1 የሱሲ ጌሻ አያናን ኩምድ ዮርዳኖሰ ሻፋፐ ስምዳ መላ አያናይ እያ መላ ብታ ኤፍስ። 2 ያን ኦይታሙ ጋላስነ ቃማ ፃላሄን ፓጨትስ። ሄ ጋላሳታን አይኮካ ሞና ጋምእዳ ግሾ ዉርሰꬃን ኮሻትስ።

3 ፃላሄይ እያኮ፥ “ኔኒ ፆሳ ናአ ግድኮ አነ ሀይስ ሹቻይ ኡይꬁ ግዶ ጋዳ ኪታ” ያግስ።

4 የሱሲ ዛሪድ፥ “አስ ኡይꬃ ፃላላን ዴና ጌተትድ ፃፈትስ” ያግስ። ዛረ 8:3.

5 ሄሳፈ ጉየ፥ ፃላሄይ የሱሳ አዱሳ ደረ ቦላ ከስድ ሀ አላምያ ካዎተꬃታ አይፈ ቅጵ ዛራናዉ በስስ። 6 ፃላሄይ፥ “ሀ ኡባስ ማታይነ ቦንቾይ ታዉ እመትስ። ታኒ ዶስዳ ኦደስካ እምያ ግሾ ነዉ እማና። 7 ሄሳ ግሾ፥ ኔኒ ታዉ ጎይንኮ ኡባይ ነዉ ግዳና” ያግስ።

8 የሱሲ ዛሪድ፥ “ነ ጎዳ፥ ነ ፆሳ፥ እያ ፃላላ ጎይና ጌተትድ ፃፈትስ” ያግስ። ዛረ 6:13.

9 ዉርሰꬃን ፃላሄይ የሱሳ የሩሳላመ ኤፍድ ፆሳ ኬꬃስ ሁጵያ ቦላ ኤስድ፥ “ኔኒ ፆሳ ናአ ግድኮ አነ ዱገ ሳአን ነና የጋ። 10 አይስ ጊኮ፥

12 የሱሲ ዛሪድ፥ “ነ ጎዳ ፆሳ ፓጮፋ ጌተትድ ፃፈትስ” ያግስ። ዛረ 6:16.

13 ፃላሄይ የሱሳ ፓጭያ ዉርስዳፐ ጉየ ሀራ እንጀ ዎደ ደማና ጋካናዉ እያፐ ሻከትስ።

14 የሱሲ አያና ዎልቃን ኩምድ ጋልላ ስምስ። እያ ሱንꬃይ ሄራን ደእያ ቢታ ኡባን ከይስ። 15 እ አይሁደ ዎሳ ኬꬅ ገልድ ታማርስስ፤ አሳ ኡባይ እያ ጋላትዶሶና።

16 ያፐ እ ድጭዳ ካታማ ናዝረተ ይስ። ካሰ ሜዘትዳይሳዳ ሳምባታ ጋላስ አይሁደ ዎሳ ኬꬅ ገልስ። ናባባናዉካ ደንድ ኤቅስ። 17 ናብያ እሳያሳ ማፃፋይ እያዉ እመትን፥ ዶይድ፥ ሀይሳዳ ያግድ ፃፈትዳይሳ ደምስ፦

20 ሄሳፈ ጉየ፥ ማፃፋ ፃፅድ ሀጋዘይሳስ እምድ ታማርሳናዉ ኡትስ። አይሁደ ዎሳ ኬꬃን ደእያ አሳት ኡባይ ጫድ ፄሎሶና። 21 እ፥ “ሀይስ ህንተ ሀይꬃን ህንተ ስእያ ሀ ማፃፋ ቃላይ ሀች ፖለትስ” ያግስ።

22 ኡባይ እያባ ዳርስድ ኦደቶሶና። ቃስ እያ ዶናፐ ከይያ አꬎ ኬሀተꬃን ኩምዳ ቃላን ማላለትሸ፥ “ሀይስ ዮሰፋ ናኣ ግደነዬ?” ያግዶሶና።

23 እ፥ “ ‘ነኖ ꬋለ አዋዉ ነና አሻ፥ ቅፍርናሆማን ነ ኦꬅዳባ ኑ ስኦይሳ ቃስ ሀይሳን ነ ካታማን ኦꬃ’ ግያ ሌምሱዋን ህንተ ታና ጋናይሳስ ስይ ባዋ” ያግስ። 24 ቃስ፥ “ቱማ ኦዳይስ፤ ናበይ ባ የለትዳ ቢታን ቦንቸተና። ዮሀ 4:44.

