1 ሀይሳፈ ካልድ ፃፈትዳይስ ዳዊታ ናአ አብራሃመ ናአ ግድዳ የሱስ ክርስቶሳ የለተꬃ።

2 አብራሃመይ ይሳቃ የልስ፤

17 ህዛ፥ የለተꬃይ አብራሃመፐ ዳዊታ ጋካናዉ ታማነ ኦይዳ። ዳዊታፐ ብድ ባብሎነ ድኡዋ ጋካናዉ ታማነ ኦይዳ። ባብሎነ ድኡዋፐ ብድ ክርስቶሳ ጋካናዉ ታማነ ኦይዱ የለተꬅ ግዴስ።

18 የሱስ ክርስቶሳ የለተꬃ ታርከይ ሀይሳፈ ካለይሳ። እያ አይያ ማይራማ ዮሰፋስ ኦይሸታ ደአሸ ዮሰፋራ ጋሄቶና ጌሻ አያናፐ ቃንꬃታሱ።ሉቃ 1:27. 19 ዮሰፍ ፅሎ አስ ግድዳ ግሾ እዮ አሳን ከሳናዉ ኮይቤና። ያንያ ግሾ ቆሳን እዮ አጋናዉ ቆፕስ። 20 እ ሄ ቆፋን ደእሽን ፆሳ ኪታንቾይ አሙሆን ቆንጭድ፥ “ዳዊታ ናአዉ፥ ዮሰፋ፥ ማይራማ ቃንꬃትዳይ ጌሻ አያናፐ ግድያ ግሾ እዮ ኤካናዉ ያዮፋ” ያግስ። 21 እያ አደ ናአ የላና፥ እ ባ ደርያ ኤንታ ናጋራፐ አሽያ ግሾ እያ ሱንꬃ ነ የሱሳ ጋዳ ፄጋና። ሉቃ 1:31.

22 ጎዳይ ናብያ እሳያሳ ዶናን፥ 23 “ሄኮ ጌላእያ ቃንꬃታና፤ አደ ናአ የላና፤ እያ ሱንꬃይ አማኑኤላ” ጌተታና ጎይስ ፖለታና መላ ሀ ኡባይ ሀንስ። አማኑኤላ ገይሳስ ብርሸꬃይ “ፆሳይ ኑራ ደኤስ” ጉሱ። እሳ 7:14.

24 ዮሰፍ ꬍስኮፈ ባርክድ ጎዳ ኪታንቾይ ኪትዳይሳ መላ ማይራሞ ባ ሶ ኤፍስ። 25 ሽን ባ ባይራ ናአ የላና ጋካናዉ እዮ ቦችቤና፤ *እዮ ቦችቤና፦ ማችራ አዝናራ አቀይሳዳ እስፈ አቅቦኮና ጉሱ። የለትዳ ናአካ የሱሳ ግድ ፄግስ። ሉቃ 2:21.