1 ጎዳይ ሙሰኮ፥ 2 “እስራኤለ አሳስ ሀይሳዳ ጋዳ ኦዳ፤ ህንተ ካናነ ገልያ ዎደ ታ ህንተዉ ላታ ኦꬃዳ እማና ቢታ ዛዋይ ሀይሳ። 3 ዱገሀ ባጋ ዛዋይ ሲና መላ ቢታፈ ደንድድ ኤዶመ ዛዋ ካንꬄስ። ዶሎሀ ባጋራ ህንተ ዛዋይ ማፅነ አባፈ ዱገ ባጋራ ዶምድ፥ 4 አቅራብማ አꬍያ በሳ ሻክድ ሲና ቢታ ባዙዋ ካንꬅድ ዱገሀ ባጋራ ቃደስ-ባርነ ጋኬስ። ያፐ ሀዳር-አዳራ ካንꬅድ አፅሞና ጋኬስ። 5 አፅሞናፐ ደንድድ ግብፀ ሻፋ ጉየ ስሚድ መደትራነ አባ ጋኬስ።

6 “ዉሎሀ ባጋ ዛዋይ መደትራነ አባ ጋፃ ግዳና።

7 “ፑደሀ ባጋ ዛዋይ መደትራነ አባ ካልድ ሆራ ዙማ ጋካናዉ ቤስ። 8 ሆራ ዙማፐ ሀማታ ገልያ በሳ ጋካናዉ ቤስ፤ ሄ ዛዋ ዉርሰꬃይ ፃዳዳ። 9 ያፐ ደንድድ ዝፍሮና ጋክድ፥ ሀፃር-ኤናናን ኤቄስ፤ ፑደሀ ባጋ ዛዋይ ሀይሳ።

10 “ዶሎሀ ባጋ ዛዋይ ሀፃር-ኤናናፐ ሳፋማ ማላ ጋኬስ። 11 ሳፋማ ማላፈ ደንድድ አይናፐ ዶሎሀ ባጋራ እርብላ ዱገ ዎꬍድ ከነሬታ አባፈ ዶሎሀ ባጋራ ደእያ ዙማታ ጋኬስ። 12 ሄሳፈ ህንተ ዛዋይ ዱገ ዮርዳኖሰ ሻፋ ዎꬍ ዛዋይድ ማፅነ አባ ጋኬስ። ህንተ ቢታ ዩሾ ዛዋት ሀይሳታ” ያግስ።

13 ሙሰይ እስራኤለ አሳ ሀይሳዳ ያግድ ኪትስ፤ “ኡዱፉን ባጋ ኮቻስ ህንተ ሳማ የግድ ሻካና ላታ ቢታይ ሀይሳ። 14 ሮቤላ ኮቻይ፥ ጋደ ኮቻይነ ምናሰ ኮቻፈ ባጋይ፥ 15 ባንታ ላታ እያርኮፈ ሄፍንꬃን፥ ዮርዳኖሰ ሻፋፐ ዶሎሀ ባጋን ኤክዶሶና” ያግስ።

16 ጎዳይ ሙሰኮ፥ 17 “ካህንያ አላዛራነ ናወ ናኣ እያሱይ ሄ ቢታ አሳስ ሻኮ። 18 ቃስ ቢታ ሻካናዉ ማዳና መላ እስ እስ ኮቻፈ እስ እስ ሀላቃ ዶርተ። 19 ኤንታ ሱንꬃይ ሀይሳፈ ካልድ ደኤይሳ።

29 ካናነ ቢታ እስራኤለ አሳስ ላታ ኦꬅድ ሻክድ እማና መላ ጎዳይ ኪትዳ አሳት ሀይሳታ” ያግስ።