1 ፆሳይ ኖሄነ እያ አደ ናይታ ሀይሳዳ ያግድ አንጅስ፤ “የለትተ፥ ዳርተ፥ ሳአ ኡባ ኩምተ። 2 ሳኣ ዶአት፥ ሳሎ ካፎት፥ ቢታን ዎፅ ቃፅያባይነ አባን ደእያ ሞሎት ኡባይ ህንተዉ ያሻንነ ዳጋማን ደኦ። ኤንቲ ህንተዉ ሃረቶ። 3 ታኒ ዶልያ ዱማ ዱማ ጭልኦባታ ህንተዉ እምዳይሳዳ፥ ደኦይ ደእያ ዎፅ ቃፅያ መተꬃ ኡባይ ህንተዉ ካꬅ ግዳና መላ እማስ። 4 ሽን ሸምፖይ ግዶን ደእያ ግሾ ሱꬅ እያ ግዶን ደእያ አሾ ሞፕተ። 5 ኦንካ ሸምፖ ዎꬍዳይ ፕርደታና። ቃስ አሳ ሱꬅ ጉስያ ዶአካ ሀይቆን ፕርዳና። 6 ፆሳይ አሰ ባና ዳንስድ መꬍዳ ግሾ፥ አሳ ሱꬅ ጉስያ ኦና ግድኮካ እያ ሱꬃይካ አሳ ኩሸን ጉካና። 7 ህንተ የለትተ፥ ዳርተ፥ ህንተ ሼሻይካ ሳአ ቦላ ዳሮ” ያግስ።

8 ሄሳፈ ጉየ፥ ፆሳይ ኖሄነ እያራ ደእያ እያ አደ ናይታ ሀይሳዳ ያግስ፤ 9 “ህዛ፥ ታኒ ታ ጫቁዋ ህንተራ፥ ህንተ ሼሻራነ ደኦይ ደእያ መተꬃ ኡባራ ጫቃይስ። 10 ታኒ ታ ጫቁዋ ካፎታራ፥ መህያራ፥ ሳአ ዶአ ኡባራነ፥ ማርካብያፐ ህንተራ ከይዳ፥ ደኦይ ደእያ መተꬃ ኡባራ ጫቃይስ። 11 ታኒ ህንተራ ጫቅዳይሳ መላ ህዛፐ ደኦይ ደእያ መተꬃት ꬋዮ ሃꬃን ꬋዮኮና፤ ሀ ሳኣካ ዛር ꬋዮ ሃꬅ ꬋይሰና” ያግስ።

12 ቃስካ ፆሳይ፥ “ታኒ ታፐነ ህንተፈ፥ ደኦይ ደእያ መተꬃ ኡባፈ ግዶን ጫቅያ ጫቁዋ ማላይ ሀይሳ፤ 13 ታኒ ታ ዙላ ሻራን ኤሳስ። እ ታፐነ ሳአ ቦላ ደእያ መተꬃ ግዶን ደእያ ጫቁዋስ ማላ ግዳና። 14 ታ ሳሉዋ ሻራ ማይዝዳ ዎደነ ሻራን ዙል ኤቅዳ ዎደ፥ 15 ታፐነ ህንተፈ ግዶን፥ ደኦይ ደእያ ዱማ ዱማ መተꬃ ኡባፈ ግዶን ጫቅዳ ታ ጫቁዋ አኬካና። ደኦይ ደእያ መተꬃ ኡባ ꬋይሳናዉ ህዛፐ ጉየ ꬋዮ ሃꬅ ዬና። 16 ዙል ሻራን ኤቅዳ ዎደ ታ እያ በአዳ ታፐነ ሳአ ቦላ ደእያ ዱማ ዱማ መተꬃ ኡባፈ ግዶን ጫቅዳ መርና ጫቁዋ አኬካና” ያግስ።

17 ፆሳይ ኖሄ፥ “ታኒ ታፐነ ሳአ ቦላ ደኦይ ደእያባ ኡባፈ ግዶን ጫቅዳ ጫቁዋ ማላይ ሀይሳ” ያግስ።

18 ማርካብያፐ ከይዳ ኖሄ አደ ናይት ሴማ፥ ካማነ ያፈታ፤ ካም ካናነ አዋ። 19 ሀ ሄꬓት ኖሄ ናይታ፤ ሳአ ኡባን ደእያ አሳይ ኤንታፈ የለትዶሶና።

20 ኖሄይ ጎሻንቾ፤ እ ዎይነ ቶከꬃን ኮይሮ አስ። 21 እስ ጋላስ ኖሄይ ሄ ዎይንያፐ ኡይድ ማꬆትድ ባ ዱንካንያ ግዶን ፅረ ካሎ ዝንእስ። 22 ካናነ አዋ ካም ባ አዋ ካሉዋ በእድ፥ ካረ ከይድ፥ ባ ናምኡ እሻታስ ኦድስ። 23 ሽን ሴምነ ያፈት አፍላ ኤክድ፥ ናምአይካ ባንታ ሀሽያራ ሀሽያራ ጋꬅ ኦይክድ፥ ጉየ ጉꬁ ሄመት ገልድ፥ ባንታ አዋ ካሉዋ ካምዶሶና። ኤንቲ ባንታ አዋ ካሉዋ በኦና መላ ባንታ አይፍያ ሀራሶ ዛርዶሶና።

24 ኖሄይ ማꬆይ አꬍን፥ ባርክድ፥ እያ ካሎ ናአይ ኦꬅዳባ ኤርስ። 25 ኖሄይ እያኮ፥

28 ꬋዮ ሃꬃፈ ጉየ፥ ኖሄይ ሄꬑ ፄታነ እሻታሙ ላይꬅ ደእስ። 29 ኖሄይ ኡዱፉን ፄታነ እሻታሙ ላይꬅ ደእድ ሀይቅስ።