1 የሱሲ ባ ታማረታኮ፥ “አሰ ꬉበꬅድ ናጋራን ገልስያባይ ዮና አገና። ግዶሽን፥ ናጋራን ገላና መላ ኦꬅያ ኡራ አየ!” ያግስ። 2 ሄ ኡራይ ካሎታፐ እሱዋ ባለꬃናፐ ዎፃ ባ ቆን ቃችድ አባን ዉልኮ እያዉ ሎኦ። 3 ሄሳ ግሾ ናገትተ። ማቶ 18:15.

“ነ እሻይ ናጋራ ኦꬅኮ ሀንቀታ፤ ቂሮትድ ማሮተꬃን ስምኮ፥ እያዉ አቶ ያጋ። 4 እስ ጋላሳን ላፑን ቶሆ ቆህድ፥ ላፑን ቶሆ፥ ‘ታኒ ታ ናጋራ ኤራስ ታና ማራ’ ያግድ ኔኮ ዪኮ እያዉ አቶ ጋ።”

5 ሀዋረት ጎዳኮ፥ “አማኖ ኑስ ጉጃርክ” ያግዶሶና።

6 ጎዳይ፥ “ጋሸ አይፈ መላ አማኖይ ህንተዉ ደእኮ ‘ሀይሳ ዎላ ሾደታዳ አባ ግዶን ቶከታ’ ያግኮ ህንተዉ ኪተታና” ያግስ።

7 ጉጅድካ የሱሲ፥ “ህንተ ግዶፈ እሱዋስ ጎሻንቾይ ዎይኮ ዶርሰ ሄምያ አይለይ ደእኮ ኦሶ ጋደፐ ዎይኮ ዉደፐ ሶ ስምያ ዎደ፥ ‘ኤለ ሃያዳ ካꬅ ማናዉ ኡታ’ ያገይ ደኢ? 8 ዴና፥ ‘ታዉ ካሆ ጊግሳ፤ ታኒ ማዳ፥ ኡያዳ አጋና ጋካናዉ ኤቃዳ ሙዛ። ሄሳፈ ጉየ፥ ኔኒ ቃስ ማሳነ ኡያሳ’ ያገነዬ? 9 ህዛ፥ ጎዳይ፥ አይለይ ኪታ ፖልዳ ግሾ አንጅዬ? 10 ሄሳ ግሾ፥ ህንተካ ኪተቶይሳ ኡባ ፖልዳ ዎደ፥ ‘ኑ ፓꬆና አይለታ፤ ኦꬃናዉ በሲያ ኦሱዋ ፖልዳ’ ያግተ” ያግስ።

11 የሱሲ የሩሳላመ ብሸ ሳማርስነ ጋልላስ ግዶራ ካንꬅድ አꬍስ። 12 እስ ጉታ ገልያ ዎደ ባሮ ሀርገን ኦይከትዳ ታሙ አሳት እያ ደምዶሶና። ኤንትካ ሃሆን ኤቅድ፥ 13 “ጎዳ የሱሳ፥ ኑስ ቃታርክ” ያግድ ዋስዶሶና።

14 እ ኤንታ በእዳ ዎደ፥ “ብድ ህንተናተꬃ አይሁደ ካህነ በስተ” ያግስ። ኤንቲ ኦግያ ቦላ ብሸ ፓፅዶሶና። ሌወ 14:1-32.

15 ኤንታፈ እሶይ ባ ፓፁዋ በእዳ ዎደ ꬎቁ ግዳ ቃላን ፆሳ ቦንችሸ የሱሳኮ ስምስ። 16 እ፥ ሳማረ ቢታ አስ፥ ሽን የሱሳ ቶሆ ቦላ ጉፋንድ እያ ጋላትስ።

17 የሱሲ፥ “ፓፅዳይ ታሙ አሳታ ግዶኮናዬ? ያትን፥ ኡዱፉናት አዉ ብዶና? 18 ሀ አላጋ ኡራፐ *ሀ አላጋ ኡራፐ፦ ባሮ ሀርግያፈ ፓፅዳ ኡራይ አላጋ ጌተትዳይ እ አይሁደ ግዶና ግሾሳ። አትሽን፥ ሀር ስሚድ ፆሳ ጋላተይ ዴና ጉሰዬ?” ያግድ ኦይችስ። 19 ኡራኮ፥ “ነ አማኖይ ነና ፓꬅስ፤ ደንዳዳ ባ” ያግስ።

