5
ኮይሮ ታማረታ ፄገꬃ
(ማቶ 4:18-22፤ ማር 1:16-20)
1 እስ ጋላስ የሱሲ ገንሳሬፀ አባ ማታን ኤቅዳሽን ዳሮ አሳይ እያ ዩሹዋ ኡንኤꬅድ፥ እ ታማርስያ ፆሳ ቃላ ስኦሶና። ማቶ 13:1-2፤ ማር 3:9-10፤ 4:1. 2 ያን ሃꬃ ጋፃን ደእያ ናምኡ ዎጎሎታ በእስ። ሞሎ ኦይክያ አሳት ዎጎሎታፐ ዎꬍድ ባንታ ግትያ ሜጮሶና። 3 ሄ ዎጎሎታፐ ስሞናይሳን ገልድ ቢታፈ ጉꬅ ግዶ ሺሻና መላ ኦይችስ። ያትድ፥ ሄ ዎጎሉዋ ቦላ ኡትድ አሳ ታማርስስ።
4 ባ ትምርትያ ኦንግዳፐ ጉየ ስሞናኮ፥ “ገደ ጪሙዋኮ ሺሻዳ ሞሉዋ ኦይካናዉ ህንተ ግትያ የግተ” ያግስ።
5 ስሞን ዛሪድ፥ “አስታማርያዉ፥ ቃማ ኩመꬅ ዳቡርሸ አቅድ አይኮካ ኦይክቦኮ፥ ሽን ነ ጊኮ ግትያ የጋና” ያግስ። ዮሀ 21:3.
6 ኤንቲ ግትያ የግዳ ዎደ ግተይ ዳከታና ጋካናዉ ዳሮ ሞሎ ኦይክዶሶና። ዮሀ 21:6. 7 ሀራ ዎጎሎን ደእያ ባንታ ላገት ይድ፥ ባንታና ማዳና መላ ዉትድ ፄግዶሶና። ኤንቲ ይድ ናምኡ ዎጎሎት፥ ሃꬃን ምተታና ጋካናዉ ሞሎን ኩንꬅዶሶና።
8 ስሞን ጰፅሮስ ሄሳ በእዳ ዎደ፥ የሱሳ ስንꬃን ኩንድድ፥ “ጎዳዉ፥ ታኒ ናጋራንቾ አስ ግድያ ግሾ፥ ታፐ ሻከታ” ያግስ። 9 እ ሄሳ ግዳይ፥ እነ እያራ ደኤይሳት ኦይክዳ ሞሉዋ ዳሮተꬃን ማላለትዳ ግሾሳ። 10 ቃስ ስሞና ላገ ግድዳ ዛብድዮሳ ናይት ያይቆባራነ ዮሃንሳራ ማላለትዶሶና። የሱሲ ስሞናኮ፥ “ባቦፋ! ህዛፐ ኔኒ አሰ ኦይክያ አስ ግዳና” ያግስ። 11 ኤንቲ ዎጎሎታ ጋፃ ሺሽዳፐ ጉየ ኡባ አግድ የሱሳ ካልዶሶና።
ባሮ ሀርጋንቾይ ፓፅስ
(ማቶ 8:1-4፤ ማር 1:40-45)
12 የሱሲ ካታማታፐ እሱዋን ደእሽን እስ ባሮ ሀርገን *ባሮ ሀርገ፦ ባሮ ሀርገይ አሳ ጋልባ ቦላ ከይያ ሀርገ። እስራኤለ ቢታን ባሮ ሀርጋንቾት ሀራ አሳፐ ዱማትድ ደኦሶናፐ አትሽን፥ አሳራ ጋሄቶኮና። ኦይከትዳ አስ ሄ ካታማን ደኤስ። ሄ ኡራይ የሱሳ በእድ እያ ስንꬃን ጉፋንድ፥ “ጎዳዉ፥ ነ ሸነ ግድኮ ታና ጌሻናዉ ዳንዳኣሳ” ግድ ዎስስ።
13 የሱሲ ባ ኩሽያ የድ ቦችድ፥ “ኤ፥ ታ ሸነ፤ ጌይያ” ያግስ። ኢራ ባሮ ሀርገይ ኡራፐ ክችስ።
14 የሱሲ፥ “ሀይሳ ኦደስካ ኦዶፓ፥ ሽን ባዳ ነናተꬃ አይሁደ ካህነ በሳ። ነ ጌይዳይሳስ ማርካ ግዳና መላ ሙሰይ ኪትዳ ያርሾ ያርሻ” ግድ ኪትስ። ሌወ 14:1-32.
