1 እስ ሳምባታ ጋላስ የሱሲ ግስተ ጋደ ግዶራ አꬌስ። የሱሳ ታማረት ትያ ባንጋ ዱꬅድ ባንታ ኩሸን ሽርክድ ሞሶና። ዛረ 23:25. 2 ሽን ፋርሳወታ ግዶፈ እሶት እሶት፥ “ሳምባታ ጋላስ ኦꬃናዉ በሶናባ አይስ ኦቲ?” ያግዶሶና።

3 የሱሲ ኤንታኮ ዛሪድ፥ “ዳዊቲ ኮሻትዳ ዎደ ባራ ደኤይሳታራ እስፈ ኦꬆይሳ ናባብበከቲ?1 ሳሜ 21:1-6. 4 ፆሳ ኬꬅ ገልድ አይሁደ ካህነታ ፃላላስ በሲያ ዳቡዋ ምስ፤ ባራ ደኤይሳታስካ እሚስ” ያግስ። ሌወ 24:9. 5 ቃስ የሱሲ፥ “አሳ ናአይ ሳምባታ ጎዳ” ያግስ።

6 ሀራ ሳምባታ ጋላስ የሱሲ አይሁደ ዎሳ ኬꬅ ገልድ ታማርሴስ። ሄ በሳን ኡሻቻ ኩሸይ ስልዳ እስ አስ ደኤስ። 7 ህገ አስታማረትነ ፋርሳወት እያ ሞታናዉ ጋሶ ኮይድ ሳምባታ ጋላስ ፓꬅኮ በአና ግድ ናጎሶና። 8 ሽን የሱሲ ኤንታ ቆፋ ኤርድ ኩሸይ ስልዳ ኡራኮ፥ “ደንዳዳ አሳ ግዶን ኤቃ” ያግስ። ኡራይካ ደንድ ኤቅስ።

9 የሱሲ፥ “አነ ታ ህንተና እስባ ኦይቻይስ፤ ሳምባታ ጋላስ ኦꬃናዉ በሰይ ሎኦባየየ ኢታባዬ? ሸምፖ አሾየ ዎይኮ ꬋይሶ?” ያግስ።

10 ቃስ የሱሲ እያ ዩሹዋን ደእያ አሳ ዩሽ ፄልድ ኡራኮ፥ “ነ ኩሽያ ፕድ ኦꬃ” ያግስ። ኡራይካ እ ግዳይሳዳ ኦꬅን ኩሸይ ፓፅስ። 11 ሽን ህገ አስታማረትነ ፋርሳወት ዳሮ ይሎትዶሶና። የሱሳ ቦላ አይ ኦꬅኖ ግድ ባንታ ግዶን ማቀትዶሶና።

12 ሄ ዎደ ጋላሳታፐ እሱዋን የሱሲ ዎሳናዉ ዙማ ቦላ ከይስ። ቃማ ኩመꬅ ዎስሸ አቅስ። 13 ዎንተ ባ ታማረታ ፄግድ ኤንታ ግዶፈ ታማነ ናምአታ ዶርድ፥ ኤንታና፥ “ሀዋረታ” ግድ ሱንꬅስ። 14 ኤንትካ፥ ጰፅሮሳ ግድ ሱንꬅዳ ስሞና፥ እያ እሻ እንድርያሳ፥ ያይቆባ፥ ዮሃንሳ፥ ፍልጶሳ፥ ባርተለሞሳ፥ 15 ማቶሳ፥ ቶማሳ፥ እልፍዮሳ ናኣ ያይቆባ፥ ባ ቢታስ ምሸትያ ስሞና፥ 16 ያይቆባ ናኣ ይሁዳነ የሱሳ አꬅድ እምዳ አስቆሮታ ይሁዳ።

17 የሱሲ ኤንታራ እስፈ ዙማፐ ዎꬍድ ደምባ በሳን ኤቅስ። እያ ታማረታፐ ዳሮት ሄ በሳን ደኦሶና። ይሁዳ ቢታ ኡባፈ የሩሳላመፐ፥ ፅሮሳፐነ ስዶና አባ ጋፃፐ ይዳ ዳሮ አሳይ ደኤስ። 18 ኤንቲ ይዳይ፥ እ ታማርስያባ ስአናዉነ ባንታ ሀርግያፈ ፓፃናሳ። ቱና አያናን ዋየትያ አሳትካ ፓፅዶሶና። 19 ዎልቅ እያፐ ከይድ አሳ ኡባ ፓꬅያ ግሾ አሳይ እያ ቦቻናዉ ኮዮሶና።

20 ባ ታማረታ ፄልድ ሀይሳዳ ያግስ፦

23 “ሄኮ፥ ህንተ ዎይቶይ ሳሎን ግታ ግድያ ግሾ ሄ ዎደ ኡፋይሳን ጉፕተ። አይስ ጊኮ፥ በን ኤንታ አዋት ናበታ ቦላ ሄሳዳ ኦꬅዶሶና።”2 ታር 36:16፤ ሀዋ 7:52.

27 “ሽን ታና ስእያ ህንተዉ ታ ኦዳይስ፤ ህንተ ሞርከታ ዶስተ፤ ህንተና እፀይሳታስ ሎኦባ ኦꬅተ። 28 ህንተና ባደይሳታ አንጅተ፥ ህንተና ናቀይሳታስ ዎስተ። 29 እስ ባጋ ሻካላ ባቀይሳስ ሀንኮ ባጋ በሳ። ነ ላፃና ኤካና ገይሳስ ነ ሻምዝያ ጉጃዳ እማ። 30 ነና ዎስያ ኡባስ እማ፤ ኔፐ ኤክዳ ኦናካ ዛሮ ጋዳ ኦይቾፋ። 31 አሳይ ህንተዉ ኦꬃና መላ ህንተ ኮያባ ኡባ ህንተካ አሳስ ኦꬅተ።ማቶ 7:17.

