እካ ቃስ መቶን ኩምስ።

ኩያዳ ጋምኦና ኤሶን አꬌስ።

ፕርዳስ ነ ስን ሺሻዬ?

ኦንካ ባዋ።

እ ዳና አጌና ኔኒ ታይባ ዎꬃዳሳ፤

ኔኒ ዎꬅዳ ዛዋፐ አይ ኦንካ ባዋ።

እ ሸምፓና መላ ነ አይፍያ እያፐ ደንꬃዳ እያ አጋጋ።

ዛሪድ አጬስ፤

ኦራꬃ ታሸ ከስድ ድጬስ።

ዱሩማይ ቢታን ዎቅኮካ፥

9 ሃ ደምድ አጬስ፤

ኦራꬃ ዶላዳ ታሸ ከሴስ።

እያ ሸምፖይ ከያፐ ጉየ እ አዉን ደኢ?

ሻፋ ሃꬅ ዉረይሳዳ፥

12 ሄሳዳ አስካ ሀይቄስ፤ ስሚድ ደንደና፤

ሳሎት አꬋና ጋካናዉ አስ ባርከና፤

ባ ꬍስኩዋፈካ ደንደና።

ነ ሀንቆይ አꬋና ጋካናዉ ቆትዳኮ አይበ!

ነ ታዉ ቃሚዳ ሄ ጋላስ ታና ሀሳይዳኮ አይበ!

ታ ሸምፕያ ዎደይ ያና ጋካናዉ፥

ሀ መቶ ዎደ ኡባ ዳንዳአን ናጋና።

ነ መꬍዳ ታና በአናዉ ላሞትያ ዎደይ ያና።

ሽን ታ ናጋራ ካላካ።

ታ ናጋራ ኔኒ ካማና።

ዛል ꬎቃለተይሳዳ፥

19 ሃꬅ ሹቻ ፃጶ ቦከይሳዳ፥

ድኦይ ቢታ ሜጭድ ኤፈይሳዳ፥

ኔኒ አሳ ኡፋይስ ꬋይሳሳ።

እያ ማላ ላማዳ ነ ስንꬃፈ ድጋሳ።

ኤንቲ ካዉይኮ እ በኤና።

እ ባ ፃላላስ ዬኬስ” ያግስ።