1 እስራኤለ አሳ ኡባይ ባ የለታን የለታን፥ እስራኤለ ካዎታ ማፃፋን ፃፈትድ ደኤስ።

ይሁዳ አሳይ ጎዳስ አማነትቦና ግሾ ባብሎነ ቢታ ድኤትድ ብዶሶና። 2 ኮይሮ ስሚድ ባንታ ቢታንነ ባንታ ካታማታን ኡትዳይ ጉꬃ እስራኤለ አሳታ፥ ካህነታ፥ ሌወታነ ፆሳ ኬꬃ ኦሳንቾታ። 3 ይሁዳፐ፥ ብንያመፐ፥ ኤፍሬማፐነ ምናሰፐ ጉꬃ አሳት ይድ የሩሳላመን ደእዶሶና።

4 ይሁዳ ናኣ ፓረሳ ያራፐ ኡታይ የሩሳላመን ደኤይሳታስ ሀላቃ። ኡታይ አምሁዳ ናአ፤ አምሁድ ኦምራ ናአ፤ ኦምር እምራ ናአ፤ እምር ባና ናአ።

5 ይሁዳ ናኣ ሴላ ያራፐ አሳይነ እያ ናይት የሩሳላመን ደኤይሳታስ ሀላቃ።

6 ይሁዳ ናኣ ዛራ ያራፐ ይኡኤል የሩሳላመን ደኤይሳታስ ሀላቃ።

ይሁዳ ኮቻ ታይቦይ ኡሱፑን ፄታነ ኡዱፉን ታማ።

7 ብንያመ ያራ ሀላቃት ሀይሳፈ ካልድ ፃፈትዳይሳታ።

ማሱላማ ናኣ ሳሉ፥ ሆዳዋ ናኣ ማሱላማ፥ ሀሰናኡ ናኣ ሆዳዋ፥ 8 ይሮሃማ ናኣ ይብናያ፥ ኦዛ ናኣ ኤላ፥ ምክራ ናኣ ኦዛ፥ ሳፋፃ ማሱላማ፥ ራኡላ ናኣ ሳፋፃ፥ ይብና ናኣ ራጉኤላ። 9 ብንያመ ኮቻ ታይቦይ ኡዱፉን ፄታነ እሻታማነ ኡሱፑና። ሀይሳቲ ኡባይ ባንታ ሶ አሳ ሀላቃታ።

10 የሩሳላመን ደእዳ ካህነት ሀይሳፈ ካልድ ፃፈትዳይሳታ።

ኤንቲ ዮዳሀ፥ ዮራባ፥ ያክናነ 11 ፆሳ ኬꬃን አዋትያ አዛርያሳ። አዛርያስ ካልቀ ናአ፤ ካልቀይ ማሱላማ ናአ፤ ማሱላም ሳዶቃ ናአ፤ ሳዶቅ ማርዮታ ናአ፤ ማርዮት አክፆባ ናአ።

12 ሀራት ቃስ ይሮሃማ ናኣ አዳያነ አድኤላ ናኣ ማእሰያ። ይሮሃም ፓስኮራ ናአ፤ ፓስኮር ማልክያ ናአ። አድኤል ያህዜራ ናአ፤ ያህዜር ማሱላማ ናአ፤ ማሱላም ማሽልሞታ ናአ፤ ማሽልሞት እመራ ናአ።

13 ባንታ ሶ አሳስ ሀላቃ ግድዳ ካህነታ ታይቦይ 1,760. ሀይሳቲ ፆሳ ኬꬃን ኦꬃናዉ ዳንዳእያ አሳታ።

14 የሩሳላመን ደእያ ሌወት ሀይሳፈ ካልድ ፃፈትዳይሳታ።

ሀሹባ ናአይ ሻማየይ ማራራ ያራ። ሀሹብ አዝርቃማ ናአ፤ አዝርቃም ሀሳባያ ናአ።

15 ሀራት ቃስ ባቅባቃራ፥ ሄሬሳ፥ ጋላላነ ማታና። ማታን ምካ ናአ፤ ምክ ዝክራ ናአ፤ ዝክር አሳፋ ናአ።

16 ሀራት ቃስ ናፆፋታ ጉታን ኡትዳይ አብድዩነ ባራካ። አብድዩይ ሻማእያ ናአ፤ ሻማኤይ ጋላላ ናአ፤ ጋላል የዱቱና ናአ፤ ባራክ አሳ ናአ፤ አስ ኤልቃና ናአ።

17 ካዎ ፐንግያ ናገይሳት፥ ሳሉማ፥ አቁባ፥ ታልሞና፥ አህማናነ ኤንታ እሻታ፤ ሳሉም ኤንታ ሀላቃ። 18 ኤንቲ ዉሎሀ ባጋራ ደእያ፥ ካዎ ፐንግያ ናግዶሶና። ሀይሳፈ ካሰ ኤንቲ ሌወት ዱንካንዳ ጉታ ናጎሶና።

19 አብሳፋ ናኣ ናአይ ቆረ ናአይ ሳሉም ቆረ ያራ። ቆረ ያራይ ካሰ ጎዳ ዱንካንያ ናግዳይሳዳ ሳሉምነ ቆረ ኮቸ ግድዳ እያ ዳቦት ፆሳ ኬꬃ ፐንግያ ናጎሶና።

