1 ሄሳ ግሾ፥ ፆሳይ ፄግዳ ጌሻ እሻቶ፥ ኑ አማኖን ጎዳ ግድ ፄግያ ሀዋርያነ ካህነ ሀላቃ የሱሳ በእተ። 2 ሙሰይ ፆሳ ኬꬃ ኡባን አማነትዳይሳዳ የሱሲካ ባና ዶርዳ ፆሳስ አማነትዳይሳ። 3 ኬ ኬፀይስ ኬꬃፈ አꬍድ ቦንቸተይሳዳ የሱሲ ሙሰፐ አꬍያ ቦንቾ ኤካናዉ በሴስ። 4 እስ እስ ኬꬃ ኬፅዳ አስ ደኤስ፥ ሽን ኡባ ጊግስዳይ ፆሳ። 5 ሙሰይ ፆሳ ኬꬃ ኡባን አማነትዳ አይለ ግድድ፥ ፆሳይ ስንꬃፈ ጋናባስ ማርካ ግድስ። 6 ሽን ክርስቶስ ፆሳ ኬꬃን ናአዳ አማነትዳይሳ። ኑኒ ኤካና ግድ ናግያ ኡፋይሳ ምንꬅድ ናግኮ ፆሳ ኬꬅ ግዶስ።

7 ሄሳ ግሾ፥ ጌሻ አያናይ ገይሳዳ፥

12 ታ እሻቶ፥ ህንተፈ ኦደንካ፥ ደኦ ፆሳፈ ህንተና ሻክያ ኢታነ አማኖና ዎዛን ዶና መላ ናገትተ። 13 ህንተፈ ኦናካ ናጋር ባለꬅን፥ ባ ዎዛና ምንꬆና መላ “ሀች” ያገትድ ፄገትሽን ጋላስ ጋላስ እሶይ እሱዋራ ዞረትተ። 14 ኑ ኮይሮ አማኑዋ ኑኒ ዉርሰꬅ ጋካናዉ ምንꬅድ ናግኮ፥ ክርስቶሳራ እስፈ ላታና። 15 ጌሻ ማፃፋን፥

16 ፆሳይ ግያባ ስእድ ማካልዳይ ኦኔ? ሙሰይ ግብፀፈ ካለꬅ ከስዳ ኡባ ግዶኮናዬ?ታይቦ 14:1-35. 17 ፆሳይ ኦይታሙ ላይꬅ ኦና ሀንቀትዴ? ናጋራ ኦꬅዳይሳታነ ኤንታ አሀይ መላ ቢታን ዎꬍ አትዳ አሳታ ግዶኮናዬ? 18 ቃስ ፆሳይ፥ “ታ ሸምፖ በሳ ገለከታ” ያግድ ጫቅዳይ፥ እያዉ ኪተቶና እፅዳ አሳፐ አትሽን፥ ኦደሴ? 19 ህዛ፥ ኤንቲ ሄ ሸምፖ በሳ ገሎና አትዳይ አማንቦና ግሾ፥ ግደይሳ ኑ በኦስ።