1 ሄሳፈ ጉየ፥ ፃላሄይ የሱሳ ፓጫና መላ ጌሻ አያናይ የሱሳ መላ ቢታ ኤፍስ። እብራ 2:18፤ 4:15. 2 ኦይታሙ ቃማነ ኦይታሙ ጋላስ ፆምዳፐ ጉየ ኮሻትስ። 3 ፃላሄይ የሱሳኮ ይድ “ኔኒ ፆሳ ናአ ግድኮ፥ አነ ሀ ሹቻት ኡይꬅ ግዳና መላ ኪታ” ያግስ።

4 የሱሲ ዛሪድ፥ “ ‘አስ ፆሳ ዶናፐ ከይያ ቃላ ኡባን ደኤስፐ አትሽን፥ ኡይꬃ ፃላላን ዴና’ ጌተትድ ፆሳ ቃላን ፃፈትስ”ዛረ 8:3. ያግስ።

5 ካልድካ፥ ፃላሄይ የሱሳ ጌሻ ካታማ ኤፍድ፥ ፆሳ ኬꬃ ሁጵያ ከስድ፥ 6 “ኔኒ ፆሳ ናአ ግድኮ፥ አነ ዱገ ሳአን ኩንዳ። ማዝ 91:11.

7 የሱሲ እያኮ፥ “ቃስካ፥ ‘ፆሳ ቃላን ነ ጎዳ፥ ነ ፆሳ ፓጮፋ’ ያገትድ ፃፈትስ” ግድ ዛርስ። ዛረ 6:16.

8 ዉርሰꬃን ፃላሄይ የሱሳ እስ ዎልቃማ ዙማ ሁጰ ከስድ አላምያ ካዎተꬃታ ኤንታ ቦንቹዋራ እስፈ በስድ፥ 9 “ነ ታዉ ኩንዳዳ ጎይንኮ ታ ነዉ ሀ ኡባ እማና” ያግስ።

10 የሱሲ ዛሪድ፥ “ሀ ፃላህያዉ፥ ታፐ ሃካ! ‘ነ ጎዳ፥ ነ ፆሳ ጎይና፥ እያ ፃላላ ሀጋዛ’ ጌተትድ ፆሳ ቃላን ፃፈትስ” ያግስ። ዛረ 6:13.

11 ሄሳፈ ጉየ፥ ፃላሄይ አግድ ብስ፤ ኪታንቾት ይድ እያ ሀጋዝዶሶና።

12 የሱሲ፥ ዮሃንስ ቃሸቶይሳ ስእዳ ዎደ ጋልላ ቢታ ብስ። ማቶ 14:3፤ ማር 6:17፤ ሉቃ 3:19-20. 13 ናዝረተ ካታማ አግድ ዛብሎናንነ ንፍታለመ ሄራን፥ አባ ማታን ደእያ ቅፍርናሆማ ካታማ ብድ ያን ደእስ። ዮሀ 2:12. 14 ሄስ ሀንዳይ ናብያ እሳያሳ ዶናን፥

17 ሄ ዎደፐ ዶምድ የሱሲ፥ “ፆሳ ካዎተꬃይ ማታትዳ ግሾ ህንተ ናጋራፐ ስምተ” ያግድ ቃላ ሳባኬስ። ማቶ 3:2.

18 የሱሲ ጋልላ አባ ማታራ አꬍሸ ናምኡ እሻታ፥ ጰፅሮሳ ጌተትያ ስሞናነ እያ እሻ እንድርያሳ በእስ። ኤንቲ ሞሎ ኦይከይሳታ ግድዳ ግሾ ባንታ ግትያ አባን የጎሶና። 19 የሱሲ ኤንታና፥ “ሃ ዪተ፤ ታና ካልተ፤ ታኒ ህንተና አሰ ኦይꬅ ታማርሳና” ያግስ። 20 ኤንትካ፥ ኤለስድ ባንታ ግትያ የግ አግድ የሱሳ ካልዶሶና።

21 የሱሲ ያፐ ቡሮ ገደ ስን አꬍሸ ሀራ ናምኡ እሻታ፥ ዛብድዮሳ ናይታ፥ ያይቆባነ ዮሃንሳ በእስ። ባንታ አዋ ዛብድዮሳራ እስፈ ዎጎሉዋ ግዶን ባንታ ግትያ ጊግሰይሳታ ፄግስ። 22 ኤንትካ፥ ኤለስድ ባንታ ዎጎሉዋነ ባንታ አዋ አግድ የሱሳ ካልዶሶና።

23 የሱሲ አይሁደ ዎሳ ኬꬃታን ታማርስሸ፥ ሳሎ ካዎተꬃ ዎንገላ ኦድሸነ ዱማ ዱማ ሀርግያፈ አሳ ፓꬅሸ ጋልላ ቢታ ኡባን ዩይስ። ማቶ 9:35፤ ማር 1:39.

24 ሄሳፈ ደንዶይሳን እያ ሱንꬃይ ሶረ ቢታ ኡባን ከይስ። ዱማ ዱማ ሀርገን ኦይከትዳይሳታነ ዋየተይሳታ፥ ቱና አያናን ኦይከትዳይሳታ፥ ሾጭ የግያ ሀርገን ኦይከትዳይሳታነ፥ ጉንዳታ እያኮ ኤህዶሶና፤ እካ ኤንታና ፓꬅስ።

25 አሳይ ጋልላፐ፥ ታሙ ካታማታፐ፥ የሩሳላመፐ፥ ይሁዳፐነ ዮርዳኖሰ ሻፋ ሄፍንꬃን ደእያ ቢታፈ ይዳ ዳሮ አሳይ እያ ካልዶሶና።