ኤንቲ ታ ዶርሳ ዉድያ ሄምያ ካናታራ ፔኦና መላ

ታኒ ድግዳ አዋታ ናይታ።

ግልቃታ ግድያ ግሾ ታና አይኮካ ማድቦኮና።

ቢታ ባዞ ብድ ፃጶ ጮሞሶና።

ማልኦና ሳንካራ ፃጶ ምዶሶና።

ኤንታና አሳ ግዶፈ ጎድዶሶና።

ዛላ ቆጶን ደእዶሶና።

አጉንꬃ ግዶን ሺቅድ እስፈ ደእዶሶና።

ሱንꬅ ባይና ኤያታ ግድድ ደእዶሶና።

ታኒ ኤንታ ግዶን ሀይሰስ አታስ።

ዬላቶና ታ ሶምኦን ጩቶሶና።

ኤንቲ ታና ቆሀናዉ የዳ ፓራ ግድዶሶና።

ታ ቶሁዋስ ፅሄ ዎꬅዶሶና፤

ኤንቲ ታና ꬋይሳናዉ ተቅዶሶና።

ኤንቲ ሄሳ ኦꬆና መላ ተቅያ ኦንካ ባዋ።

ኤንቲ ታ ቦላ ይዶሶና።

ታ ቦንቾይ ጫርኮይ ኤፍያዳ ብስ፤

ታ ሳሮ ዱሳይ ሻራዳ ꬋይስ።

መቶይ ታና ጩጩምድ ኦይክስ።

17 ቃማ ቃማ ሳሆይ ታ መቀꬃ ጮሜስ፤

ሴላይ ታዉ ሸምፖ እመና።

ቆ ኦይክያ ማኦዳ ታና ጩልስ።

ታኒ ባናነ ብድን ግዳስ።

ሽን ኔኒ ታና አላባካ።

ሽን ኔኒ ታ ዎሳ ስአባካ።

ነ ግታ ዎልቃን ታና የደꬃሳ።

ጎተን ታና ሀርቃዳሳ።

ሀይቆስ ነ ታና አꬃ እማናይሳ ኤራይስ።

እያዉ ቃቶና አስ ደኢ?

25 ዋየን ደኤይሳታስ ታ ዬካብክና?

ማንቆታስ ታ ቃታብክና?

ታዉ ሳእ ኬሀና ጋዳ ናግስ ሽን ጋላስ ታዉ ꬉምስ።

ታኒ ዎፓ ደማብከ፤

ኡንአ ቃም ታ ቦላ ጋክስ።

ታኒ ደርያ ሺቁዋን ኤቃዳ ማደ ኮያይስ።

ዲድንꬃስ ላገ ግዳስ።

ታ አሳተꬃይ ምሻን ፁገቴስ።

ሀእ ታ ዘለልሳስ ግድስ።