ዎይኮ ሄሳ ኦድዳ ኡራይ ቱማ ግዳናዉ ዳንዳኢ?

ነ ቀልቅስያ ዎደ ነና ሴርያ አስ ባዌ?

ታኒ ፆሳ ስንꬃን ጌሽ’ ” ጋሳ።

ባ ዶና ዶይድ ኦደትያኮ አይበ!

ፆሳይ ነዉ ጭንጫተꬃ ፁራ ቆንጭስያኮ አይበ!

በሰይሳፈ ጉꬃ ግደይሳ ኤራናሽን።

ዎይኮ ኡባ ዳንዳእያ ፆሳባ ፕልጋዳ ጋካናዉ ዳንዳአይ?

ኤንቲ ስኦለፐካ አꬍዳ ጪሞ፤ ነ ኤራናዉ ዳንዳአካ።

አባፈካ አꬍድ ጪሞቴስ።

ፕርዳ ኬꬅ ሺሽኮ፥ እያ ድጋናይ ኦኔ?

ኢታባ በእያ ዎደ ስእ ግድ አገና።

ዎራ ሀረይ አሰ ግድድ የለታናይስ ማታ።

ነ ኩሽያ እያኮ ምጭኮ፥

14 ናጋራ ነ ኩሸፐ ሃስኮ፥

ነ ኬꬃን ኢታባይ ዶና መላ ኦꬅኮ፥

ያሽ ባይና ምናዳ ኤቃና።

ጎግድ አꬍዳ ድኦዳ ዛራ ሀሳያካ።

ነ ደኡዋ ꬉማይ ዎንታ ፃልቀዳ ፖአና።

ፆሳይ ነና ናግያ ግሾ ዎፑ ጋዳ ዳና።

ዳሮ አሳይ ነናን ናሸታናዉ ኮያና።

እያፐ ባቃትድ አታናዉ ዳንዳኦኮና፤

ኤንታ ኡፋይሳይ ሀይቆ” ያግስ።