7
1 ግምብያ ኦሶይ ዉርን፥ ሳንቃይካ ገልስ፤ ፐንግያ ናገይሳት፥ ዛማረትነ ሌወት ባንታ ኦሱዋ ኦይክዶሶና። 2 ታኒ የሩሳላመ ካታማ አይስያ ማታ ታ እሻ ሀናነስነ ሚፃ ናገይሳታ ሀላቃ አናናስ እማስ። ሀናን ሀራታፐ አꬍዳ ቱማንቾነ ፆሰ ያይያ አስ። 3 ታኒ ኤንታኮ፥ “ዎንታ አዋይ ከይድ ሆአና ጋካናዉ የሩሳላመ ግምበ ፐንገታ ዶዮፕተ። ቃስ ኦማርስ ናገይሳት ባንታ ኦሱዋ ኦንግድ ባናፐ ስን ፐንገታ ምንꬅ ጎርዳናዳ ኦꬅተ። ሄሳዳካ፥ የሩሳላመን ደእያ አሳፐ ዶርድ ባጋት ባንታ ኦሶ በሳን፥ ሀራት ቃስ ባንታ ኬꬃ ሄራን ናጋና መላ ኦꬅተ” ያጋስ።
ድኦፐ ስምዳ አሳ ሱንꬁ
4 ሄ ዎደ የሩሳላመ ካታማይ ዳሮ ዳልጋነ ግታ፤ ሽን እያ ግዶን ደእያ አሳ ታይቦይ ዳሮ ጉꬃ፤ ቃስ ዳሮ ኬꬃት ቡሮ ኬፀትቤና። 5 ሄሳፈ ጉየ፥ አሳ ካለይሳታ፥ ሀላቃታነ አሳ ኡባ ሺሻዳ ኤንታ ሶ አሳን አሳን ማዝጋባና መላ ፆሳይ ታና ቆፍስስ። ድኤተꬃፈ ስን ስምዳ አሳ ኤንታ ሶ አሳን አሳን ፃፈትዳ ማፃፋካ ደማስ፤ ሄ ማፃፋን ፃፈትዳይ ሀይሳ።
6 ባብሎነ ካዎይ ናቡካዳናፆር ድእድ፥ ባ ቢታ ኤፍዳ አሳፐ ጉየ ባንታ ካታማ የሩሳላመነ ይሁዳን ደእያ ባንታ ካታማታ ስምዳ አሳይ ሀይሳፈ ካልድ ደኤይሳታ። 7 ኤንታ ሀላቃት ዛሩባበላ፥ እያሱ፥ ናህመ፥ አዛራ፥ ራማ፥ ናሀማነ፥ ማርድክዮሳ፥ ብልሻና፥ ምስፐረታ፥ ብግዋያ፥ ናሁማነ ባና።
ድኦፐ ስምዳ እስራኤለ አሳ ታይቦይ ሀይሳ፤
8 ፓሮሳ ያራት 2,172፤
9 ሳፋፃ ያራት 372፤
10 ኤራ ያራት 652፤
11 እያሱነ እዮኣባ ኮቸ ግድዳ ፓሀት-ሞአባ ያራት 2,818፤
12 ኤላማ ያራት 1,254፤
13 ዛቱ ያራት 845፤
14 ዛካያ ያራት 760፤
15 ብኑያ ያራት 648፤
16 በባያ ያራት 628፤
17 አዝጋዳ ያራት 2,322፤
18 አዶንቃማ ያራት 667፤
19 ብግዋያ ያራት 2,067
20 አድና ያራት 655፤
21 ህዝቅያሳ ያራ ግድዳ አፄራ ያራት 98፤
22 ሀሹማ ያራት 328፤
23 በሳያ ያራት 324፤
24 ሀርፋ ያራት 112፤
25 ጋባኦና ያራት 95፤
26 ቤተለመንነ ናፆፋን ደእያ አሳይ 188፤
27 አናቶታ ካታማ አሳይ 128፤
28 ቤት-አዝሞታን ደእያ አሳይ 42፤
29 ቅርያት-አርማን፥ ካፍራንነ ባኤሮታን ደእያ አሳይ 743፤
30 ራማነ ግብአን ደእያ አሳይ 621፤
31 ምክማሳን ደእያ አሳይ 122፤
32 ቤተለንነ ጋየን ደእያ አሳይ 123፤
33 ናምአንꬆ ናቦን ደእያ አሳይ 52፤
34 ናምአንꬆ ኤላማ ያራት 1,254፤
35 ሀርማን ደእያ አሳይ 320፤
36 እያርኮን ደእያ አሳይ 345፤
37 ሎዳን፥ ሀድዳንነ ኦኖን ደእያ አሳይ 721፤
38 ሳናአን ደእያ አሳይ 3,930።
39 ሀይሳፈ ካልድ ደኤይሳት ድኤተꬃፈ ስምዳ ካህነታ።
እያሱ ያራ ግድዳ ያዳያ ያራት 973፤
40 እመራ ያራት 1,052፤
41 ፓስኮራ ያራት 1,247፤
42 ሀርማ ያራት 1,017.
