1 ጎዳ ቃላይ ሀይሳዳ ያግሸ ታኮ ይስ። 2 “አሳ ናአዉ፥ ዎይነይ ዎራን ደእያ ሀራ ምꬃፈ አይብን አꬊ? 3 ጎእ ደእያ ባ ኦꬃናዉ ቃንፀትድ ኤርዬ? አይኮባ ካቅያ ኮጫ እያፐ ከሳናዉ ዳንዳኤቲ? 4 እያ ታማ ኦይሰꬃናዉ ታማን የግን፥ ፄራይነ ዱለይ ታማን ሜተትን አትዳ ዱንቻይ አይ ማዳኔ? 5 ፁገቶና ደእሸ፥ አይኮ ማዶናይስ ታም ምን ምጭድ አይ ማዳኔ?”

6 ሄሳ ግሾ፥ ኡባ ሃርያ ጎዳይ ሀይሳዳ ያጌስ፦ “ታኒ ዎራን ደእያ ምꬃ ግዶፈ ዎይነ ምꬃ ታማስ አꬃዳ እምዳይሳዳ የሩሳላመን ደእያ አሳ ሄሳዳ ኦꬃና። 7 ታኒ ታ ሶምኡዋ ኤንታ ቦላ ዛራና፤ ኤንቲ እስ ታማፐ ከይኮካ፥ ሀራ ታም ኤንታ ማና። ታኒ ታ ሶምኡዋ ኤንታ ቦላ ዛርያ ዎደ ታኒ ጎዳ ግደይሳ ህንተ ኤራና። 8 ኤንቲ ታናን አማነቶና አግዳ ግሾ ታ ኤንታ ቢታ ባይሳ ከሳና” ያጌስ ኡባ ሃርያ ጎዳይ።