ታ ሀይꬃይ ስእድ አኬክስ።

ታኒ ህንተፈ ጉፅከ።

ታኒ ታ መቱዋባ እያራ ሞተታናዉ አሞታይስ።

ህንተ ኡባይካ ፓꬆና አክመታ።

ጭንጫ ግድ በንታናሽን!

ታ ዶናፐ ከያ ፓላማ ሀይዝተ።

እያ ግሾ ግድ ጭሞን ኦደቴቲ?

ዎይኮ እያዉ ፃባቃ ኤቅድ ሞተተቲ?

ህንተ አሰ ጭመይሳዳ እያ ጭማናዉ ዳንዳኤቲ?

እ ቱማ ህንተና ሴራና።

እያ ቴማይ ህንተና ያሸኔ?

ህንተ ሞቶይ ቢታፈ መትዳ ጎንዳለ መላ።

ህዛፐ ሀንዳባይ ሀኖ።

ታ ደኡዋ አይስ ታ ኩሸን ኦይክያና?

ታኒ ታ መቱዋ እያ ስን ሺሻና።

ኦን ኤር ታ ፃላተꬃይ አቶተꬃስ ጋሶ ግዳናዉ ዳንዳኤስ።

ታ ኦዳይ ህንተ ሀይꬃን ገሎ።

እ ታዉ ፕርዳናይሳ ኤራይስ።

ደእኮ ታኒ ስእ ጋዳ ሀይቃና።

ያትኮ ታ ነ ስንꬃፈ ጌምከ።

ታና ዳጋንይሳ አጋ።

ዎይኮ ታ ኦዳና፥ ነ ታዉ ዛራ።

አነ ታ ናቁዋነ ታ ናጋራ ታና በሳ።

ነ ሞርከዳ አይስ ታና ታይባይ?

መልዳ ፑኑዋ አይስ የደꬃይ?

ታ ናአተꬃ ባላካ አጋባካ።

ታ ታንጉዋ ኡባ ዎቻሳ፤

ታ ቶሆይ የꬍያሱዋ ካላሳ።

ብል ምዳ አፍላዳ ዉራይስ።