1 የሱሲ እያርኮ ገልድ አꬌስ። 2 ያን ዛክዮሳ ጌተትያ ቃራፃ ቃንፅሰይሳታ ሀላቃይ ደኤስ። እ ዳሮ ዱረ። 3 እ የሱሲ ኦነኮ በአናዉ ኮይስ። እ ቃንꬅ ግድያ ግሾ አሳ ዳሮተꬃፈ ደንዶይሳን የሱሳ በአናዉ ዳንዳእቤና። 4 የሱሳ በአናዉ ኮይድ እ ብያ ኦግያስ ስን ዎፅ ብድ እስ ቦባ ምꬃ ቦላ ከይስ።

5 የሱሲ ሄ በሳ ጋክሸ ꬎቁ ግድ በእድ፥ “ዛክዮሳ፥ ሀች ታ ነ ሶን ፔአናዉ በሲያ ግሾ ኤለ ዎꬋ” ያግስ። 6 እ ኤለስ ዎꬍድ ኡፋይሳን የሱሳ ሞክስ።

7 ሄ በሳን ደእያ አሳ ኡባይ ሄሳ በእድ፥ “ናጋራንቹዋ ሶ ገልድ ሞከታንዉ ሀኔስ” ያግድ ዙዙምዶሶና። 8 ግዶሽን፥ ዛክዮስ ኤቅድ ጎዳኮ፥ “ጎዳዉ፥ ሄኮ ታዉ ደእያ ሻሎ ኡባፈ ባጋ ማንቆታስ እማና። አሳፐ አይባካ ዎርዶን ባለꬃዳ ኤክዳባ ግድኮ ኦይዱ ኩሸ ዛራና” ያግስ።

9 የሱሲ ቃስ፥ “ሀ ኡራይ አብራሃመ ናአ ግድዳ ግሾ ሀች አቶተꬃይ ሀ ሶ ይስ። 10 አሳ ናአይ ይዳይ ꬋይዳይሳ ኮያናሳነ አሻናሳ” ያግስ። ማቶ 18:10.

11 አሳይ ሄሳ ስእያ ዎደ፥ የሱሲ የሩሳላመ ማታትዳ ግሾነ ፆሳ ካዎተꬃይ ሀእ ማታራ ቆንጫና ዳንዳ ግሾ ኤንታዉ ሌምሶ ኦድስ። ማቶ 25:14-30. 12 ሄሳ ግሾ፥ የሱሲ፥ “እስ ግታ አስ ደኤይስ ባዉ ካዎተꬅ ኤክድ ያናዉ ሀራ ቢታ ብስ። 13 እያዉ ኦꬅያ አይለታፐ ታማታ ፄግድ እሱዋስ እሱዋስ ታሙ ምናነ *ምናነ፦ ምናነይ ግርከ ዶና። እስ ምናነይ እስ ጋላሳ ኦሳንቾስ ሄꬑ አጌና ዳሞዘ ግዴስ። እምድ ‘ታ ስማዳ ያና ጋካናዉ ሀ ሚሽያራ ዛልእተ’ ያግስ።

14 “ሄ ቢታ አሳይ እያ እፅያ ግሾ፥ ሀ ኡራይ ኑ ቦላ ካዎታና መላ ኑ ኮዮኮ ያግድ አሰ እያ ጉየራ ኪትዶሶና።

15 “ግዶሽን፥ ሄ ኡራይ ካዎ ግድድ ባ ቢታ ስምስ። ሄ ታሙ አይለት እ እምዳ ሚሽያን አይ መላ ዛልእድ ዎꬍስዳኮ ኤራናዉ ኮይድ ኤንታና ፄግስስ።

16 “ኮይሮይስ ይድ፥ ‘ጎዳዉ፥ ነ ታዉ እምዳ ሚሸይ ሀራ ታማ ዎꬍስ’ ያግስ።

17 “እያ ጎዳይ፥ ‘ነኖ አማነትዳ አይልያዉ ሎኦ ኦꬃዳሳ። ኔኒ ጉꬃባን አማነትዳ ግሾ ነዉ ታሙ ካታማታ ቦላ ማታ እማስ’ ያግስ።

18 “ናምአንꬆይ ይድ፥ ‘ጎዳዉ፥ ነ ታዉ እምዳ ሚሸይ ሀራ እቻሻ ዎꬍስ’ ያግስ።

19 “ጎዳይ እያኮ፥ ‘ነዉካ ቃስ እቻሹ ካታማታ ቦላ ማታ እማስ’ ያግስ።

20 “ሄኮ ሄꬓንꬆይ ይድ፥ ‘ጎዳዉ፥ ታ ጩርቃን ፃፃዳ ናግዳ ነ ሚሽያ ሀናሹ። 21 አይስ ጊኮ፥ ኔኒ ነባ ግዶናባ ኤከይሳነ ነ ዘሮናባ ጫክያ ኢታ አስ ግድያ ግሾ ነዉ ያያስ’ ያግስ።

22 “እያ ጎዳይ ዛሪድ፥ ‘ነኖ ኢታ አይልያዉ ነ ዶናꬆ ታ ነና ፕርዳና። ታ ዎꬆናባ ኤከይሳነ ዘሮናባ ጫክያ አስ ግደይሳ ነ ኤርኮ፥ 23 ታ ያዳ ታ ሚሽያ ዎራ ኤካና መላ ዛልእያ አሳስ አይስ እማብኪ?’

