1 ህዛ፥ ኢታተꬅ ኡባ፥ ጭሞ ኡባ፥ ጩቦተꬅ ቃናተነ ዝግርስ ኡባ ህንተፈ ድግተ። 2-3 ጎዳይ ኬሀ ግደይሳ ህንተ ኤርድ ሜዘትዳይሳዳ ሀእ የለትዳ ጉꬃ ናይታዳ ህንተ አቶተꬃን ድጭሸ ባናዉ ፆሳ ጌሻ ቃላ ማꬃ ኡባ ዎደ አሞትተ። ማዝ 34:8.

4 አሳን ቦረትድ ፆሳን ዶረትዳ አልኦ ግድዳ ደኦ ሹቻ፥ ጎዳ የሱሳኮ ሺቅተ። 5 ህንተ አያና ኬꬅ ኬፀትያ ደኦ ሹቻታ። ህንተ የሱስ ክርስቶሳ ባጋራ ፆሳ ኡፋይስያ አያና ያርሾ ያርሽያ ጌሻ ካህነታ። 6 ጌሻ ማፃፋን፥

9 ሽን ፆሳይ ꬉማፐ ማላልስያ ባ ፖኡዋኮ ህንተና ፄግዳይ፥ ህንተ እያ ሎኦተꬃ ሀራታስ ኦዳናዉ ዶረትዳ ኮቸ፥ ካዎ ካህነ፥ ጌሻ ደረነ ፆሳ ዱማ ደረ። ከሳ 19:5-6፤ እሳ 43:20-21፤ ዛረ 4:20፤ 7:6፤ 14:2፤ ትቶ 2:14፤ እሳ 9:2. 10 ህንተ ካሰ ፆሳ ደረ ግደከታ፥ ሽን ሀእ ህንተ እያ ደረ። ህንተ ካሰ ማሮተꬅ ደምበከታ፥ ሽን ሀእ ማሮተꬅ ደምደታ። ሆሰ 2:23.

11 ታ እሻቶ፥ ህንተ ሀ ሳአን እማነ በተ አስ ግድዳይሳዳ ህንተ ሸምፑዋ ኦልያ አሾ አሞፐ ሃካና መላ ታኒ ህንተና ዎሳይስ። 12 አማኖና አሳይ ህንተና ኢታ ኦꬅያ አሳዳ ዝግርያ ዎደ ፆሳይ ኑና በአናዉ ያ ጋላስ፥ ኤንቲ ህንተ ሎኦ ኦሱዋ በእድ ፆሳ ጋላታና መላ ህንተዉ ሎኦ ደኦይ ደኦ።

13 ጎዳ ግሾ ግድ ማታራ ደእያ አሳታስ ሃረትተ፤ ኡባፈ ቦላ ግድያ ግሾ ካዋስካ ሃረትተ። 14 ኤንቲ ኢታ ኦይሳታ ሴራናዉነ ሎኦ ኦይሳታ ሳባናዉ ካዉዋፐ ኪተትዳ ግሾ ደርያ አይሰይሳታስ ሃረትተ። 15 ህንተ፥ ህንተ ሎኦ ኦሱዋን ኤሮና ኤያ አሳ ዶና ኦይꬃናይስ ፆሳ ሸነ። 16 ፆሳ አይለ ግድድ ላአተꬃን ደእተፐ አትሽን፥ ህንተ ላአተꬃ ኢታ ኦሶስ ካማ ኦꬆፍተ። 17 አሳ ኡባ ቦንችተ፤ አማንያ አሳ ሲቅተ፤ ፆሳ ያይተ፤ ካዎ ቦንችተ።

18 አይለቶ ሎኦ ጎዳታስነ ኬሀ ጎዳታ ፃላላስ ግዶናሽን፥ ኢታታስካ ቦንቾን ሃረትተ። 19 አስ ፆሳ ግሾ ግድ በሶና ዋየ ዋየትኮ ፆሳይ እያ አንጃና። 20 ሽን ህንተ ናጋራ ኦꬅን ህንተና ደችያ ዎደ ህንተ ዳንዳእኮ ህንተዉ አይ ጋላት ደኢ? ሽን ሎኦባ ኦꬅድ ዋየ ዳንዳእኮ ፆሳይ ህንተና ሄሳስ አንጃና። 21 ፆሳይ ህንተና ፄግዳይ ሄሳ ግሾሳ፤ ክርስቶስ ህንተዉ ዋየትስ፤ ህንተ እያ ካላና መላ፥ ህንተዉ ሌምሶ ግድስ። 22 እ ናጋራ ኦꬅቤና፤ እያ ዶናን ዎርዶይ በንትቤና። እሳ 53:9. 23 ኤንቲ እያ ጫይያ ዎደ፥ ዛሪድ ጫይቤና። ሽን ዋየ ኤክሸ ፅሎ ፕርድያ ፆሳስ ባ ፕርዳ አጋግስፐ አትሽን፥ ማንድቤና። እሳ 53:7. 24 ኑኒ ናጋራስ ሀይቅድ ፅሎተꬃስ ዳና መላ ክርስቶስ ባ አሹዋን ኑ ናጋራ ማስቃልያ ቦላ ቶክስ፤ ህንተ እያ ማዱንꬃን ፓፅደታ። እሳ 53:5. 25 ካሰ ህንተ ኦገ ባልድ ꬋይዳ ዶርሳታ መላ፥ ሽን ሀእ ህንተ ሸምፑዋ ሄመይሳኮነ ናገይሳኮ ስምደታ። እሳ 53:6.