20 አላዛራ ናአይ ፕንሃስ ካሰ ቆረ ያራ ሀላቃ፤ ጎዳይ እያራ ደኤስ።

21 ማሱላማ ናአይ ዛካርያስ ዱንካንያ ግዶ ገልያ ፐንግያ ናጌስ።

22 ፐንግያ ናጋናዉ ዶረትዳይሳት ኩመꬅ ናምኡ ፄታነ ታማነ ናምአ፤ ሄሳት ባንታ ጉታን ጉታን ታይበትድ ፃፈትዶሶና። ኤንታ ያራስ ሀ አዋተꬃ እምዳይ ካዋ ዳዊታነ ናብያ ሳሜላ። 23 ሄሳ ግሾ፥ ኤንትነ ኤንታ ናይት ፆሳ ኬꬃ ፐንግያ ናጎሶና። 24 ኦይዱ ባጋራ ዶሎሀን፥ ዉሎሀን፥ ፑደሀን ዱገሀን እስ እስ ፐንገይ ደኤስ፤ ሄ ፐንገታ ናገይሳት ደኦሶና። 25 ሄ ጉታን ደእያ ኤንታ ዳቦት ላፑንꬃ ጋላሳን ጋላሳን ላመትድ፥ ናግድ ኤንታ ማዶሶና።

26 ፐንግያ ናግያ ኦይዱ ሌወት ሀላቃ፤ ኤንቲ ፆሳ ኬꬃ ክፍለታነ ክፍለታ ግዶን ደእያ ሚሸታ አዋተꬃን አይሶሶና። 27 ፆሳ ኬꬃ ናገይነ ዎንታ ጉራ ካርያ ዶየይ ኤንታ ግድያ ግሾ ያን አቆሶና።

28 ሌወታፐ ጉꬃት ጎይኖ ዎደ ጎኤትያ ሚሸታ ናጎሶና፤ ሄ ሚሸታ ካረ ከሰይነ ሶ ገልሰይ ኤንታ። 29 ኤንታፈ እሶት እሶት ፆሳ ኬꬃን ጎኤትያ ሀራ ሚሸታ፥ ꬊለ፥ ዎይነ ኡሹ፥ ዛይተ፥ እፃነነ ሳዎታ አዋተꬃን አይሶሶና። 30 ሽን ካህነታ ናይታፐ ባጋት ሳዉዋ ዋላኮሶና።

31 ቆረ ኮቻፈ ሳሉማ ባይራ ናአይ ማታታስ ያርሾ ኡይꬃ ኡክስያ አዋተꬅ ደኤስ። 32 ቃሃታ ያራ ግድያ ኤንታ ዳቦታፐ ባጋት ሳምባታን ሳምባታን ፃርጴዛ ቦላ ዎꬅያ ኡይꬃ ጊግስያ አዋተꬅ ኤክዶሶና።

33 ሌወ ኮቻፈ ጉꬃ ሀላቃት ፆሳ ኬꬃን የፀይሳታ። ቃማነ ጋላስ ኤንቲ ኦꬅያ ግሾ ሀራ ኦሶ ኦꬆና ፆሳ ኬꬃ ድርሳ ግዶን ደእያ ኬꬃታን ደኦሶና።

34 ሀይሳቲ ኡባይ ሌወ ሶ አሳ ሀላቃታ፤ ኤንቲ የሩሳላመን ደእዶሶና።

35 ጋባኦና አዋይ ይኤል ጋባኦና ካታማን ደእስ፤ እያ ማቸ ሱንꬃይ ማእኮ። 36 እያ ናአይ ባይራይ አብዶና፤ እያ ናይት ሀራት ፁራያ፥ ቂሳ፥ ባኣላ፥ ኔራ፥ ናዳባ፥ 37 ጋዶራ፥ አህያ፥ ዛካርያሳነ ምክሎታ። 38 ምክሎት ስምአ የልስ። ሀይሳቲ የሩሳላመን ደእያ ባንታ ዳቦታ ማታን ደእዶሶና።

39 ኔር ቂሳ የልስ፤ ቂስ ሳኦላ የልስ። ሳኦል ዮናታና፥ ማልክሳ፥ አብናዳበነ ኤሽባኣላ የልስ። 40 ዮናታና ናአይ ማርባኣላ የልስ፤ ማርባኣል ምክያሳ የልስ።

41 ምክያሳ ናይት ፕቶና፥ መለካ፥ ታረአነ አካዛ። 42 አካዝ ያእራ የልስ። ያእር አለሜታ፥ አዝማወታነ ዝምራ የልስ። ዝምር ሞፃ የልስ፤ 43 ሞፅ ብንአ የልስ፤ ብንእ ራፋያ የልስ፤ ራፋይ ኤልኣሳ የልስ፤ ኤልኣስ አፄላ የልስ።

44 አፄላስ ኡሱፑን አደ ናይት ደኦሶና። ኤንታ ሱንꬃይ አዝርቃማ፥ ቦኬራ፥ እስማኤላ፥ ሻኣራ፥ አብድዩነ ሀናና።