ጌሻ ዎርቃይ ዋንድ ዳምዴ? ፆሳ ኬꬃይ ግምበትዳ ሹቻይ ኦገ ዶናን ላለትስ።

ሀእ ቢታፈ መትዳ ኦቶ ግድዶሶና።

ሽን ታ አሳይ ባዞን ደእያ ያንቾዳ፥ ባ ናይታስ ኢታ ግድስ።

ናይት ካꬅ ዎሶሶና፤

ሽን ኤንታዉ እምያ ኦንካ ባዋ።

ሀእ ኦገ ዶናን ኮሻን ዉርዶሶና።

ሀእ ብዶ ቦላ ዝንእዶሶና።

ኦደ ኩሸይካ እዮ ቦቾና፥

ቆፖና ሽረትድ ዎꬍዳ ሶዶመ አሳ ናጋራፐ ዳሮ።

ማꬃፈ አꬍዳ ቦꬁ።

ኤንታ መꬎይ ሳንፓረ አልኦ ሹቻ መላ።

አስ ኦገን ኤንታ በእድ ኤረና፤

ኤንታ ጎጋይ መቀꬃራ ኦይከትድ ምꬃዳ መልስ።

ኦላን ሀይቅዳይሳት ሎኦ።

ቃትያ አየት ባንታ ናይታ ዶይስድ ምዶሶና።

የሩሳላመ ባሱዋ ታማ ኦይꬅስ።

ሞርከይ የሩሳላመ ፐንግያራ ገላና ግድ አማንበና።

ፅሎታ ሱꬃ እያ ግዶን ጉስዳ ግሾሳ።

ኤንቲ ሱꬃን ቱንዳ ግሾ

ኤንታ ማኡዋ ኦንካ ቦቻናዉ ኮየና።

ኑና ቦቾፍተ!” ያግድ ኤንታ ቦላ ዋስዶሶና።

ካዎተꬃታን ደእያ አሳይ፥

“ህንተ ኑራ ሀይሳን ዳናዉ ዳንዳኤከታ” ያግዶሶና።

ኤንታ ካህነት ቦንቸቶኮና፤

ኤንታ ጭማት ናሸቶኮና።

ኑና አሻናዉ ዳንዳኦና

ካዎተꬃታፐ ማዶ ናግዳ።

ኑ ካታማ ኦገራ ሄመታናዉ ዳንዳእቦኮ።

ኑስ ꬋዮ ዎደይካ ጋክስ።

ኤንቲ ኑና ደረ ሁጰራ የደꬅዶሶና፤

ባዞን ሆክድ ኑና ናግዶሶና።

ኤንታ ፅህያን ኦይከትስ።

ካዎተꬃታ ግዶን ዳና ግድ ቆፕዳ።

ኡፋይትተ፤ ሀሹ ጊተ።

ህንተ ማꬆትድ ካሎ አታና።

እ ህዛፐ ህንተና ድኦ ቢታን ዎና።

ህንተ ናጋራይካ ቆንጫና።