ናብያ እዩኤላ ቆንጨꬃይ ሴራፐ ፆሳኮ ስሞባነ ማሮተꬅ ደምድ፥ ፆሳን ኦራፆባ ኦዴስ። ናበይ እዩኤል ዳሮ ቦለይ ሻር ሳሎ ካምዳ መላ ኩምድ የይሳነ ቢታ ኡባ ምድ ꬋይሰይሳ በእስ። እዩኤል ቱማ ኦላንቾት ይድ እስራኤለ ካዎተꬃ ኦልድ ꬋይሳናይሳ በእስ። ግዶሽን፥ አሳይ ፆሳኮ ስምኮ፥ እ ኤንታ ማራናዉነ ዛሪድ አንጃናዉ ቃላ ገልስ።

ቢታይ ፁገትዳ ግሾ ካህነት አዛኖሶና፤ ሀር አቶሽን ቢታይ ባ ሁጰን ዬኬስ። ጎዳ ፕርዳ ጋላስ ማትዳይሳ እዩኤል በእስ። ሽን፥ ሀእካ አሳይ ባንታ ኢታ ኦግያፐ ጎዳኮ ስምኮ፥ ጎዳይ ኤንታ ዛሪድ አንጃናይሳ እዩኤል ኦድስ።

እዩኤል ሀናና ግድ ኦድዳባፐ ቆንጭድ በንተይ ኡፋይሳ ቃላ። ፆሳይ ባ አደ ናይታ ቦላነ ባ ማጫ ናይታ ቦላ፥ ያላጋታ ቦላነ ጭማታ ቦላ፥ ባ አሳ ኡባ ቦላ ባ አያና ጉሳናዉ ቃላ ገልስ (2:28-32)። ሀ ኡፋይሳ ቃላይ ሀዋረታ ኦሶ ማፃፋን፥ ጳንፀቆስፀ ጋላስ፥ ቱማ ግድዳይሳ ጰፅሮስ ኦድስ (2:16-21)።