ባ በሳን ቃፄስ።

ዳዳዳ ጉምያ እያ ግርሳ ሀይዝተ።

ቢታ ጋፃፐ ጋፃ ጋካናዉ ኪቴስ።

ባ ያሽያ ግርሳ ስሴስ።

ባ ዎልአንꬃ ተቀና።

ኑኒ አኬካናዉ ዳንዳኦና ግታባ እ ኦꬄስ።

ዎልቃማ እራኮ፥ ‘ቡካ’ ያግድ ኪቴስ።

አሳይ ባንታ ኦሱዋ አጋና መላ ኦꬄስ።

ባንታ ጎንጎሉዋን ቆሰቶሶና።

እርፃ ጫርኮይ ፑደሀፐ ዬስ።

ዳልጋ ሃꬃታ ሹቻዳ ምንꬄስ።

ባ ዎልአንꬃ ሻራ ግዶን ላሌስ።

እ ኪትያ ኪታ ኡባ ፖሎሶና።

ዎይኮ አሳ ሴራናሳ፥ ዎይኮ ባ ሲቁዋ በሳናሳ።

ፆሳይ ኦꬅያ ማላልስያ ኦሱዋ ታክ ጋዳ አኬካ።

ባ ዎልአንꬃ ዋትድ ዎልአምስያኮ ኤራይ?

ኤራን ፖሎ ግድዳ ፆሳይ

ኦꬅያ ማላልስያ ኦሱዋ ኔኒ ኤራይ?

ኔኒ ዎልቃማ ባዞ ሴላን ትልአና።

ኔኒ እያ ማዳናዉ ዳንዳአይ?

ፆሳስ ዎይግድ ኦደታነኮ ነ ኑና ታማርሳ።

ታና ꬋይሳና መላ ታ አይስ እያ ደንꬃኔ?

ሳሎን ጶልያ አዋ ኦንካ በአናዉ ዳንዳኤና።

ፆሳይ ያሽያ ቴማን ቆንጬስ።

እያ ዎልቃይ ግታ።

አሰ ቆሄና።

ባንታና ጭንጫ ገይሳታ እ ካꬌስ” ያግስ።