25 “ታ ህንተዉ ቱማ ኦዳይስ፤ ሳሎይ ሄꬑ ላይꬅነ ባጋ ጎርደትን ምኖ ኮሽ ቢታ ኡባን ደእያ ኤልያሳ ዎደ ዳሮ አምኤት እስራኤለን ደኦሶና። 1 ካዎ 17:1. 26 ኤልያስ ኤንታፈ እስነኮካ ኪተትቤና። ሽን ሳራፕታን ደእያ አምኤኮ ኪተትስ። 1 ካዎ 17:8-16. 27 ናብያ ኤልሳ ዎደ እስራኤለን ዳሮ ባሮ ሀርጋንቾት ደኦሶና። ሽን ሶረ ኡራ ንእማነፐ አትሽን፥ ኦንካ ፓፅቤና” ያግስ። 2 ካዎ 5:1-14.

28 አይሁደ ዎሳ ኬꬃን ደእያ አሳ ኡባይ ሄሳ ስእዳ ዎደ ዳሮ ይሎትዶሶና። 29 ባንታ ኡትዳ በሳፈ ደንድድ ደረ ቦላ ኬፀትዳ ካታማፐ ጋፃ ከስድ ሱግ የዳናዉ አፎ ዶና ኤፍዶሶና። 30 ሽን እ ኤንታ ግዶራ ካንꬅድ አꬍስ።

31 ያፐ ጋልላ ቢታን ደእያ ቅፍርናሆማ ካታማ ብስ። ያን ሳምባታ ጋላስ አሳ ታማርስስ። 32 እ ታማርሰይ ማታራ ግድያ ግሾ ኡባይ እያ ትምርትያን ማላለትዶሶና። ማቶ 7:28-29፤ ማዝ 91:11-12.

33 አይሁደ ዎሳ ኬꬃን ቱና አያናይ ኦይክዳ ኡራይ ደኤስ። 34 እ፥ “ናዝረተ የሱሳ ኑና አይስ ዋይሳይ ኑፐ ሃካ፤ ኔኒ ይዳይ ኑና ꬋይሳናሰዬ? ኔኒ ኦነኮ ታኒ ኤራይስ። ኔኒ ፆሳፈ ይዳ ጌሻ” ያግድ ዋስስ።

35 የሱሲ ቱና አያናኮ፥ “ስእ ጋዳ ሀ ኡራፐ ከያ” ያግድ ሀንቅስ። ቱና አያናይ ኡራ አሳ ኡባ ስንꬃን ሆል የግድ አይኮካ ቆሆና የድድ ከይስ።

36 አሳ ኡባይ ማላለትዶሶና። ዎልኮ፥ “ሀኖስ፥ ሀይስ አይብ ትምርቴ? ቱና አያናታ ማታንነ ዎልቃን ኪቴስ፤ ኤንትካ ከዮሶና” ያግዶሶና። 37 እያ ሱንꬃይ ሄራ ኡባን ከይስ።

38 ሄሳፈ ጉየ፥ የሱሲ አይሁደ ዎሳ ኬꬃፈ ከይድ ስሞና ሶ ገልስ። ስሞና ማቸ አይያ ምኖ ቆፆ ምሻ ሀርገን ሳከታሱ። እዮ ፓꬃና መላ የሱሳ ዎስዶሶና። 39 እ ሂፃኮ ሺቅ ሆክድ እ ሀርግያ ሀንቅስ። ምሻይ አግን ኤለሳ ደንዳዳ ኤንታ ሞካሱ።

40 አዋይ ዉላና ሀንሽን ዱማ ዱማ ሀርግያን ኦይከትዳ አሳ እያኮ ኤህዶሶና። እ እሱዋ እሱዋ ቦላ ባ ኩሽያ ዎꬅድ ፓꬅስ። 41 ቱና አያናት ቃስ፥ “ኔኒ፥ ፆሳ ናኣ” ግድ ዋስሸ ዳሮ አሳፐ ከይዶሶና። ሽን እ ኤንታና ሀንቅስ። እ ክርስቶሳ ግደይሳ ኤንቲ ኤርያ ግሾ፥ እስባካ ኦደቶና መላ ድግስ።

42 ቡሮ ዎንትያ ዎደ የሱሲ እስ ጌማ በሲ ብስ። አሳይ ኮይሸ እ ደእያ በሳ ይዶሶና። ኤንታፈ እ ሻከትድ ቦና መላ ድጋናዉ ኮይዶሶና። 43 ሽን እ፥ “ታኒ ሀራ ካታማታ ባዳ ፆሳ ካዎተꬃ ዎንገላ ማርካታናዉ በሴስ። ታ ኪተትዳይ ሄሳሳ” ያግስ። 44 ይሁዳ ቢታን ደእያ አይሁደ ዎሳ ኬꬃን ሳባክስ።