24 “እያ ጎዳይ ሄ በሳን ኤቅዳይሳታኮ፥ ‘እያራ ደእያ ሚሽያ ኤክድ ታማ ዎꬍስዳይሳስ እምተ’ ያግስ።

25 “ኤንቲ፥ ‘ጎዳዉ፥ እያዉ ካሰካ ታሙ ምናነይ ደኤስ’ ያግዶሶና።

26 “ጎዳይ፥ ታ ህንተዉ ኦዳይስ፤ ‘ደእያ ኡባስ ሀር ጉዠታና፥ ሽን ባይናይሳፈ ሀራይ አቶ እያዉ ደእያራካ ኤከታና። ማቶ 13:12፤ ማር 4:25፤ ሉቃ 8:18. 27 ግዶሽን፥ ታ ኤንታ ቦላ ካዎቶና መላ ኮይዳይሳታ ሄ ታ ሞርከታ ሀ ታ ስን ኤህድ ጎራዕተ’ ግስ” ያግስ። ማቶ 25:14-30.

28 የሱሲ ሄሳ ኦድዳፐ ጉየ፥ ኤንታፈ ስን ሄመትድ የሩሳላመ ብስ። 29 ሻማሆ ዙማ †ሻማሆ ዙማ፦ ሻማሆይ ዳሮ ዶልያ ዙማ ጉሱ። ቦላ ደእያ ቤተፋገነ ብታነ ማትዳ ዎደ ባ ታማረታፐ ናምአታ ኪትድ፥ 30 “ህንተ ስንꬃን ደእያ ጉታ ቢተ፥ ህንተ ያ ጋክያ ዎደ ኦንካ ቶጎና ቃሸትድ ደእያ ሀረ ማር ደማና። እያ ብልድ ሃ ኤክ ዪተ። 31 ኦንካ፥ ‘አይስ ብሌቲ?’ ግድ ኦይችኮ፥ ‘ጎዳይ እያ ኮዬስ’ ያግተ” ያግስ።

32 ኪተትዳይሳት ብድ እ ግዳይሳዳ ሀንን በእዶሶና። 33 ኤንቲ ሀረ ማራ ብልሽን ጎዳት በእድ፥ “ሀረ ማራ አይስ ብሌቲ?” ያግዶሶና።

34 ኤንቲ ዛሪድ፥ “ጎዳይ እያ ኮዬስ” ያግዶሶና።

35 ያፐ ሀረ ማራ የሱሳኮ ኤህዶሶና። ባንታ ማኡዋ ሀረ ማራ ዞኮን የግድ የሱሳ ሀረ ማራ ቦላ ኡትስዶሶና። 36 አሳይካ እ ብያ ኦግያ ቦላ ባንታ ማኡዋ ሂፅዶሶና።

37 ሻማሆ ዙማ ዱገ ዎꬍስያ ኦግያኮ ማትያ ዎደ፥ ታይቦን ኬህ ዳሮ አሳይ ኤንቲ በእዳ ማላልስያባን ኡፋይትድ ባንታ ቃላ ꬎቁ ኦꬅድ፥

39 አሳ ግዶፈ እስ እስ ፋርሳወት የሱሳኮ፥ “አስታማርያዉ፥ ነ ታማረታ ሀይዝተ ጋዳ ሀንቀታ” ያግዶሶና።

40 እ ኤንታኮ፥ “ኤንቲ ስእ ጊኮ ሹቻት ዋሳና” ያግስ።

41 የሱሲ የሩሳላመ ማትሸ ካታማ በእድ እያዉ ዬክስ። 42 “ነዉ ሳሮ ግዳናይሳ ሀች ነ ኤርዳባ ግድያኮሽን፥ ሀእ ነ አይፍያፐ ጌምስ። 43 ነ ሞርከት ነ ዩሹዋ ድርድ ዱማ ዱማ ኦግያራ ነና ተቅድ ኡንኤꬅያ ዎደይ ያና። 44 ነናነ ነ ድርሳ ጋርሳን ደእያ ነ ናይታ ꬋይሳና። እስ እስ ሹቹ ደንꬅድ ላላና፥ አይስ ጊኮ ፆሳይ ነና አሻናዉ ያ ዎድያ ኤራባካ” ያግድ እዉ ዬክስ።

45 ሄሳፈ ጉየ፥ የሱሲ ፆሳ ኬꬅ ገልድ ዛልኤይሳታ ያፐ ጎድስ። 46 ቃስ፥ “ ‘ታ ኬꬃይ ፆሳ ዎስያ ኬꬅ ግዳና’ ግድ ፃፈትስ፥ ሽን ህንተ ታ ኬꬃ ፓንጋታ ጎንጎሎ ኦꬅደታ” ያግስ። እሳ 56:7፤ ኤርም 7:11.

47 ጋላስ ጋላስ ፆሳ ኬꬃን ታማርሴስ። ካህነታ ሀላቃት፥ ህገ አስታማረትነ ደርያ ጭማት እያ ዎꬋናዉ ኦገ ኮዮሶና። ሉቃ 21:37. 48 ግዶሽን፥ አሳ ኡባይ እያ ትምርትያ ባንታ ዎዛና የግድ ስእያ ግሾ፥ ኤንታዉ ኦꬃናባይ ꬋይስ።