15 ግዶሽን፥ እያ ሱንꬃይ ካሰፐ አꬍድ ኤረትሸ ብስ። ዳሮ አሳይ እ ኦድያባ ስአናዉነ ባንታ ሀርግያፈ ፓፃናዉ ዮሶና። 16 ሽን የሱሲ ዳሮ ዎደ ጌማ በሲ ብድ ዎሴስ።
ጉንዳ ኡራ
(ማቶ 9:1-8፤ ማር 2:1-12)
17 እስ ጋላስ የሱሲ ታማርስሽን ጋልላፐነ ይሁዳ ሄራ ኡባፈ ቃስ የሩሳላመፐ ይዳ ፋርሳወትነ ህገ አስታማረት ያን ኡትዶሶና። አሳ ፓꬅያ ጎዳ ዎልቃይካ እያራ ደኤስ። 18 ሄ ዎደ አሳይ እስ ጉንዳ አስ ሀላራ ቶክድ ኤህዶሶና። ሶ ገልስድ እያ ስንꬃን ዎꬃናዉ ቆፕዶሶና። 19 ሽን አሳ ዳሮተꬃፈ ደንዶይሳን ሶ ገልሳናዉ ፆነትድ ኬꬃ ቦላ ከይድ፥ ካራ ቃዉፅድ፥ ሀርጋንቹዋ ሀላራ አሳ ሻክድ የሱሳ ስንꬃን የግዶሶና።
20 የሱሲ ኤንታ አማኑዋ በእድ፥ “ላ አድያዉ፥ ነ ናጋራይ አቶ ጌተትስ” ያግስ።
21 ህገ አስታማረትነ ፋርሳወት፥ “ሀይስ ፆሳ ቦላ ያግድ ኦደተይ ኦኔ? እስ ፆሳፈ አትሽን፥ ሀር ናጋራ አቶ ጋናዉ ዳንዳኤይ ኦኔ?” ያግድ ቆፕዶሶና።
22 የሱሲ ኤንታ ቆፋ ኤርዳ ግሾ ኤንታኮ፥ “ህንተ ዎዛናን ሄሳꬆ አይስ ቆፔቲ? 23 ‘ነ ናጋራይ ቁሸትስ ገይሳፈነ ደንዳዳ ባ ገይሳፈ አዉስ ካዉዪ?’ 24 ሽን ታ ሄሳ ግዳይ አሳ ናእ ሳአ ቦላ ናጋራ አቶ ጋናዉ ማት ደኤይሳ ህንተ ኤራና መላሳ።” ሄሳፈ ካልድ፥ ጉንዳ ኡራኮ፥ “ደንዳ፤ ነ አልጋ ቶካዳ ነ ሶ ባ” ያግስ። 25 እ ኤለስ ደንድድ ኤንታ ስንꬃን ኤቅስ፤ እ ቶከትድ ይዳ አልጋ ቶክድ ፆሳ ጋላትሸ ባ ሶ ብስ። 26 ሄ ዎደ ኡባይካ ማላለትዶሶና። ፆሳ ጋላትሸ፥ “ሀች ግታ ማላታ በእዳ” ያግድ ያሸትዶሶና።
ሌወ ፄገተꬃ
(ማቶ 9:9-13፤ ማር 2:13-17)
27 ሄሳፈ ጉየ፥ የሱሲ ያፐ ከይድ ብስ። ሌወ ጌተትያ እስ ቃራፃ ቃንፅሰይስ ቃራፃ ቃንፅስያ በሳን ኡትዳይሳ በእድ፥ “ታና ካላ” ያግስ። 28 እ ኡባባ አግድ፥ ደንድድ እያ ካልስ።
29 ሄ ሌወይ ባ ሶን ግታ ግብራ ጊግስስ። ዳሮ ቃራፃ ቃንፅሰይሳትነ ሀራ አሳት ካꬃ ቦላ ኡትዶሶና። 30 ፋርሳወትነ ህገ አስታማረት፥ “ቃራፃ ቃንፀይሳታራነ ናጋራንቾታራ አይስ ሜትነ ኡዬቲ?” ያግድ የሱሳ ታማረታ ቦላ ዙዙምዶሶና። ሉቃ 15:1-2.
31 የሱሲ ኤንታኮ፥ “ሀርጋንቾታሳፈ አትሽን፥ ፓፃታስ አክመ ኮሸና። 32 ታኒ ናጋራንቾታ ማሮታኮ ዛራናሳፈ አትሽን፥ ጌሻታ ፄጋናዉ ያቢከ” ያግድ ዛርስ።
33 ኤንቲ የሱሳኮ፥ “ዮሃንሳ ታማረት ዳሮ ዎደ ፆሞሶና፥ ዎሶሶና፤ ቃስ ፋርሳወታ ታማረትካ ሄሳꬆ ኦꬆሶና። ሽን ነይሳት ኡባ ዎደ ሞሶናነ ኡዮሶና” ያግዶሶና።
34 የሱሲ ኤንታኮ፥ “ማችዉ ኤከይስ ኤንታራ ደእሽን ፄገትዳ አሳይ ፆማና መላ ኦꬃናዉ ዳንዳኤቲ? 35 ሽን ሙሹራይ ኤንታፈ ሻከታና ጋላሳይ ያና፥ ሄ ዎደ ኤንቲ ፆማና።”
36 ቃስ ያግድ ሌምሶ ኦድስ፤ “ኦራꬃ ማኦፐ ፔꬍድ ጋልአ ማኦ ቦላ ስከይ ኦንካ ባዋ። ሄሳꬆ ኦꬅኮ ኦራꬃ ማኡዋ ፔꬌስ፥ ኦራꬃይ ጋልኣስ ጊገና። 37 ማልአንቶ ዎይነ ጋልአ ኦጎሮን ቆልያ ኦንካ ባዋ። ሄሳ ኦꬅኮ፥ ኦራꬃ ዎይነይ ጋልአ ኦጎሩዋ ꬉሴስ፤ ዎይነይ ጉኬስ ኦጎሮይካ ማዶናባ ግዴስ። 38 ሄሳ ግሾ፥ ኦራꬃ ዎይነይ ኦራꬃ ኦጎሮን ቆለታናዉ በሴስ። 39 ህዛ፥ ጫላይ ሎኦ ግያ ግሾ፥ ጫላ ዎይነ ኡይ ስሚድ ማልአንቶ ኮየይ ኦንካ ባዋ” ያግስ።