32 “ህንተ፥ ህንተና ዶስያ አሳታ ፃላላ ዶስኮ፥ አይ ጋላት ህንተዉ ደኢ? ሀር አቶሽን፥ ናጋራንቾትካ ባንታና ዶሰይሳታ ዶሶሶና። 33 ህንተዉ ሎኦባ ኦይሳታ ፃላላስ ሎኦባ ኦꬅኮ ህንተዉ አይ ጋላት ደኢ? ናጋራንቾትካ ሄሳዳ ኦꬆሶና። 34 ታልኤ ዛራና አሳ ፃላላስ ህንተ ታልእኮ አይ ዱማ ጋላተተቲ? ናጋራንቾትካ ጉየ ዛራና አስ በእድ ታልኦሶና።”

35 “ሽን ህንተ ሞርከታ ዶስተ፤ ኤንታዉ ሎኦባ ኦꬅተ። ጉየ ኤካናዉ ቆፖና ታልእተ። ሄሳን ህንተ ኤካና ዎይቶይ ግታ ግዳና። ህንተ ኡባፈ ቦላ ፆሳ ናይታ ግዳና። እ ባና ጋላቶናይሳታስነ ኢታታስ ኬሀ። 36 ህንተ አዋይ ኬሀ ግዶይሳዳ ህንተካ ኬሀ ግድተ።

37 “አሳ ቦላ ፕርዶፍተ፤ ህንተ ቦላ ፕርደተና። ህንተ ቦረቶና መላ ኦናካ ቦሮፕተ። አቶ ጊተ፤ ፆሳይ ህንተዉ አቶ ጋና። 38 እምተ፤ ህንተዉ እመታና። ህንተ ማክዳባን ህንተዉ ዛር ማከታና፥ ኡባራካ ሎኦ ማክያባን ባቅድ፥ ሱድ ኩንꬅድ፥ ላለታና ጋካናዉ ህንተዉ ማከት እመታና” ያግስ።

39 ቃስካ የሱሲ ያግድ ኤንታዉ ሌምሶ ኦድስ፤ “ቆቀይ ቆቀ ካለꬃናዉ ዳንዳኢ? ካለꬅኮ ናምአይካ ዎል ኤክድ አፎን ዉሎኮናዬ?ማቶ 15:14. 40 ታማረይ አስታማረፐ አና። ሽን ሎይꬅ ታማርዳ ኡራይ ባ አስታማርያꬆ ሀኔስ። ማቶ 10:24-25፤ ዮሀ 13:16፤ 15:20.

41 “ነ እሻ አይፈን ደእያ ቡርያ አይስ በአይ? ነ አይፈን ደእያ ቱሱ ዳነይሳ አይስ በእኪ? 42 ነ አይፈን ደእያ ቱሱ ዳነይሳ በኦና ነ እሻኮ፥ ‘ታ እሻዉ፥ ነ አይፈን ደእያ ቡርያ ከሶ’ ጋናዉ ዋና ዳንዳኤይ? ነኖ ጩቡዋዉ፥ ኮይሮታዳ ነ አይፈን ደእያ ቱሱ ዳነይሳ ከሳ። ሄሳፈ ጉየ፥ ነ እሻ አይፈን ደእያ ቡርያ ከሳናዉ ጌሻዳ ፄላና።

43 “ሎኦ ምꬅ ኢታ አይፈ አይፈና፤ ሄሳዳካ ኢታ ምꬅ ሎኦ አይፈ አይፈና። 44 አይፈ አይፍያ ምꬅ ኡባይ ባ አይፈን ኤረቴስ። አጉንꬃፈ ባላሰ አይፈይ ማፀተና ቃስ ላደፐ ዎይነ አይፈይ ማፀተና። ማቶ 12:33. 45 ሎኦ አስ ባ ዎዛናን ኩምዳ ሎኦባፐ ሎኦባ ከሴስ። ኢታ አስ ባ ዎዛናን ኩምዳ ኢታባፐ ኢታባ ከሴስ። አስ ባ ዎዛናን ኩምድ ፓላህዳባፐ ባ ዶናን ኦደቴስ። 12:34.

46 “ታ ገይሳ ኦከታ፥ ሽን ያትን አይስ ታና፥ ‘ጎዳዉ፥ ጎዳዉ፥ ጌቲ?’ 47 ታኮ የይነ ታ ቃላ ስእድ ፖልያ ኡባይ ኦና ዳንያኮ ታ ህንተና በሳና። 48 እ ኬ ኬፃናዉ ዝቅ ኦꬅ፥ ኦላ ቦክድ፥ ጋርሳን ደእያ ዛላ ቦላ ኬ ኤስዳ ጭንጫ ኡራ ዳኔስ። ድኦይ ድእድ ሄ ኬꬃ ሱግስ፥ ሽን ምንꬅድ ኬፅዳ ግሾ፥ ቃፃናዉ ዳንዳእቤና። 49 ሽን ታ ቃላ ስእድ ኦꬆናይ ባ ኬꬃ ሻፈ ቦላ ኬፅዳ ኡራ ዳኔስ። ድኦይ ድእድ ሄ ኬꬃ ሱግዳ ዎደ ኤለስድ ኩንድስ። ሄ ኬꬃይ ዎልቃማ ኩንደꬅ ኩንድስ” ያግስ።