ዎይኮ ዶሎሀ ባጋ ጫርኩዋን ባ ኡሉዋ ጮ ኩንꬂ?

ዎይኮ ጋተይ ባይና ኦዳን ሞተቲ?

ሀራት ፆሳ ጎይኖና መላ ꬉባዳሳ።

ሽን ነ ጭንጫ ኦዳይ ነና ገንꬄስ።

ነ እንፃርሳይ ነ ቦላ ማርካቴስ።

ኔኒ ደረት መታናፐ ካሰ የለታዲ?

አሳ ጭንጫተꬅ ነ ፃላላስ ደእዬ?

ኑስ ጌምዳ ነዉ ቆንጭዳ አይባ ጭንጫተꬅ ደኢ?

ጭምድ ፑሉምዳ አሳት ኑራ ደኦሶና።

ኑኒ ካሃማተꬃባ ኦድዳ ቃላይ ጉዬ?

ነ አይፈይ አይስ ደሬቅድ ፄሊ?

ኢታ ቃላ ነ ዶናፐ ከሳዳሳ።

ዎይኮ ማጫፈ የለትዳ አስ ፅሎ ግዳናዉ ዳንዳኢ?

ሀር አቶሽን ሳሎት እያ ስንꬃን ጌሽ ግዶኮና።

ናጋራ ሃꬃዳ ኡያ አስ ዋንድ አማነታኔ?

ታኒ በእዳባ ኡባ ነዉ ኦዳና።

ታ ነዉ ገንꬆና ኦዳና።

ሀራ ቢታ አስ ኤንታራ ዋላከትቤና።

ባ ደኦ ላይꬃ ኡባን ዋየትሸ ደኤስ።

እ ሳሮ ደአይስ ግሽን ꬋይሰይሳት እያ ቦላ ከያና።

እያ ቃዳይ ማሻን ꬋዮ።

ባዉ ꬉማ ጋላስ ማታትዳይሳ እ ኤሬስ።

ኦላናዉ ከይዳ ካዎ መላ እያ ቦላ ጎባና።

ኡባ ዳንዳእያ ፆሳ ቦላ ፃልዳ ግሾሳ።

ኦቶሮን ፆሳኮ ሆርዶፌስ።

እያ ፄሳይ ኩምዳ ግሾ፥

28 እ ላለትዳ ካታማታን፥

ካይሳ ኬꬃንነ፥

ኩንዳናዉ ጋክዳ ኬꬃን ደኤስ።

እያ ዛዋይ አከና።

ታሽያ ታም ላብዳ ምꬃዳነ

ጫርኮይ ጪሻ ቆቆፍዳ ምꬃዳ ግዳና።

እያፐ አይኮካ ደሞና አታና።

ታሸይካ አጮና ምꬃ መላ ግዳና።

ጪሻን ደእሸ ቆቆፈትያ ሻማሆ መላ።

ዎꬋፈን ኬፀትዳ ኬꬃይ ታማን ሜተታና።

ኤንታ ኡሉዋን ገነይ ኩምስ” ያግስ።