1 ህንተኖ፥ እስራኤለ አሳዉ፥ ጎዳይ ኦድያ ቃላ ስእተ! 2 ጎዳይ ሀይሳዳ ያጌስ፦ “ሀራ ካዎተꬃታ ኦግያ ታማሮፕተ። ኤንቲ ሳሎ ቦላ ማላታ በእድ ዳጋምኮካ፥ ህንተ ዳጋሞፕተ። 3 ኤንታ ዎጋይ ሀዳ፤ ኤንቲ ዎራፐ ምꬅ ቃንፆሶና፤ ማሰይስ ካልታን ማሴስ። 4 ኤንቲ ብራንነ ዎርቃን አሌቅሶሶና፤ ቃፆናዳ ምስማረን ꬍሽድ ኦይꬆሶና። 5 ኤንታ ኤቃት ሌሄ ግዶን ካፎ ዳጋንꬃናዉ ኤስያ ማላ መላ። ኤንቲ ኦደቶኮና፤ ኤንቲ ሄመታናዉ ዳንዳኦና ግሾ አሳይ ኤንታ ቶኮሶና። ኤንታስ ኩምꬅ ያዮፍተ። ኤንቲ ቆሀናዉካ ማዳናዉካ ዳንዳኦና ግሾ ኤንታዉ ያዮፍተ” ያጌስ ጎዳይ።

6 አቤት ጎዳዉ፥ ነ ማል ኦንካ ባዋ። ኔኒ ግታ፤ ነ ሱንꬃይካ ግታነ ዎልቃማ። 7 አቤት ካዎተꬃታ ካዋዉ፥ ነና ቦንቾናይ ኦኔ? ጭንጫ አሳ ግዶንነ ኤንታ ካዎተꬃ ግዶን ነ መል ባይና ግሾ ነዉ ቦንቾ በሴስ። 8 ኤንቲ ኤያነ ኤር ꬋይዳይሳታ፤ ኤንቲ ምꬃፈ ማስዳ፥ ፓꬆና ኤቃታፐ አይ ታማሮና? 9 ሄ ኤቃት ታርሰሳ ብራንነ አፌዛ ዎርቃን አሌቀትዶሶና። ኤንቲ ኡባይ ኩሸ ሂላንቾታን ኦሰትዳ ዎይነነ ካሎሰ ዳንያ ማኡዋን ካመትዶሶና። 10 ሽን ጎዳይ ቱማ ፆሳ፤ እ ደኦ ፆሳነ መርና ካዋ። እያ ሀንቁዋን ቢታይ ቃፄስ፤ ካዎተꬃት እያ ይሉዋ ዳንዳኦኮና።

11 “ሀይሳቲ ሳሎነ ሳአ መꬍቦና ፆሳት ሳአፐነ ሳሎፐ ꬋያና” ያጋዳ ኔኒ ኤንታዉ ኦዳ።

17 ህንተኖ፥ ሞርከይ ተቅዳይሳቶ፥ ቢታፈ ከያናዉ ህንተዉ ደእያባ ሺሽተ። 18 “ታኒ፥ ሀ ዎድያን፥ ሀ ቢታን ደእያ አሳ ከሳዳ ያምባራና። ኤንታ ቆሆይ ኤረታና ጋካናዉ ኤንታ ቦላ ኢታባ ኤሀና” ያጌስ ጎዳይ።

19 ታ ማዱንፃስ! ታ ማዱንꬃይ ፓፀና። ሽን ታኒ፥ “ሀይስ ታ ሀርገ፤ ታ ዳንዳአናዉ በሴስ” ያጋስ።

20 ታ ዱንካነይ ላለትስ፤ እያ ዎዶሮ ኡባይ ዱፀረትስ። ታ ናይት ኡባይ ታፐ ሻከትድ ብዶሶና፤ ኤንቲ ባዋ። ታ ዱንካንያ ዛሪድ ቶካናዉ ዎይኮ ታ ማጋራጁዋ ካቃናዉ እስ አስካ አትቤና።

21 ሄንꬃንቾት ኤይዶሶና፤ ኤንቲ ጎዳ ኦይችቦኮና። ሄሳ ግሾ፥ ኤንታዉ እንጀቶና እፅስ፤ ኤንታ ዉደ ኡባይ ላለትስ። 22 ኦራꬃ ኦድ ይስ፤ ስእተ። ፑደሀ ባጋን ደእያ ካዎተꬃን ግታ ድርጎይ መትስ። እያ ኦላንቾት ይድ፥ ይሁዳ ካታማታ ባይሳነ ዎርካናት ጉፕያ በሲ ከሳና።

23 አቤት ጎዳዉ፥ አሳ ደኦይ እያዉ ቡዞ ግዶናይሳነ ባ ኦግያ ሱርሳናዉ እያ ሸነ ግዶናይሳ ታ ኤራይስ። 24 አቤት ጎዳዉ፥ ታና ሴራ፤ ሽን ልከራ ግዶ። ታ ꬋዮና መላ ነ ሀንቁዋን ታ ቦላ ዮፓ። 25 ነ ሸንያ፥ ነና ኤሮና ካዎተꬃታ ቦላነ ነ ሱንꬃ ፄጎና አሳ ቦላ ጉሳ። ኤንቲ ያይቆባ አሳ ምዶሶና፤ ኤንታ ምትዶሶና፤ ኤንታ ቢታ ꬋይስዶሶና።