ፆሳይ በን ታና ናግዳ ዎድያꬆ ግዴረነ!

እያ ፖኡዋን ꬉማ ካንꬃዳ ባይስ።

ታኒ ታ ናአተꬃ ዎልቃራ ደእዳ ዎደ።

ታ ናይት ታ ዩሾን ደኦሶና።

ሹቻ ቢታን ቶከትዳ ሻማሆይ፥

ሻፋ ሃꬃዳ ጎግያ ዛይተ እሜስ።

ሻንጎታራ እስፈ ኡታይስ።

ጭማት ታና ቦንቻናዉ ደንድ ኤቅዶሶና።

ባንታ ኩሽያ ባንታ ዶና ቦላ ዎꬅዶሶና።

ኤንታ እንፃርሳይ ኤንታ ኮቶኑዋ ባቅድ ኦይክስ።

ታና በእዳ ኡባይ ቦንቼስ።

ታኒ ማንቆታ ዋሱዋ ስአዳ አሽዳ ግሾነ፥

ይኦ ናይታ ማድዳ ግሾሳ።

አምኤት ታ ማዱዋን ኡፋይትዶሶና።

ሱረ ፕርዳ አፍላዳ ማአስ፤

ባርኔፃዳ ዎꬃስ።

ዎበታስ ቶሆ ግዳስ።

ኦገ አሳስ ፃባቃ ግዳስ።

ኤንቲ ቦንቅዳይሳ ኤንታ ዶናፐ የግሳስ።

ታ ሶን ቦንቾን ሀይቃና” ጋዳ ቆፓስ።

ታሽያ ቦላ አክ ኩምዳ ምꬃ መላሽን!

ታ ዎልቃይ ኡባ ዎደ ኦራꬅሽን!

ታ ዞርያ ኡፋይሳን ኤኮሶና።

ታ ኦዳ ስምን ታፐ ጉየራ ኦድያ አስ ባዋ።

ኤንቲ ታ ሃሳያ ስአናዉ ሀካንክድ ናጎሶና።

ታ ሚቻይ ኤንታ ምንꬄስ።

ባ ኦላንቾታ ግዶን ደእያ ካዎዳ ታ ኤንታ ግዶን ደአስ፤

ኤንቲ አዛንያ ዎደ ምንꬃስ።