŋarra yawungu märranhana djaw'yunana ŋunhiyi, ga ŋunhamalayina yawungu ŋarra djuḻuḻ'maranhanydja dholkunhanydja ŋarrakalay buṉbulilina.”

22 Bala yana ŋayi Djatjuwayunydja djuy'yurruna djämamirrinhana walalanha balayina Waykangalana buṉbulili, ga ŋunhalana walala maḻŋ'maraŋalanydja djinawa'na ŋunhiyi wal'ŋu munatha'ŋurana, 23 ga liliyi walala gäŋala, bala milkuŋalanydja Djatjuwawalana. Bala yana ŋayinydja marrtji buḻuḻuyunmaramana milkumana, rarryunna marrtji. 24-25 Ga ŋayi Djatjuwanydja waŋa ŋanya Waykannhanydja bitjanna, “Nhäku warray dhuwala nhe bitjandhinydja djäma yawungu? Bukmak ŋunhilimi wäŋaŋura Djarikunydja nhanŋuway yana dhulŋuŋu Godku, liŋgu ŋunhiyinydja wäŋa ŋurruŋu wal'ŋu yana ŋilimurru yawungu djaw'yunna. Ŋunhayi ŋilimurrunha miriŋuyunydja yawungu djuḻkmaranhana, galki bini walala ŋilimurrunha baḏuwaḏuyunana, liŋgu ŋuriŋi nhokala dhuwurryu yätjthu, bala ŋayinydja yurru Garrayyunydja nhuna baḏuwaḏuyunna dhuwala buwayakkumana.” Ga bitjarra ŋayi Djatjuwayu waŋananydja.

Bala walala märraŋalana ŋunhiyi girriny'tja ga rrupiya, ga bitjarrayi liŋgu Waykannhanydja ga gurruṯu'mirrinha walalanha nhanŋu, bala gäŋala ŋunhimalana yäkulili wäŋalili *7:24–25 AchorYaykalilina, bitjan yäkunydja ŋunhiyi mari‐ḏumurruna. Bala walala yana bumarana yukurrana walalanha dhawar'maraŋalana, guṉḏayuna wirriw'‐wirriwyurrunana, bala yana gurthalilina dhuŋgur'yurruna warrpam'thurrunana. 26 Bala walala ŋal'maraŋala marrtjina guṉḏanydja ŋunhimalayina nhanukalana, ga guṉḏanydja malanha mukthun yana ŋunhayi djingaryun yukurra, märr yurru yukurra bukmakthu nhäma ŋunhiyi, ga guyaŋirri yukurra yurru bitjanna liŋguna.

Bala yana Garraynydja roŋiyinayi bilyurruna walalaŋgu, ŋoy‐ŋamathinayi ŋuriki Yitjuralpuyŋuwunydja yolŋu'‐yulŋuwu malawu; yakana biyapulnydja mari‐wunana walalaŋgu, liŋgu walala liŋguna djalkthurrunana ŋunhiyinydja yätjtja malanha warrpam'nha.