1 “ሄኮ፥ ጮጨ ታማዳ ኤፅያ ጋላስ ያና፤ ኦቶራንቾትነ ኢታ ኦይሳት ኡባይ ቡረ መላ ግዳና። ሄ ያ ጋላሳይ ኤንታ ፁጋና፤ ኤንታዉ ፃጶነ ፄራ አሸና” ያጌስ ኡባፈ ዎልቃማ ጎዳይ።

2 ሽን “ህንተዉ፥ ታ ሱንꬃስ ያየይሳታስ፥ ፅሎተꬃ አው ባ ቀፈ ጋርሳን ፓፆተꬅ ኤክድ ከያና። ህንተ ቃሾፐ የደትዳ ኮኦ ጋሎዳ ጉፓና። 3 ታኒ ኦꬅያ ጋላስ፥ ናጋራንቾት ህንተ ቶሆፐ ጋርሳን ብድን ግዳና፤ ህንተ ኤንታ የꬋና” ያጌስ ኡባፈ ዎልቃማ ጎዳይ።

4 “እስራኤለ አሳይ ኪተታና መላ ታኒ ኮሬባ ዙማ ቦላ ታ አይልያ ሙሰ ባጋራ እምዳ ህግያነ ኪታ አኬክተ።

5 “ሄኮ፥ ግታነ ያሽያ ጎዳ ጋላሳይ ያናፐ ካሰታዳ፥ ታኒ ህንተዉ ናብያ ኤልያሳ ኪታና። 6 ታኒ ያዳ ቢታ ባደꬃን ꬋይሶና መላ አዋታ ዎዛና ናይታኮ፥ ናይታ ዎዛና አዋታኮ ዛራና” ያጌስ።