1 ካዎይ ፅባርዮስ ሮመ ቢታን ካዎትን፥ ታማነ እቻሻንꬆ ላይꬃን፥ ጰንፀ ጵላፆስ ይሁዳ ሃርያ ዎደ፥ ሄሮዲስ ጋልላ ሃርያ ዎደ፥ እያ እሻ ፍልጶስ እፁርያሳነ ፅራኮንዶሳ ሃርያ ዎደ፥ ልሳንዮስ አብላንሳ ሃርያ ዎደ፥ 2 ሃናራነ ቃያፋራ ካህነ ሀላቃ ግድ ደእሽን፥ ፆሳ ቃላይ ዛካርያሳ ናኣ ዮሃንሳኮ መላ ቢታ ይስ። 3 ዮሃንስ፥ “ህንተ ናጋራፐ ስምተነ ፃማቀትተ። ፆሳይ ህንተ ናጋራ አቶ ጋና” ያግድ ታማርስሸ ዮርዳኖሰ ሻፋ ሄራን ደእያ ቢታ ኡባ ብስ። 4 ሄስካ ናበይ እሳያስ ባ ማፃፋን፥ እሳ 40:3-5.

7 ዮሃንስ፥ ባ ኩሸን ፃማቀታናዉ ይዳ አሳኮ፥ “ህንተኖ፥ ሾሻ ናይቶ ያናዉ ደእያ ሀንቁዋፈ አታና መላ ህንተና ዞርዳይ ኦኔ?ማቶ 12:34፤ 23:33. 8 ህዛ፥ ህንተ ስሙዋ ቆንጭስያ ሎኦ ኦሶ ኦꬅተ፥ ህንተ ዎዛናን፥ ‘ኑስ፥ ኑ አዋይ አብራሃመይ ደኤስ ግድ ጬቀቶፍተ።’ ሃ ስእተ፥ ሀ ሹቻታፐ ፆሳይ አብራሃመስ ናአ ከሳናዉ ዳንዳኤስ። ዮሀ 8:33. 9 ሄኮ፥ ቤፀይ ምꬃ ፃጶን ደኤስ። ህዛ፥ ሎኦ አይፈ አይፎና ምꬃ ኡባይ ቃንፀትድ ታማን የገታና” ያግስ። ማቶ 7:19.

10 አሳይ፥ “ያትን ኑኒ አይ ኦꬅኖ?” ያግድ ኦይችዶሶና።

11 ዮሃንስ ዛሪድ፥ “ናምኡ አፍል ደእያ አስ ባይናይሳስ እሞ። ካꬅ ደኤይስ ባይናይሳስ እሞ” ያግስ።

12 ቃራፃ ቃንፅሰይሳት ፃማቀታናዉ ይድ፥ “አስታማርያዉ፥ ኑኒ አይ ኦꬅኖ?” ያግዶሶና። ሉቃ 7:29.

13 እ ዛሪድ፥ “ህንተ ቃንፅሳናዉ ኪተቶይሳፈ አꬅድ ኤኮፍተ” ያግስ። 14 ቃስ ዎታዳረት ይድ፥ “ኑኒ አይ ኦꬅኖ” ያግድ ኦይችዶሶና።

ዮሃንስ፥ “ኦደባካ ዎልቃን ዳፍድ ኤኮፍተ፥ ኦናካ ዎርዶን ሞቶፕተ፥ ህንተ ዳሞዘይ ህንተዉ ግዶ፤ ኡፋይትድ ደእተ” ያግስ።

15 አሳይ ክርስቶሳ ናግሸ ደእያ ግሾ፥ ዮሃንሳ፥ “እ ክርስቶሳ ግዳንደሻ?” ግድ ቆፕዶሶና። 16 ዮሃንስ ኡባስ ዛሪድ፥ “ታኒ ህንተና ሃꬃን ፃማቃይስ፥ ሽን ታፐ አꬍድ ዎልቃመይስ ያና። ታኒ እያ ጫማ ዎዶሩዋ ብላናዉ በሶና አስ። እ ህንተና ጌሻ አያናንነ ታማን ፃማቃና። 17 ዉዱማን ደእያ ካꬃ ፖሎ ጌሻናዉ ፕይ እያ ኩሸን ደኤስ። ጌሻ ካꬃ ባ ሻልያን ቆላና፤ ካልያ ꬋዮና ታማን ፁጋና” ያግስ።

18 ቃስ ዮሃንስ አሳ ዳሮ ዞረ ዞርድ ዎንገላ *ዎንገላ፦ ግርከ ዶናን ዎንገላ ጌተትያ ቃላይ ዳሮ ኡፋይስያ ኦዳ ዎይኮ ምሽራቾ ጉሱ። ሄ ምሽራቾይካ ክርስቶስ አሳ ኮቸ ኡባ መርና ፕርዳፈ አሻናዉ ኪተትድ ይዳ ግታ ኡፋይሳ (ሉቃ 1:19፤ 2:10)። ኦድስ።

19 ሽን ዮሃንስ ሄሮዲስ ባ እሻ ማችዉ፥ ሄሮድያዳ፥ ኤክዳ ግሾነ ሀራ ኢታ ኦሶታ ግሾ ሃንቄትዳ ዎደ፥ ማቶ 14:3-4፤ ማር 6:17-18. 20 ሄሮዲስ ካሰይሳ ቦላ ሀራባ ኡባ ጉጅድ ዮሃንሳ ዎይነ ገልስስ።

21 ዮሃንስ ቃሸታናፐ ስን አሳ ኡባ ፃማቅድ ስምን፥ ቃስ የሱሲካ ፃማቀትስ። እ ዎስሽን ሳሎይ ዶየትስ። 22 ጌሻ አያናይ ሆለዳ በንትሸ እያ ቦላ ኡትስ። ሳሎፐ “ታኒ ዶስያ ናአይ ነና፤ ነ ታና ኡፋይሳሳ” ግያ ቃላይ ይስ። መ 22:2፤ ማዝ 2:7፤ እሳ 42:1፤ ማቶ 3:17፤ ማር 1:11፤ ሉቃ 9:35.

23 የሱሲ ታማርሶ ኦይክያ ዎደ እያዉ ሀስታሙ ላይꬅ ግድሽን፥ አሳይ እያ ዮሰፋ ናአ ግድ ቆፕስ።