ታ ደኡዋ ጫሞ ኦꬅዳ፥

ኡባ ዳንዳእያ ፆሳን ታኒ ጫቃይስ።

ታ ሲይ ሸምፕሽን

4 ታ ዶናይ ዎርዶ ኦደተና፤

ታ እንፃርሳይ ጭሞ ኦደተና።

ሀይቃና ጋካናዉ ታ ታና ሱረ ገይሳ አግከ።

ታ ደእዳ ላይꬃ ኡባን ታ ካሀይ ታና ሞተና።

ታራ ኤቀተይሳት ባላ ግዶ።

ኤንታ ላይꬃ ቃምስያ ዎደ፥

ኢታታስ ደእያ ኡፋይሳይ አይቤ?

ፆሳይ ኤንታ ዋሱዋ ስኢ?

ኤንቲ ኡባ ዎደ ፆሳ ፄጋኔ?

ኡባ ዳንዳእያ ፆሳ ቆፋ ታ ህንተፈ ቆትከ።

ያትን፥ ሀይሳ መላ ጮ ሃሳያ አይስ ኦደቴቲ?

ኡባ ዳንዳእያ ፆሳፈ ኤክያ ዎይቶይ ሀይሳ።

ኤንታ ኮቻይ ምያባ ꬋይድ ኮሻታና።

ኤንታ አምኤት ኤንታዉ ዬኮኮና።

ማኦ ኡርቃዳ ሺሽድ ዶርኮካ፥

17 ኤንታ ብራ ፅሎ አሳት ሻክ ኤካና፤

ኤንታ ማኡዋ ጌሻት ማአና።

ጋባ መላ ላለታና።

ሽን ኤንቲ ꬍስኮፈ ባርክያ ዎደ አይኮይካ ባዋ።

ቃማ ጎተይ ኤንታ ደንꬅድ ኤፋና።

ቃይ ባይና ኤንታ ቦላ ዎꬋና።

ባ ሱይቀꬃን ኤንታ ሱግ የዳና።