20 ፋርሳወት፥ “ፆሳ ካዎተꬃይ አዉደ ያኔ?” ግድ የሱሳ ኦይችዶሶና። እ፥ “ፆሳ ካዎተꬃይ በንትያ ማላን ዬና። 21 ቃስካ እያ፥ ‘ሀንና ዎይኮ ህንና ያጋናዉ ዳንዳኤና። አይስ ጊኮ፥ ፆሳ ካዎተꬃይ ህንተ ግዶን ደኤስ’ ” ያግድ ዛርስ።

22 የሱሲ ባ ታማረታኮ፥ “አሳ ናአ ጋላሳታፐ እሱዋ በአናዉ ህንተ አሞትያ ዎደይ ያና፥ ሽን ህንተ በኤከታ። 23 አሳይ፥ ‘እ ያን ደኤስ’ ዎይኮ፥ ‘ሀይሳን ደኤስ’ ያጋና፥ ሽን ኤንታና ካልድ ቦፕተ። 24 ዎልአንꬅ ዎልአምድ ሳሎ ጋፃፐ ጋፃ ፖእስያ መላ አሳ ናኣ ዩሳ ጋላሳይ ሄሳዳ ሀናና። 25 ሽን ሄስ ሀናናፐ ስን አሳ ናአይ ዳሮ ዋያናዉነ ሀ የለተꬃን እፀታናዉ በሴስ። 26 ኖሄ ዎደ ሀንዳይሳ መላ አሳ ናአ ዎደን ሄሳዳ ሀናና። መ 6:5-8. 27 ኖሄይ ማርካብያን ገልዳ ቃማ ጋካናዉ አሳይ ምሸነ ኡይሸ፥ ኤክሸነ ገልሸ ደእሽን ꬋዮ ሃꬃይ ይድ ኡባ ꬋይስስ።መ 7:6-24. 28 ሎፀ ላይꬃንካ ሄሳꬆ ሀንስ። አሳይ ምሸነ ኡይሸ፥ ሻምሸነ ባይዝሸ፥ ቶክሸነ ኬፅሸ፥ ጋምእዶሶና። መ 18:20—19:25. 29 ሎፀይ ሶዶመፐ ከይዳ ጋላስ ዲነ ጌተትያ ፁግያባይ ሳሎፐ ቡክድ ኡባ ꬋይስስ። 30 አሳ ናአይ ቆንጭያ ዎደካ ሄሳዳ ሀናና።

31 “ሄ ጋላሳን ካረን ደእያ ኦንካ ኬꬃ ግዶን ደእያባ ኤካናዉ ሶ ገሎፖ። ሄሳዳካ፥ ጋደን ደእያ አስ አይኮስካ ሶ ስሞፎ። ማቶ 24:17-18፤ ማር 13:15-16. 32 ሎፀ ማችዉ አኬክተ፤ መ 19:26. 33 ባ ሸምፕዉ አሻናዉ ኮይያ አስ ኦንካ ꬋይሳና፤ ባ ሸምፕዉ አꬅድ እምያ ኦንካ እ አሻና። ማቶ 10:39፤ 16:25፤ ማር 8:35፤ ሉቃ 9:24፤ ዮሀ 12:25. 34 ታ ህንተዉ ኦዳይስ፤ ሄ ጋላሳን ናምኡ አሳት እስ አርሳን ዝንአና፤ እሶይ ኤከታና፥ ሀንኮይ አታና። 35 ናምኡ ማጫሳት ዎላ ጋጭሽን ኢስያ ኤከታና፥ ሀንክያ አታና። 36 ናምኡ አሳት ዎላ ጋደን ጎየይሳታፐ እሶይ ኤከታና፥ ሀንኮይ አታና”†እስ እስ ማፃፋታን ፓይዶ 36 ዴና። ያግስ።

37 ኤንቲ፥ “ጎዳዉ አዉ ኤከታኔ?” ያግድ ኦይችዶሶና።

እ፥ “ባዉት ደእያ በሳን አንኮት ሺቆሶና” ያግስ።