43 ሀይሳፈ ካልድ ደኤይሳት ድኤተꬃፈ ስምዳ ሌወታ፤
ሆዳዋ ያራ ግድያ እያሱነ ቃድምኤላ ያራት 74፤
44 አሳፋ ያራ ግድዳ ዛማረት 148።
45 ፐንግያ ናግያ
ሳሉማ፥ አፄራ፥ ታልሞና፥ አቁባ፥ ሀትታነ ሾባያ ያራት 138፤
46 ሀይሳፈ ካልድ ደኤይሳት ፆሳ ኬꬃን ኦꬅያ ኦሳንቾታ ያራታ፤
ፅሀ ያራታ፥ ሀሱፋ ያራታ፥ ፃባኦታ ያራታ፥ 47 ከሮሳ ያራታ፥ ሲአ ያራታ፥ ፓዶና ያራታ፥ 48 ልባና ያራታ፥ ሀጋባ ያራታ፥ ሳማላ ያራታ፥ 49 ሀናና ያራታ፥ ግደላ ያራታ፥ ጋሃራ ያራታ፥ 50 ራያ ያራታ፥ ራፅና ያራታ፥ ናቆዳ ያራታ፥ 51 ጋዛማ ያራታ፥ ኦዛ ያራታ፥ ፓሳ ያራታ፥ 52 በሳያ ያራታ፥ ማኡንማ ያራታ፥ ናፉሰስማ ያራታ፥ 53 ባቅቡቃ ያራታ፥ ሀቁፋ ያራታ፥ ሀርሁራ ያራታ፥ 54 ባስሎታ ያራታ፥ ማህዳ ያራታ፥ ሀርሻ ያራታ፥ 55 ባርቆሳ ያራታ፥ ስሳራ ያራታ፥ ቴማ ያራታ፥ 56 ናስያ ያራታነ ሀፅፋ ያራታ።
57 ሀይሳፈ ካልድ ደኤይሳት ሶሎሞነ አይለታ ያራታ፤
ሶፃያ ያራታ፥ ሶፌረታ ያራታ፥ ፓርዳ ያራታ፥ 58 ያእላ ያራታ፥ ዳርቆና ያራታ፥ ግደላ ያራታ፥ 59 ሳፋፃ ያራታ፥ ሀፅላ ያራታ፥ ፖከሬት-ሀፃባይማ ያራታነ አሞነ ያራታ።
60 ድኤተꬃፈ ስምዳ ፆሳ ኬꬃን ኦይሳትነ ሶሎሞነ አይለታ ታይቦይ 392.
61 ታልመላ፥ ተልሀርሻ፥ ካሩባ፥ አዳናነ እመራ ካታማታፐ የሩሳላመ ስምዶሶና። ሽን ኤንቲ ዎይኮ ኤንታ አዋት እስራኤለ ሼሽ ግደይሳ ኤርሳናዉ ዳንዳእቦኮና። 62 ኤንቲ ዳላያ፥ ፆቢያነ ናቆዳ ያራታ፤ ኤንታ ታይቦይ 642.
63 ካህነታፐ ሆባያ ያራት፥ ሀቆፃ ያራትነ ባርዝለ ያራት የሩሳላመ ስምዶሶና። ባርዝለ ገይስ ጋላዳ ቢታ አስ ግድዳ ባርዝለ ናእዉ ኤክድ፥ ባ ቦሉዋ ሱንꬃ ኤክስ። 64 ኤንቲ ባንታ የለታ ሱሳ ኤራናዉ የለታ ማፃፋን ኮይዶሶና፥ ሽን ደምቦኮና። ሄሳ ግሾ፥ ኤንቲ ቱናዳ ታይበትድ ካህነተꬃን ኦꬆና መላ ድገትዶሶና። 65 ኡሪመንነ ቱሚመን ሻክድ ፕርድያ ካህነይ ደንዳና ጋካናዉ ኤንቲ ጌሻ ካꬃፈ ማናዉ ዳንዳኦናይሳ ይሁዳ ሃረይስ ኤንታዉ ኦድስ።
66-67 ድኤተꬃፈ ይሁዳ ቢታ ስምዳ 7,337 አደነ ማጫ አይለታ ጉጆና ደእሽን፥ ኩመꬃ አሳ ታይቦይ 42,360. ቃስ ኤንታራ 245 አደነ ማጫ ዛማረት ስምዶሶና። 68 ፓራታ ታይቦይ 736፤ ባቁሎታ ታይቦይ 245፤ 69 ግማለታ ታይቦይ 435፤ ሀረታ ታይቦይ 6,720.
70 ያራታ ሀላቃታፐ ጉꬃት ኦሱዋስ እሞታ እምዶሶና። ቢታ ሃረይስ 8 ክሎ ግራመ ዎርቃ፥ 50 ድስተነ 530 ካህነ ማኦታ እሚስ። 71 ያራታ ሀላቃት 168 ክሎ ግራመ ዎርቃነ 1,250 ክሎ ግራመ ብራ እምዶሶና። 72 አትዳ አሳይ 168 ክሎ ግራመ ዎርቃ፥ 140 ክሎ ግራመ ብራነ 67 ካህነ ማኦታ እምዶሶና።
73 ሄሳፈ ጉየ ካህነት፥ ሌወት፥ ናገይሳት፥ ዛማረት፥ አሳፐ እሶት እሶት፥ ፆሳ ኬꬃ ኦሳንቾትነ ሀራ እስራኤለ አሳይ ባንታ ካታማን ካታማን ኡትዶሶና።