ነኖ እስራኤለ፥ ነና ጊግስዳይ፥

ታኒ ነና ነ ሱንꬃን ፄጋስ፤ ኔኒ ታባ።

ታኒ ኔራ ግዳና።

ኤንቲ ነና ምቶኮና።

ፁገታካ፤ ላጮይካ ነና ሜና።

ጎዳ ነ ፆሳ።

ቶጰነ ሳባ

ነዉ ላመ ኦꬃዳ እማና።

ታኒ ነና ዶስያ ግሾ፥

አሳ ነ ግሾ፥ ካዎተꬃታ ነ ሸምፑዋ ግሾ

ላመ ኦꬃዳ እማና።

ታኒ ነ ናይታ ዶሎሀፐ

ነና ዉሎሀፐ ሺሻና።

ዱገሀ ባጋ፥ ‘ኤንታ ተቆፋ’ ያጋና።

ታ ማጫ ናይታ ሳኣ ጋፃፐ ኤሀና።

ታኒ ታ ቦንቹዋስ መꬍዳይሳታ፥

ታኒ ጊግስዳይሳታነ ኦꬅዳይሳታ ሀምተ።”

ሀይꬅ ደእሽን ቱልዳ አሳታ ከሳ።

9 ካዎተꬃት ኡባይ እስፈ ሺቆ፤

አሳይ ዱላታ ኡቶ።

ካሰ አꬍዳባታ ኑስ ቆንጭሳናዉ

ዳንዳኤይ ኦኔ?

ኤንቲ ልከ ግደይሳ በሳናዉ ባንታ ማርካታ ኤሆ።

ህንተ ታና ኤራና መላነ አማናና መላ

ታኒ ፆሰ ግደይሳ አኬካና መላ

ታኒ ዶርዳ ታ አይለት ህንተና።

ታፐ ጉየ ሀራ ፆሲ ዴና።

ታፐ አትሽን፥ ሀር አሸይ ባዋ።

ታ ኦꬃናባ አዋጃስ፥ ታ አሻስ።

ሄሳ ኦꬅዳይ ባዋ።

ታ ኩሸፐ ኦንካ አሸና፤

ታ ኦꬅዳባ ላማናዉ ዳንዳኤይ ባዋ”

እስራኤለ ጌሻይ፥ ሀይሳዳ ያጌስ፦

ኦላንቾታ ኪታና።

ማርካበታራ በታና መላ ኦꬃና።

እስራኤለ መꬍዳ ህንተ ካዋ” ያጌስ።

ዎልቃማ ሃꬃታ ግዶራ ሆሮጋ

ከስዳ ጎዳይ ሀይሳዳ ያጌስ።

ኦላንቾታነ ምኖ አሳታ አባን ኤህድ፥

ኤንቲ ደንዶና መላ የግዳይ፥

ኤንታ ሙቃዳ ታማዳ ቶይስዳ።

“ካሰባታ ሃሳዮፕተ፤

በንባታ ቆፖፍተ።

እካ ሀእ ዶላና።

ታኒ መላ ቢታን ኦገ፥

መላ ቢታን ሻፋታ ከሳና።

መላ ቢታን ሃꬃ ሻፋታ እማስ።

ታና ቦንቻና።

ታ ጋላታ አዋጃና ማላ ታ ሀይሳ ኦꬃስ።

ኔኒ ታ ሱንꬃ ፄጋባካ፤

ነኖ እስራኤለ፥ ኔኒ ታና ሳለታዳሳ።

ሀራ ያርሾንካ ታና ቦንቻባካ።

እፃነ ታዉ ጩይሶ ጋዳ ዳቡርሳብከ።

ነ ሞꬎ ያርሾን ታና ኡፋይሳባካ።

ነ ናቁዋን ታና ዳቡርሳዳሳ።

ነ ናጋራ ዛራዳ ቆፕከ።

ኔኒ ፅሎ ግደይሳ ኤርሳናዉ

እስፈ ሺቅድ ሞተቶስ።

ነ አስታማረት ታና ቆህዶሶና።

ያይቆባ ጋዶስ፥ እስራኤለ ጫሻስ

አꬃዳ እማስ።”