2
ግታ አንጆ
1 ሄሳ ግሾ፥ ኑኒ ስእዳ ቱማፐ ሀራሶ ኤከቶና መላ ሄ ስእዳይሳ ምንꬅድ ናጋናዉ በሴስ። 2 ህዛ፥ ኪታንቾታ ባጋራ ኦደትዳ ቃላይ ቱማ ግድኮ፥ እያ ናቆይነ ኪተቶና እፆይ ፕርዳ ኤህያባ ግድኮ፥ 3 ያትን፥ ኑኒ ሀይሳ መላ ግታ አቶተꬃ እፃስ ጊኮ፥ ዋንድ አታኔ? ኮይሮ ጎዳይ ባ ሁጰን ሄ አቶተꬃ ኦድስ፤ ቃስ እያፐ ስእዳይሳት ኑስ ጌሽድ ማርካትዶሶና። 4 ቃስ ፆሳይ ማላታታን፥ ኦራꬃባታን፥ ዱማ ዱማ ማላታንነ ባ ሸንያዳ እምዳ ጌሻ አያና እሞታታን ማርካተꬃ ምንꬅስ።
የሱሲ አሰ ግድስ
5 ፆሳይ ሀ ኑኒ ኦድያ ስንꬃፈ ያና አላምያ፥ ኪታንቾታስ ሃርስቤና። 6 ጌሻ ማፃፋይ እስ በሳን ሀይሳዳ ያጌስ፦
“ኔኒ አሳስ ቆፓናዉ አስ አይቤ?
ዎይኮ ኔኒ እያ ናጋናዉ እ አይቤ?ማዝ 8:4-6.
7 ነ እያ ኪታንቾታፐ ጉꬃ ዎደስ ጉꬃዳሳ፤
እያ ሁጰን ቦንቾነ ሳባ ካላቻ ዎꬃዳሳ።
8 ቃስ ኡባባ እያ ቶሁዋፐ ጋርሳን ዎꬃዳሳ”
ያጌስ። ፆሳይ ኡባባ እያዉ ሃርስያ ዎደ እያዉ ሃረትቦናባይ አይብካ ባዋ። ሽን ሀእ ኡባባይ እያዉ ሃረትሽን ኑኒ በእቦኮ። 9 ሽን ኑኒ ኪታንቾታፐ ጉꬃራ ጉፅዳ የሱሳ በኦስ። ፆሳ አꬎ ኬሀተꬃ ጋሶን የሱሲ አሳ ኡባስ ሀይቅስ። እ ዋየ ሀይቆ ሀይቅዳ ግሾ፥ ቦንቾነ ሳባ ካላቻ እያ ሁጰን ዎꬅስ። 10 ኡባባይ እያዉነ እያ ጋሶን መትዳ ፆሳይ፥ ዳሮ ናይታ ባራ ቦንችሳናዉ ኤንታ አቶተꬃ ሁጵያ፥ የሱሳ ዋየን ፖሎ ኦꬃናዉ እያዉ በሴስ።
11 የሱሲነ ሄ እ ጌሽዳ አሳ ኡባይ እስ አዋ ናይታ። የሱሲ ኤንታ፥ “ታ እሻታ” ግድ ፄጋናዉ ዬላቶናይ ሄሳሳ። 12 የሱሲ፥
“ታኒ ነ ሱንꬃ ታ እሻታስ አዋጃና፤
ደርያ ሺቁዋን ነና ጋላታና”
14 ናይት አሾይነ ሱꬅ ደኤይሳታ ግድያ ግሾ፥ የሱሲካ ኤንታዳ አሰ ግድስ። እ ሄሳ ኦꬅዳይ፥ ሀይቆ ቦላ ዎልቅ ደእያ ፃላህያ ባ ሀይቁዋን ꬋይሳናሳ። 15 ቃስ ባንታ ደኦ ላይꬃ ኡባን ሀይቆ ያሻን አይለትድ ደኤይሳታ አይለተꬃፈ ዎዛናሳ።
16 ቱማ የሱሲ ይዳይ አብራሃመ ኮቸ ማዳናሳፈ አትሽን፥ ኪታንቾታ ማዳናሳ ግደና። እሳ 41:8-9. 17 አሳ ናጋራይ አቶ ጌተታና መላ ፆሳ ስንꬃን ማርያነ አማነትዳ ካህነ ሀላቃ ግድስ። ሄሳ ግሾ፥ እ ኡባባን ባ እሻታ ዳናናዉ በሴስ። 18 እ ባ ሁጰን ፓጨን ዋየትዳ ግሾ ፓጨተይሳታ ማዳናዉ ዳንዳኤስ።