1 ሂዛ፥ ዎሳ ኬꬃ ጪማታራ ጪማ ጊዲዳይሲ፥ ኪሪስቶሳ ዋያ ማርካቴይሲኔ ቆንጫናው ዴዒያ ቦንቹዋ ሻኬታናው ዴዒያ ታኒ፥ ሂንቴ ጊዶን ዴዒያ ጪማታ ዞራይስ። 2 ሂንቴ ኣዋቴꬃፌ ጋርሳን ዴዒያ ፆሳ ዉዲያ ሄሚቴ። ፆሳይ ኮዬይሳዳ ዶሳናፔ ኣቲን ኡንዔቲዲ ሄሞፊቴ። ቃሲ ሚሼ ኮሻን ጊዶናሺን ሃጋዛናው ዴዒያ ሎዖ ቆፋን ሄሚቴ። ዮሃ 21፡15-17 3 ሂንቴ ኣዋቴꬃፌ ጋርሳን ዴዒያ ዉዲያስ ሌሚሶ ጊዲቴፔ ኣቲን ጎዳቶፒቴ። 4 ሄሜይሳታ ሃላቃይ ቆንጪያ ዎዴ ቆሌቶና ቦንቾ ካላቻ ሂንቴ ኤካና።

5 ሄሳዳካ፥ ያላጋቶ፥ ጪማታስ ሃሬቲቴ። ሂንቴ ኢሶይ ኢሱዋስ ኣሽኬ ጊዲቴ። ጌሻ ማፃፋን፥ «ፆሳይ ኦቶራንቾታ ኢፄስ፥ ሺን ኣሽኬታስ ኣꬎ ኬሃቴꬃ ኢሜስ» ያጌስ። ሌሚ 3፡34 6 ፆሳይ ባ ዎዴ ሂንቴና ቦንቻና ሜላ ዎልቃማ ፆሳ ኩሺያፔ ጋርሳን ሂንቴና ካዉሺቴ። ማቶ 23፡12፤ ሉቃ 14፡11፤ 18፡14 7 ኢ ሂንቴው ቆፒያ ጊሾ ሂንቴና ሂርጊሲያ ኡባ ኢያ ቦላ ዬጊቴ።

8 ሂንቴ ሞርኬይ ፃላሄይ፥ ሚቲያባ ኮዪዲ፥ ጋሞዳ ጉዲሼ ሂንቴ ማታራ ዩያ ጊሾ ሂንቴና ሃሪቴኔ ባርኪቴ። 9 ኣላሜን ዴዒያ ሂንቴ ኢሻቲ ሄሳዳ ዋዬ ኤኬይሳ ኤሪዲ፥ ኣማኖን ሚኒዲ፥ ፃላሂያራ ኤቄቲቴ። 10 ባ ሜሪና ቦንቹዋስ ኪሪስቶስ ዬሱሳ ባጋራ ሂንቴና ፄጊዳ ኣꬎ ኬሃቴꬃ ኡባ ፆሳይ፥ ጉꬃ ዎዴስ ሂንቴ ዋዬቲዳፔ ጉዬ፥ ኢ ባ ሁዔን ሂንቴና ሺሻና፥ ካቲሳና፥ ሚንꬂዲ ኤሳና፥ ፃሊሳና። 11 ሜሪናፔ ሜሪና ጋካናው ፆሳይ ካዎቶ። ኣሚንዒ።

12 ኣማኔቲዳ ኢሻ ጋዳ ታ ኤኪያ ሲላሴ ባጋራ ሃ ዳብዳቢያ ሂንቴው ቃንꬃን ፃፋስ። ታ ሄሳ ሂንቴው ፃፊዳይ፥ ሂንቴና ዞራናዉኔ ፆሳ ኣꬎ ኬሃቴꬃይ ቱማ ጊዴይሳ ማርካታናሳ። ሄ ኣꬎ ኬሃቴꬃን ሚኒዲ ኤቂቴ። ሃ.ኦ 15፡22፣ 40

13 ሂንቴራ ኢሲፌ ዶሬቲዳ ባቢሎኔን *ባቢሎኔን፡ ሃ ቤሳን ባቢሎኔ ጌቴቲዳይ ሮሜ ካታማ ጊዶና ኣጌና። ዴዒያ ዎሳ ኬꬃ ኣሳይኔ ታ ናዓ ማርቆሲ ሂንቴና፥ «ሳሮ ሳሮ» ያጌስ። ሃ.ኦ 12፡12፣ 25፤ 13፡13፤ 15፡37-39፤ ቆላ 4፡10፤ ፊልሞ 24 14 ሲቆ ዬሬቴꬃ ዬሬቲሼ፥ ኢሶይ ኢሱዋ ሳሮꬂቴ።

ኪሪስቶሳን ዴዒያ ሂንቴ ኡባስ ሳሮይ ጊዶ። ኣሚንዒ።