4
1 ህዛ፥ ፆሳይ ኑና ባ ሸምፖ በሳ ገልሳና ግዳ ቃላይ ቡሮ ስንꬃፈ ደእያ ግሾ፥ ህንተፈ ኦንካ ሄ ሸምፖ በሳ ገሎና አቶና መላ ናገቶስ። 2 ኤንታዉ ዎንገላይ ሳባከትዳይሳዳ፥ ኑስካ ሳባከትስ። ሽን ኤንቲ ስእዳባ አማንድ ኤክቦና ግሾ ኤንታ ጎእቤና። 3 ግዶሽን፥ አላመይ መቶሳፐ ዶምድ ፆሳ ኦሶይ ፖለትዳይሳ ግድኮካ፥ ፆሳይ፥
“ታኒ ታ ሀንቁዋን ጫቃዳ፥
ታ ሸምፖ በሳ ኡባካ ገሎኮና”
ግዳይሳዳ፥ ኑኒ አማንዳይሳት እያ ሸምፖ በሳ ገላና። ማዝ 95:11. 4 ላፑንꬃ ጋላሳባ እስ በሳን፥ “ፆሳይ ላፑንꬃ ጋላሳን ባ ኦሶ ኡባፈ ሸምፕስ” ያግስ። መ 2:2. 5 ቃስካ ሄ በሳን፥ “ኤንቲ ታ ሸምፖ በሳ ኡባራካ ገሎኮና” ያግስ። ማዝ 95:11. 6 ኮይሮ ዎንገላ ስእዳይሳት ኪተቶና እፅድ ሸምፖ በሳ ገልቦኮና። ያንያ ግሾ፥ ሀእካ ሄ ሸምፖ በሳ ገላና እስ እስ አሳት ደኦሶና። 7 ሄሳ ግሾ፥ ፆሳይ፥ “ሀች” ግድ ፄግሸ እስ ጋላስ ኑስ ቃንፅስ። ዳሮ ዎደፐ ጉየ ፆሳይ ዳዊታ ባጋራ፥
“ፆሳይ ግያባ ሀች ህንተ ስእያ ዎደ፥
ህንተ ዎዛና ምንꬆፍተ”
ያግድ ኦድስ። ማዝ 95:7-8. 8 እያሱይ ኤንታዉ ሸምፑዋ እምዳባ ግድያኮ፥ ፆሳይ ሀራ ጋላሳባ ጉየፐ ኦደናሽን። ዛረ 31:7፤ እያ 22:4. 9 ህዛ፥ ፆሳ አሳስ ሳምባታ ሸምፖይ ናገትድ ደኤስ። 10 ፆሳ ሸምፖ በሳ ገልያ ኦንካ፥ ፆሳይ ባ ኦሱዋፐ ሸምፕዳይሳዳ እካ ባ ኦሱዋፐ ሸምፓና። መ 2:2. 11 ሄሳ ግሾ፥ ኦንካ ሄ አሳ ኪተተꬃ እፁዋ ካልድ፥ ኩንዶናዳ ፆሳ ሸምፖ በሳ ገላናዉ ምኖስ።
12 ፆሳ ቃላይ ደኦነ ኦይሳ። ናምኡ ባጋራ ቃራትዳ ማሻፈካ አꬍድ ኦጮ። እ ሸምፖ፥ አያና፥ ፃጶነ ኮልዘ ጋካናዉ ካንꬅድ ጫዴስ። ቃስ አሳ ዎዛናን ደእያ ጌምዳ ቆፋነ አሙዋ ሻክድ ፕርዴስ። 13 ፆሳ ስንꬃፈ ቆሰትያባይ አይባ መተꬅካ ባዋ። እያ አይፈ ስንꬃን ኡባባይ ቆንጨነ ካሎ ደኤስ። ኑኒ ዛሮ እማናዉ በሰይ እያ ስንꬃና።
የሱሲ ግታ ካህነ ሀላቃ
14 ህዛ፥ ሳሎ ከይዳ ግታ ካህነ ሀላቃይ፥ ፆሳ ናአይ የሱሲ፥ ኑስ ደእያ ግሾ፥ ኑ አማኑዋ ምንꬅድ ናጎስ። 15 ኑ ካህነ ሀላቃይ ኑ ዳቡርያ ዎደ ኑስ ቃታናዉ ዳንዳኤይሳ። እ ኑዳ ኡባባን ፓጨትስፐ አትሽን፥ ናጋራ ኦꬅቤና። 16 ህዛ፥ ማሮተꬃ ኤካናዉነ ማደ ኮሽያ ዎደ አꬎ ኬሀተꬃ ደማናዉ አꬎ ኬሀተꬃይ ደእያሱዋ ፆሳ አራታኮ ያዮና ሺቆስ።